Ejikele 22:7 - Bibilia Buk na Ŋun nagon koti luŋu a

⁷ ŋutu a lauŋdya komonye kase se ko kopote kase konut lukata, se a ru ’ya ŋutu lo mömönuŋdyö, a konakiŋdye kikijikö se ko karu ’bejin arabat konut lukata.

Ejikele 22:7 Iomraidhean Croise

Saumajin 94:5

Se a mumuyugga ŋutu kulök ŋon MATAT, a se yöyöŋgi ŋutu kulök lomoriot.

Saumajin 94:6

Se tatatuja karu ’bejin ko Lwaka, se tatuja kikijikö.

Yuörö 20:12

Bule bu munyi se ko ŋuti, anyen do si ’da kiŋajin jore i jur logon MATAT ŋun ilot titin do lo.

Yuörö 21:17

Ko pa lo momoröju monye kode ŋote, a nye ködyö tatuani tatua.

Yuörö 23:9

Do ködyö ti ru ’ya ŋuto logon a lwakatyo; kogwon ta deden yeyeesi ti töili lo lwakatyo, kogwon ta köju a lwaka i jur lo Ejipeto.

Tolupesi 20:20

Ko ŋuto logon a lömbu monye kode ŋote lombo lonyit mo tatatua i mudwe logon adi ’dii.

Tolupesi 30:11

Kulye ŋutu kata logon momoröju komonye a tine bu ’ya kŋgote.

Tolupesi 30:17

Korukan ti pirit na ’dir mo wulu-dun konyen ti ŋuto kaŋo logon a ka ’dö ’döyönit lo monye, a renyani twöju ŋote, a logulusen mo nyesi se.

Yisaya 1:17

jujumbi ta koŋdya ’bura; ga ’yi ta lilija rigwo, tiŋdi ta karudak i tu gwogwo; ’duŋgeta kulya tikikijikö ’bura, juŋdye ta karu ’bejin.

Yisaya 1:23

Kasarak kulök a karenyak ko a julin ti kolak. Se liŋ geleŋ geleŋ nyanyar gwöröki a kepoddi ’dokesi. A se tine ’duggö kulya ti kikijikö ’bura, a putesi ti karu ’bejin tine ’dur kase yu.

Yeremia 7:6

a ko ta a ko ru ’ya Lwaka, kode kikijikö kode karu ’bejin, a ko ta a ko ’buköddu rima na mamaŋa i na pirit, a ko ta a ko köŋu ’börik i kepoddu na kulye ŋunyen,

Ejikele 18:12

a ru ’ye lomerika se ko ŋutu lo yöŋö ŋo, a gwe a karyakanit, a tine nyökökiŋdyö ŋo nagon a togwoet, a ’bilikiŋdye konyen ki i twöju na nyomuejin logon a ŋunyen kulo, a koŋdi ŋo na mamana,

Ejikele 22:25

Ŋutu kasarak i lukata nanyit gwon gwoso kömiruöt lo rumön i koja na kijakwa; lepeŋat aje tatuja ŋutu, a ryaggi tukwörienjin kase se ko ŋo na gwörö go, a iŋge tiŋdu karu ’bejin wora jore i lukata nanyit.

Ejikele 22:29

A ŋutu ti jur ’bukuluŋ yeŋe ru ’ya, a ryaggi ryaggu, a se yöyöŋgi lomerika se ko ŋutu lo yöŋö ŋo kulo, a se ru ’ye ŋutu lo mömönuŋdyö.

Lewi 20:9

Kogwon ŋutu liŋ logon moru monye kode ŋote ködyö tatatua; nye aje moru monye kode ŋote nanyit a rima kanyit gwe kanyit i kwe.

Jakaria 7:10

an ta ko ru ’ya ta karu ’bejin kode kikijiko, kode lo momo-nuŋdyo kode lomerika; ko ti lele losu gwe ti yeyeju kulya narok kanyit i toili ko luŋaser lonyit.

Malaki 3:5

Nan MATAT lo kurumi lo kulya adi, Nan mo mimijoro kasu nyona i ’duŋgo na putet; a nan mo gwe ajo i tökoŋu arabat kulya ti ka ’demak, ko ti kalupok, ko ti kamilyok logon milyeju a wuya kana kilo, ko ti karudak ti ŋutu lo roröpaki kita, ko ti karudak ti karu ’be-jin, ko ti karudak ti kikijiko, ko ti se lo dukaddu ŋutu logon a lepelok kilo. Kilo a ŋutu logon ti kujono nan.

Marako 7:10

Kogwon Mose a kulya adi, Bule bu munyi se ko ŋuti, koti adi, ŋuto logon jambu ko monye lonyit kode ko ŋote nanyit arabat lo, ti nye ’diri ködyö tatuani tatua.

Nyökit 24:17

An do ko tukwölöŋgu putet lo ŋutu lo si ’da a lepelok kode lo kikijikö, kode i joŋga na boŋo na karu ’be a logwoet;

Nyökit 27:16

Nye a lömö logon a to ’diddya monye kode ŋote. A ti ŋutu liŋ ruŋge adi, Amin.

Nyökit 27:19

Nye a lömö logon a tukwölöŋgu putet lo ŋutu lo si ’da a lepelok, kode lo kikjiiko, kode lo karu ’bejin. A ti ŋutu liŋ ruŋge adi, Amin.

Nyökit 5:16

Bule bu munyi se ko ŋuti, gwoso nagoŋ MATAT ŋun ilot a saŋi do; anyen do si ’da kiŋajin jore, a kulya kunök iti ’bura i ŋilu jur logon MATAT ŋun ilot a tin do lu.