Ejikele 22:26 - Bibilia Buk na Ŋun nagon koti luŋu a

²⁶ Koanejin kanyit aje gubakin saresi kwe ti MATAT kak, a iŋge toluddya ŋo kwe nake na rurwan; a lepeŋat gwe a ko koŋa ŋo nake na rurwan ko ŋo nagon abur kana, a se gwe a ko todini-kiŋdyö tuka ’de na kinyojin logon a loke logon a ’buruki anyen nyenyei ko logon ’bayin a loke, a se gwe a ko ’debba sabatajin kwe, a nan kirut iŋge lawe kase kiden.

Ejikele 22:26 Iomraidhean Croise

2 Dekat 36:14

A ma ’di koanejin temejik liŋ se ko ŋutu köti iŋge toroŋdya parik i mirakiŋdya na manat liŋ ti kulye juron; a se toluddye kadi na MATAT nagon nye a kon a nake na rurwan Yerusalema yu nu.

Yeremia 15:19

Nyena a MATAT waddi adi, Ko do a yitwe koyo ni, a nan mo nyokokiŋdye do bot, a do mo gwo ’de koyo i komoji i kitakiŋdya na nan. Ko do a jambu go nagon a na ’but bia parik ti gwon a go nagon ’bak ’bulit, a do mo gwe a kutuk nio.A lepeŋat mo lopukuŋdye konut ni, ama a do mo tine lopukoddu kase yu.

Yeremia 2:8

A koanejin gwe a ko pija adi, MATAT liya? Bodwat ti saresi a ko yeye nan, kayukuk ti ŋutu a toroŋdya nan, a nebijin kekejiti i karin ti Bala a kepoddi ŋo nagon ’bak ’bulit.

Delyasi 4:13

Kine kulya a pokin kogwon toronjin ti nebijin ti ŋinu köji se ko lyaŋesi ti koanejin kanyit, logon a ’bukuŋdyo rima ti ŋutu ti loti lo rigwo i lukata nanyit.

Ejikele 22:8

ŋutu kulök a lanu po kwe nake na rurwan, a iŋge kör sabatajin kwe.

Ejikele 23:38

A se köti iŋge konakin nan ŋina ŋo: kweja adi se aje köŋu pirit nio nake na rurwan i lor lo geleŋ lu a köŋi sabatajin kwe.

Ejikele 36:20

Ama i diŋit nagon lepeŋat aje ’durökin i juron liŋ logon lepeŋat tu kata kulu nu, a lepeŋat koŋi karin kwe nake na rurwan, a ŋutu jambi kulya kase adi, Kulo a ŋutu ti MATAT, ama lepeŋat agu ködyo kökolökin jur lonyit.

Ejikele 42:20

Iŋkoi, lepeŋ aje temba ŋinu pirit i swötön liŋ iŋwan, a gorom nagon lolorga lepeŋ na temuŋdye a lokiliŋan miajin mukanat i jolan nanyit, a tugalaŋ nanyit gwe a lokiliŋan miajin mukanat ŋina gorom koŋa ko pirit nake na rurwan, ko nagon abur kana na.

Ejikele 44:10

Ama Lewijin logon aje girara kaŋo pajo köyö kulo i kepoddu na nyömuejin kase logon a punyen i diŋit na giraddi ŋutu ti Yisaraele i toron nu, lepeŋat ködyö ŋogoŋ riŋet na toron nase.

Ejikele 44:23

A se ködyö todinikiŋdye ŋutu kwe i koruŋdya na ŋo nake na rurwan ko nagon abur kana, ko i koŋa na ŋo nagon ’bayin a nake na rurwan se ko nagon a nake na rurwan.

Ejikele 44:24

A ko ŋutu gwon i rerenya ko ’börik, a lepeŋat ködyö kitani gwoso ka ’duŋök i lilija na putesi, a se ködyö ’duŋge putet gwoso i ’duŋesi kwe. A se ködyö ’debbi jujuwesi kwe se ko saresi kwe lo wurö i diŋitan kwe liŋ na wulwe, ko i tiju na sabatajin kwe a loke lo rurwan.

Ejikele 7:26

Kulya narok jore mo rurutuŋdya, a liŋio lorok jore mo rurutuŋdye rurutuŋdya; a se mo ga ’yi nebi anyen metakiŋdya se kulya ti Ŋun kanyit i töili, ama a tökoŋu na saresi iŋge likin ko koanejin i töilyet, a ŋutu temejik mo gwe ’bak jujuwesi na ’but.

Lewi 10:10

Ta ködyö koruŋdya i kiden na ŋo nake na rurwan ko i ŋo nagon abur, ko i kiden na ŋo nagon a lut i kulya ti keri se ko ŋo nake;

Lewi 11:47

anyen koruŋdya i kiden na ŋo logon a lut ko na ŋo loke i kulya ti keri, ko i kiden na ŋo lo gwon jorun logon a ’buruki i nyei kulo, se ko na ŋo lo gwon jorun logon a ko ’buruki i nyei kulo.

Lewi 13:43

Nyena a koane ködyö gwulu ’ye lepeŋ, a ko ködyö lu twanti lo ’do ’doddu lo i kwe nanyit namelen, kode i komor nanyit namelen na gwe a lokwe mora ko lotor, gwoso meta na rimajin i ’böriköt lo mugun,

Lewi 20:25

Nyenagon a ta ködyö koruŋdye i kiden na kijakwa loke ko logon a lut i kulya ti keri, ko i kiden na kwen nagon a lut ko nagon a nake; a ta ködyö tine koŋdya ’börik a ŋo lo mamana i kulya ti kijakutat, kode ti kwenti, kode ti ŋo liŋ logon gwogwo-Otu i na kak, logon nan a korakin ta adi se a lut kulo.

Malaki 2:7

Kogwon ŋutu yiyio jamesi ti koanejin, a se ga ’yi todinesi ko saresi lo jam lepeŋat kilo, kogwon se a luyökie kwe nan MATAT lo kurumi.

Malaki 2:8

Ama nan MATAT lo kurumi lo kulya adi ta aje girara kaŋo i ŋilo kiko; a ta aje tukopuggo ŋutu jore i kulya ti saresi kasu; ta aje koŋu tomoret nio ko Lewijin,

Roma 2:24

Kogwon gwoso na wurörikin kulya ti Ŋun kune adi, Karin ti Ŋun a lawe i kiden na Ŋutu ti jurön kogwon kulya kasu ta Yudayaki.

1 Samuele 2:22

A Eli gwe a modoŋ parik, a nye iŋge yiŋ ŋo liŋ nagon ŋwajik kanyit konakin i Yisaraele liŋ kune, ko lulu-pujö nase na ŋutu wate na kikita i kötumit lupet na kemia torumet.

1 Samuele 2:29

Ko nyo ta lalaun rubaŋgajin kwe ko ’dokesi nagon nan aje sarakin anyen jaki nan; a do bu ’ye ŋwajik kulök lwölwöŋ nan, a ta topije ’borik ko swötön lo ’but ti ’dokesi liŋ logon ŋutu kwe Yisaraele lo wukiŋdya kilo?