Ejikele 22:25 - Bibilia Buk na Ŋun nagon koti luŋu a

²⁵ Ŋutu kasarak i lukata nanyit gwon gwoso kömiruöt lo rumön i koja na kijakwa; lepeŋat aje tatuja ŋutu, a ryaggi tukwörienjin kase se ko ŋo na gwörö go, a iŋge tiŋdu karu ’bejin wora jore i lukata nanyit.

Ejikele 22:25 Iomraidhean Croise

1 Moran 22:23

Nyenagon mete, MATAT aje tiŋdu Mulökötyo ’burönit i kutusen ti kilo nebijin kulok liŋ; MATAT aje jamakiŋdya do kulya narok.

Yisaya 56:11

Se a ’dioŋjin lo gwon ko maŋor ŋupi; a se tine yimönö kwöŋ. A kayiŋituk köti gwe ’bak tirikwet; a se liŋ geleŋ geleŋ girara i kikolin kase, ŋuto geleŋ yöŋö ’bulit nanyit, ma ’di i lon swöt.

Yeremia 11:9

A MATAT köti takiŋdye nan adi, Karenyak kata i kiden na ŋutu ti Yuda ko ti Yerusalema.

Yeremia 15:8

Nan aje tin karu ’bejin kase gwon jore lwölwöŋ sese na tör; a i tuparan kiden a nan iŋge joŋdya katukarak i todelyaju na kopote teton; a nan iŋge tiŋdu delya duma ko kujönö duma i morga na lepeŋat ’de ’de adi wulek.

Yeremia 18:21

Nyenaŋon wuki ŋwajik kase i dyaŋ, ŋutu ki lepeŋat i tatua ko baŋdujin, ti wate kase gwe ’bak ŋwajik ko ti se gwe a likisojin. Ti ŋutu lyan kase twatwane ko twanti iŋgo, ko ti teton kase tatuani ko baŋdujin i ŋor

Yeremia 2:30

’Bulit ’bayin nagon nan gwuddyö ŋwajik kasu kak, tojumisi kwe ti yiŋa; a ta gwe gwoso kömiru nagon a kaŋ ai tatuja na nebijin kasu ko walya kasu.

Yeremia 2:34

Iŋkoi, makine rima konut i boŋgwat; kine a rima ti ŋutu lomerika logon ’bak kulya logon do a tatu kulo, do a ko ryö lepeŋat i ’beleŋgu na kadi.

Yeremia 23:14

Nan a met nebijin ti Yerusalema i koŋdya na ŋo narok parik, kweja adi lepeŋat totoluŋ, a wöröni i kulya ’burönö, a topo ’yi ŋutu katoronyak, anyen lele ŋuto gwon ti löpukuŋdyö kaŋo kanyit i toron; lepeŋat liŋ aje wora köyö gwoso Sodoma, iŋkoi, ŋutu lo si ’da i ŋina köji kulo gwe gwoso Gomora.

Yeremia 6:13

Kogwon suluja i lo ’di ’dik tojo ko ŋutu temejik, lepeŋat liŋ gogoma parik ko ŋo nagon rye i kikolin lorok; iŋkoi, lepeŋat a kamumulukak, suluja i nebijin tojo ko koanejin.

Delyasi 2:14

Nebijin kulok aje metakiŋdya do kulya kase i toilyet nagon a ’burönö ko a mumulukesi, se a ko timun lyaŋesi kunok anyen nyokuŋdyo do kaŋo i to ’dupien, ama se aje metakiŋdya do kulya kase i toilyet nagon a ’burönö ko a tulyaŋesi.

Delyasi 4:13

Kine kulya a pokin kogwon toronjin ti nebijin ti ŋinu köji se ko lyaŋesi ti koanejin kanyit, logon a ’bukuŋdyo rima ti ŋutu ti loti lo rigwo i lukata nanyit.

