Ejikele 22:4 - Bibilia Buk na Ŋun nagon koti luŋu a

⁴ Do ŋina köji gwon ko toron kogwon rima na ’bukörö ŋutu kulök kune, a do iŋge toluta ko nyömuejin lo teten ŋutu kulök kulo. Do aje ’duŋgö perok kulök ku ’dik, kipajin kulök ti ’dutet gwe nyona. Nyenagon nan aje kon do a po nagon gweyajin ti ŋutu ’dö ’dö ko a po nagon jurön kwekweni ’e.

Ejikele 22:4 Iomraidhean Croise

1 Moran 9:7

a nan mö ’duŋöddi ŋutu ti Yisaraele kaŋo i jur logon nan aje tin se lo; a nan mo tolikiŋdye ŋina kadi köyö i metet nagon nan aje gelakin karin kwe na; a ŋutu ti Yisaraele mo gwe a temet ko a tojowet i kiden na jurön liŋ.

2 Moran 21:16

Köti luŋa Manase a ’buköddu rima na mamaŋa jore parik, tojo lepeŋ a tojore Yerusalema i ’dutet tojo ko nene ’dutet, kökö toron nagon nye a tiŋdi kötumit na Yuda i toroŋdya anyen se koŋdya ŋo nagon a naron ko MATAT i metet.

2 Dekat 7:20

a nan mo gwunyuŋdye ta kaŋo i ŋilo jur logon nan a, je tin ta ŋilo; a nan mo tolikiŋdye ŋina kadi koyo i metet nagon nan aje gelakin karin kwe na, a nan mo koŋdi lepeŋ a temet ko a tojowet i kiden na juron liŋ.

Saumajin 79:4

Maratejin kaŋ lalaun yi, ŋutu lo diŋö koyi kulo kwekweni ko ’do ’döju yi.

Yeremia 18:16

Nyena a ŋutu kwe köŋi jur lose, a ŋutu mo ’diuŋge lepeŋ ŋupi.Ŋutu liŋ loron lwöpöddu kata kulo sösöŋu, a do doŋgi kusik kase.

Yeremia 24:9

A nan mo koŋdi se a po torigwökit i tumatyan­jin liŋ ti kak, anyen gwon a lawet, ko a tojowet, ko a kweniet, ko a lömit i piritön liŋ nagon nan mo riköddi se kata kunu.

Yeremia 44:8

Kine kulya mo pokin kasu loki kogwon ta a towoŋa nan i teteŋdya nasu na nyömuejin, i ’yuŋa na bökurön a ti kulye ŋunyen i jur lo Ejipeto, logon ta a po kata i si ’da lo. Ta mo tiŋdu ’börik i tukara, a ta mo gwe a lömit ko a lawet i kiden na jurön liŋ ti kak.

Ejikele 16:57

kweja adi i ŋerot nagon toron inot a ko nyuŋ kweki köke nu? Soŋinana do aje wora a yuyuket na ŋwajik wate ti Suria se ko ŋutu na si ’da kanyit nyona, ko a yuyuket na ŋwajik wate ti Pelesete; kine a se nagon lorga do ko a lauŋdya do kune.

Ejikele 21:28

Ŋuro lo ŋuto, keŋ keju, kulyani adi, MATAT ŊUN lo kulya ko ŋutu ti Amon logon a kalaak kulo adi, Baŋdu aje ’dutwe kaŋo anyen tatatuarikin, baŋdu aje poto anyen kokobbu, ko anyen meme ’yu gwoso meme’dekta na ki!

Ejikele 22:2

Ŋuro lo ŋuto, do ŋona gwon ajo i ’dupökiŋdyö na köji putet nagon ŋutu kanyit a katatuak? Do ’diri ’du ’dupökin lepeŋ putet a kwekiŋdye lepeŋ po kanyit liŋ na mamana na kon ŋutu kanyit kune le?

Ejikele 23:32

Nan MATAT ŊUN lo kulya adi, Do mo möju ko kopo lo kiösur logon a logulu ko a luŋa laŋ; a do mo kweniarikin kweniarikin a ’dö ’döyöni ’dö ’döyö, kogwon ŋilo kopo a jore parik;

Ejikele 23:7

A Ola iŋge biryeri mugun a kawute ko ŋutu liŋ ti Asura logon a togeleŋ i kwelen, a lepeŋ iŋge toluddya mugun ko nyomuejin liŋ logon a ŋunyen ti kilu ŋutu liŋ logon nye nyanyar ko pusök kulo.

Ejikele 24:7

Kogwon köji gwon ko rima kanyit lukata, a nye iŋge ’bukökin se i lele nagon gwon kana ’bak nene ŋo, a nye gwe a ko ’bukökin kak anyen yiyik ko kujöŋ.

Ejikele 24:8

Ama nan köti aje ’bukökin rima na ’buk nye kune i lele nagon gwon kana anyen gwon ti yikö, anyen totule ’yu woran nio anyen nan roropakiŋdya.

Ejikele 36:15

A nan mo köti tine tin do i yiŋga na ŋutu ti jurön i ’da ’daŋu na do, a ŋutu mo köti tine tomijö do ko ’dö ’döyösi, a köti mo tine tiŋdu jur ilot i ’doro kwöŋ. Kilo a kulyaesi kwe ti MATAT ŊUN.

Daniele 9:16

Pon MATAT, gwoso nagon do ŋupi koŋdya kulya na rigwo na, ti woran inot ko ŋoma inot boŋö löpuköddi kaŋo i köji inot Yerusalema nagon a mere ilot loke; kogwon Yerusalema ko ŋutu kulök gwe a tojowet i kiden na ŋutu liŋ logon kayaŋ nyona, kogwon toronjin kaŋ ko lyaŋesi ti merenyejin kaŋ.

Lewi 26:32

a nan mo tiŋdi kak i gwon kana, anyen merok kasu logon mo si ’da kata kulo mo sösöŋu ko nye.

Kenet 32:14

Meddi ta, ta a ŋun i ruddya na merenyejin kasu a teŋ na katoronyak, i ’yalakiŋdya na woran na pape na MATAT i ŋutu ti Yisaraele köti!

Nyökit 28:37

A ta mo poŋdi a torigwökit, ko a temet ko a tojowet, i kiden na gweyajin liŋ ti ŋutu logon MATAT mo nyömöddi ta kaŋo nu.

Nyökit 29:24

Nyena lepeŋat se ko jurön liŋ mo ŋa adi, Ko nyo nagoŋ MATAT a konakiŋdya ŋilo jur sona? Tupape na ŋina woran duma kweja nyo?

1 Tesalonike 2:16

Lepeŋat teŋgu yi i tokukiŋdyö na ŋutu ti juron lore logon ködyö joŋdya se i lwöko lo. Ŋina a tojore na toronjin kase nagon se ŋupi gwon i kokonoja kune. Ama woran na ŋun a ’dukin kase a ’dutet.