Ejikele 22:27 - Bibilia Buk na Ŋun nagon koti luŋu a

²⁷ Ŋutu lokukwön i lukata nanyit gwon gwoso lujin lo koja kijakwa; lepeŋat ’buköddu rima a tukaŋi ŋutu, anyen wuju ’bulit na rye i kikolin lorok.

Ejikele 22:27 Iomraidhean Croise

2 Dekat 36:14

A ma ’di koanejin temejik liŋ se ko ŋutu köti iŋge toroŋdya parik i mirakiŋdya na manat liŋ ti kulye juron; a se toluddye kadi na MATAT nagon nye a kon a nake na rurwan Yerusalema yu nu.

Tolupesi 17:23

Ŋuto loron wuju ’dokesi na ’dumwe i jeba a lwön, anyen tukwölöŋgu ’duŋgö na putet rigwo.

Yisaya 1:23

Kasarak kulök a karenyak ko a julin ti kolak. Se liŋ geleŋ geleŋ nyanyar gwöröki a kepoddi ’dokesi. A se tine ’duggö kulya ti kikijikö ’bura, a putesi ti karu ’bejin tine ’dur kase yu.

Yeremia 34:19

Ŋutu lo lwöpöddu i kiden na tupesi murek ti tagwok kulo a temejik ti Yuda, ko ti Yerusalema, ko ŋutu logon a kona a ’baŋin, ko koanejin, se ko ŋutu liŋ ti jur.

Yeremia 41:7

A nagon se aje lupe köji kata nu, a Yisamaele ŋuro lo Netania se ko ŋutu lo gwon ko lepeŋ i pirit na geleŋ kulo tatuje lepeŋat, a se gubaddi öpuö ti kilo ŋutu i dili kata,

Yeremia 5:6

Nyenagon komiru mo pupukun i rudu i tatuja na lepeŋat, a lujinte mo puku i yobu na sese i tukaŋu na lepeŋat, a koka mo tiji köjino kase, a ko lele ŋuto mo lupuŋdyo kaŋo a koka mo köji lepeŋa nyesi nyesu; kogwon toronjin kase gwe jore, a lepeŋat iŋge tu kaŋo koyo daŋin jore parik.

Delyasi 4:13

Kine kulya a pokin kogwon toronjin ti nebijin ti ŋinu köji se ko lyaŋesi ti koanejin kanyit, logon a ’bukuŋdyo rima ti ŋutu ti loti lo rigwo i lukata nanyit.

Ejikele 13:19

Ta aje toluddya nan i kiden na ŋutu kwe anyen ryeju ’bolot saora ku ’dik logon sune ko könin kulo se ko tupesi ku ’dik ti ambata. A ta joŋdi twan i ŋutu logon ködyö ti twatwa kulo, a ta tiŋdi ru i ŋutu logon ködyö ti ru, kogwon ta a jamakiŋdya ŋutu kwe kulya ’burönö. Kilo ŋutu kwe nyanyar yiŋga kulya mumulukesi.

Ejikele 22:13

Nyenagon mete, nan a naŋgu könisi dedelya kogwon ’bulit na ryö ŋutu kulök i kikolin lorok, koti kogwon rima nagon a ’buköŋ konut kiden kune.

Ejikele 22:25

Ŋutu kasarak i lukata nanyit gwon gwoso kömiruöt lo rumön i koja na kijakwa; lepeŋat aje tatuja ŋutu, a ryaggi tukwörienjin kase se ko ŋo na gwörö go, a iŋge tiŋdu karu ’bejin wora jore i lukata nanyit.

Ejikele 22:3

Kulyani adi, MATAT Ŋun lo kulya adi, Wöidiö köji nagon ŋutu kanyit lukata a katatuak, aje jakiŋdya mugun karan! Wöidiö köji nagon ŋutu kanyit tetenakiŋdya ’börik nyömuejin logon a punyen a tolutesi kanyit!

