Ejikele 23:16 - Bibilia Buk na Ŋun nagon koti luŋu a

¹⁶ A na meddi ŋina ŋuto kine ŋöjinö nu, a nye nyaŋi se ko pusök, a sonyoddi ŋutu kanyit i jur lose Kaledea yu.

Ejikele 23:16 Iomraidhean Croise

Suluet 3:6

A nu nuto ko meddi adi ludweki ti lu ködini a lo ’but i nyei, Köti kwekwelen i meta, Köti a ködini lo ’de ’dekarikin i tokoŋgu na ŋuto, a ’deuŋdye ludweki kanyit a nyesi nyesu, a tiŋdi lalet lonyit Köti, a lu ŋuto nyesi nyesu.

Suluet 39:7

A ko gwe sona i mukök na kine kulya, a nakwan na duma lonyit sekiŋdye konyen ko Yosepa, a kulyani adi, Dotoni ko nan.

Suluet 6:2

a ŋwajik ti Ŋun ko meddi adi ŋwajik ti Ŋutu a nakwe kwelen, a se yemakiŋdye ’börik wate gwoso na ’deggi se na.

2 Samuele 11:2

A gwe sona i lele koriri nagon kolor gwe nyona ko ’doro nu, a Dawidi ŋine ki kanyit i dotoet, a wöröni woro i lo ’dek loki lo kadi nanyit na mor, a nye meddi i ŋilu lo ’dek loki nene ŋuto gwon i kwo; a ŋinu ŋuto metani a nake parik.

2 Moran 24:1

A i perok ti Yeyoyakim, Nebukadanesar mor lo Babela poni ŋo, a Yeyoyakim gwe a ’dupiet lonyit ko kiŋajin musala; a nye kirut lopuŋge löpuggö, a renyani sara ko lepeŋ.

Eyobo 31:1

Nan a teteŋdya milye ko Ŋun i komor, adi konyen kwe mo ti boŋga kö ’disityo.

Saumajin 119:37

Wöripundye konyen kwe kaŋo i meddya na ŋo nagon a wuya kana kune; ko toruje nan i kikolin kulök.

Tolupesi 23:33

A do mo meddi ŋo ka ’de ka ’de konut i konyen, a töili ilot mo tindi do i jambu na kulya nagon a wuya.

Tolupesi 6:25

Ti töili ilot gwe ti be ’ya kwelen nanyit, ko ti do gwe ti ruk lepeŋ i toŋga na do ko konyen;

Yisaya 57:9

A nye jölöni ko welesi tojo ko Molek, a nye ’ya ’yi riyajia kanyit ko kulye, a nye soŋdi luyökie kanyit pajo, a soŋdi lepeŋat kak tojo-ko pirit na mulökö.

Ejikele 16:17

A do koti ’dumuŋdye minyojin kunok nake ti dakap nio se ko ti podo nio nagon nan a tikin do kune, a tetenakiŋdye mugun a nyomue-jin ti ŋutu lyan, a biryeri mugun ko lepeŋat a kawute.

Ejikele 16:29

Do köti a ’yaladdu wutön inot ŋerot ko ŋutu ti Kaledea logon a katujarak, ama a do gwe a ko nyuŋ yimönö wutön ma ’di ko kilo ŋutu.

Ejikele 23:15

Lepeŋat liŋ gwon ko goman kase i mukökö, a dukukiŋdye emalan kwe-kwelen kase i kusik nagon ’dutesi kase leleju a najo, lepeŋat liŋ ŋuru gwoso temejik ti kamörök, a metani gwoso ŋutu ti Babela logon jur lose a Kaledea.

Ejikele 23:20

A lepeŋ gwe ko pusök i nyaŋu na ŋutu lyan logon a kawutejin nyu, logon swötön ti mugunya kase gwoso ti kaineki, logon kula kase jore gwoso ti kusanjin.

Matayo 5:28

Kölumbö nan takiŋdya ta adi, I ŋutu liŋ geleŋ geleŋ, ŋuto logon a be ’ya ŋuto nakwan lo ’diri aje luŋ lepeŋ kanyit i töili.

2 Petero 2:14

Konyen kase a jore ko lubbo a tine bulo kö ’yu toron. Lepeŋat togiraddu ŋutu lomunyak i koŋdya na toron. Toilyet kase a diniki goma gurut, a Ŋun iŋge lom lepeŋat.