Ejikele 13:19

Ta aje toluddya nan i kiden na ŋutu kwe anyen ryeju ’bolot saora ku ’dik logon sune ko könin kulo se ko tupesi ku ’dik ti ambata. A ta joŋdi twan i ŋutu logon ködyö ti twatwa kulo, a ta tiŋdi ru i ŋutu logon ködyö ti ru, kogwon ta a jamakiŋdya ŋutu kwe kulya ’burönö. Kilo ŋutu kwe nyanyar yiŋga kulya mumulukesi.

Ejikele 13:2

Ŋuro lo ŋuto, keŋ kulya narok i kulya ti nebijin ti Yisaraele, iŋkoi, keŋ, ko taki se logon kekejutu ŋo nagon po kase i kusik kilo adi, Yiŋge ta kulyaet lo MATAT!

Ejikele 22:7

ŋutu a lauŋdya komonye kase se ko kopote kase konut lukata, se a ru ’ya ŋutu lo mömönuŋdyö, a konakiŋdye kikijikö se ko karu ’bejin arabat konut lukata.

Ejikele 34:2

ŋuro lo ŋuto, keŋ keju kulya narok i kulya ti kayukuk ti Yisaraele, keŋ keju ko taki lepeŋat adi, Ta kayukuk, MATAT ŊUN lo kulya adi, Wöidiö, ta kayukuk ti Yisaraele logon deŋdya tunyeju ’börik kilo! Kayukuk ködyö ti tunyeju yidin le?

Ejikele 34:3

Ta möju le, a ta tojubbi ’börik ko boŋgwat na gweya ko kupir ti köbilu, a ta ’duŋge köbilu lopir, ama a ta tine tunyeju köbilu.

Osea 6:9

Nyena a koanejin momori ’börik a teŋ i tatuja na ŋutu i kiko lo tu Sekeme, gwoso karyakak logon domba ŋutu; iŋkoi, a se koŋdi konesi naŋon parik.

Matayo 23:13

Wöidiö, ta katodinök ti Saresi ti Mose se ko Parusijin, kamumulukak! Kogwon ta a kinun ŋutu kaŋo i Tumatyan na Ki; ta ko ’börik a ko lupö nyin, a tine rukökiŋdyö ŋutu i lupö lukata logon ’de ’dekan lupö kilo. [

Marako 12:40

Kilo a ŋutu logon nyesu ŋo ti karu ’bejin, kölumbö a se kwakwaddi diŋit a najo mumulugga. Lepeŋat mo ririŋa bia parik.

Luka 20:47

Kilo a ŋutu logon nyesu ŋo ti karu ’bejin, kölumbö a se kwakwaddi diŋit a najo mumulugga. Lepeŋat mo ririŋa bia parik.

Kweyatti 13:11

A kirut nan meddi lele gworoŋ pukun kaŋo i kak. Lepeŋ gwon ko oŋgwora murek gwoso ti kilolor kulo, a lepeŋ jambi gwoso na kitun na.

Kweyatti 13:15

A lepeŋ iŋge ruköki i tiŋdu na nyömue na ŋilo gworoŋ yukan nagon a na ru, anyen ŋiŋa nyömue ködyö jajambu, anyen tiŋdu ŋutu liŋ logon ti twöju lepeŋ kilo i tatua.

Kweyatti 17:6

A nan meddi ŋina ŋuto a meran ko rima ti ŋutu ti Ŋun se ko rima ti ŋutu logon tokujö kulya ti Yesu kulo. A na meddi nan lepeŋ nu, a nan iŋge söŋu parik.

Kweyatti 18:13

ko kinamon, ko memelan na mon ’bura, ko bokur, ko mur, ko bökur lokwe; ko binyo, ko welet, ko ’bolot na jiö a naliliŋök, ko ’bolot logon a konyen; ko kisuk, ko yidin, ko kusanjin, ko arabiajin lo jijikö, seko ŋutu logon a momoka a ’dupi.