Ejikele 22:6

Mete, kasarak ti Yisaraele liŋ lo gwon i lukata inot kilo a kitari riŋit nase na tumatyan i ’buköddu na rima.

Ejikele 33:31

A lepeŋat mo poŋdi konut ni gwoso nagon ŋuto po i meddya na nebi na, a lepeŋat mo si ’dakine konut i komor gwoso ŋutu kwe, a lepeŋat mo yiŋge ko do jambu nyo, ama a lepeŋat mo tine kon po na jam do kune. Lepeŋat kwekiŋdya nyaŋu duma ko kutusen kase kana, ama a töilyet kase gwi ’diki i po nagon mo jakiŋdya se ’bulit.

Ejikele 34:3

Ta möju le, a ta tojubbi ’börik ko boŋgwat na gweya ko kupir ti köbilu, a ta ’duŋge köbilu lopir, ama a ta tine tunyeju köbilu.

Ejikele 36:12

Iŋkoi, a nan mo tiŋdi ŋutu i wörö kasu loki, kweja adi kilo a ŋutu kwe Yisaraele, a lepeŋat mo ’debbi ta a lomoriot kase, a ta mo köti tine toliki-ŋdyö ŋwajik kase kwöŋ.

Ejikele 45:8

A ŋina kak ködyö gwe a lomore nanyit i Yisaraele. A ŋutu kwe kasarak ködyö köti tine ru ’ya ŋutu kwe, ama a se ködyö tiŋdi kötumit na Yisaraele lo jur a lose gwoso i ’duŋesi kase ti kötumit na Yisaraele.

Ejikele 45:9

Nan MATAT ŊUN lo kulya sona adi, Ta kasarak ti Yisaraele, aje jo! Kölöki ta ŋonyan se ko ryaggu nasu ŋina, ’duŋge ta putesi gwogwo, koŋdi ta ko torigwo; kölöki ta ririkijö na ŋutu kwe i kak jin kase na kukuru, ŋilo a nan MATAT ŊUN lo jambu.

Ejikele 46:18

A kasaranit kodyo tine ru ’ya ŋutu i riŋaddu na lele swot lo kak jin kase lomoriot; nye kodyo korakiŋdya ŋwajik kanyit lomoriot kase i kak naŋyit lomore, anyen ŋutu kwe ti Matat kodyo gwon ti rekin kaŋo ka ’de ka ’de i lomoriot kase.

Mika 7:8

Ta merok kwe, ko lyöŋön ta ko nan; ma ’di nagon nan aje ’doro nan mo ŋiŋien, a ko nan si ’da i mudwe, a MATAT mo lo gwe a parara nio.

Abakuk 2:9

Wodio i ŋuto lo koŋdya ŋonyan anyen galakiŋdya mede nanyit bulii, a ’dukokiŋdye mugun kadi ki gwoso na kwenti. anyen Iwoggu mugun an ŋutu lorok ko mok nye.

Jepania 3:3

ŋutu temejik logon si ’da i lukata nanyit kulo gwon gwoso komi-ruot lo rurumon; a ka ’duŋok kanyit ti putesi gwe gwoso lujin lo woro i sömukö logon ti kolokiŋdyo nene ŋina tojo ko ko ’bure.

Matayo 21:13

a nye kulyani ko se adi, A wurö adi, Kadi nio mo luŋu a kadi kwakwaset; ama ta aje kon nye a pirit ’danaet na karyakak.

Matayo 7:15

Kunyar ta nebijin kamumulukak logon po kasu ni meta gwoso köbilu, ama i lukata nase lepeŋat ’diri gwoso lujin kakerenyak.

Konesi 20:29

Kogwon nan deden adi i mukök nagon nan aje tu nu, a lujin kaŋajin mo poŋdi kasu kiden, a mo tine pitökin teŋ na yidin.

Konesi 24:9

a Yudayaki köti juŋdye ŋilo putet a ruŋge adi kine kulya a gwak.