Ejikele 22:21 - Bibilia Buk na Ŋun nagon koti luŋu a

²¹ iŋkoi, nan mo pepenakin ta lukata a yukö-kiŋdye kimaŋ na woran nio kasu loki, a ta mo lusoköni lusokö i lukata na tuka.

Ejikele 22:21 Iomraidhean Croise

2 Moran 25:9

A nye ’yuŋe kadi na MATAT, ko kadi na mor, ko kadijik liŋ ti Yerusalema; iŋkoi, nye a ’yur kadijik dumalak liŋ.

Saumajin 112:10

A ŋuto loron ko meddi a wore woran; a nye köji kala kanyit a iti tu; ’deket na ŋuto loron aje karakin.

Saumajin 21:9

I ŋo inot do mo tindu se i gwon gwoso namet na kimaŋ i diŋit na woran inot. MATAT mo wi ’yö lepeŋat i woran nanyit. A kimaŋ mo totumbe se adi kuyum.

Saumajin 50:3

Ŋun likaŋ ŋoŋo, nye ti yiŋa taliŋ, kimaŋ tutulörö kanyit i komor, köbuŋöt wome wuwuggö kanyit i mara.

Saumajin 68:2

Nye a rikörö se kaŋo gwoso nagon koŋurot wuköji ’e mu ’diŋ na; ŋutu Lorok twatwa ko Ŋun i komor gwoso su ’bi na lulusoko nyona ko kimaŋ.

Yisaya 30:33

Kogwon pirit ’yuret aje tetenaki ’beron; iye nye aje tetenaki mor, dudulet nanyit a tetenaki a nagulu ko a nagalaŋ, ko kimaŋ ko kaden a temejik; a köbuŋöt lo MATAT tutulekiŋdye lepeŋ gwoso pisek na ’do ’dokon.

Yisaya 64:2

gwoso nagon kimaŋ totule ’yi ’bi ’bili, ko gwoso nagon kimaŋ toyuje pioŋ na? A kaŋisak kulök ködyö deŋdi karin kunök, a jurön böŋö böböŋdi böböŋdu konut i komor.

Yisaya 64:7

A ŋuto gwe ’bayin lo luŋgu karin kunök, logon a ŋien anyeri ’depakiŋdya konut; kogwon do aje ’de ’ya komor inot koyi, a do iŋge kölökin yi i riŋit na toronjin kaŋ.

Yeremia 21:12

Temba i ko ’bure ’duŋge ta putesi rigwo, lwokuŋdye ta ŋutu i konisi ti karudak logon a ryaggu se kulo. an woran nio tuleun kaŋo gwoso ŋedep lo kimaŋ kogwon konesi kasu narok, a lele ŋuto tine bulö peŋga lepeŋ.

Yeremia 8:13

A i diŋit nagon nan ködyö ’du’dumbe lepeŋat gwoso ludweki nu, a ludweki gwe ’bayin i kaden ti binyo, a kaden ti ki ’biet gwe ’bak ludweki, a ma ’di koropo kase rape raŋan, a ŋo nagon nan köju a tikin lepeŋat kune iŋge wuddya kase.

Yeremia 9:7

Nyenagon nan MATAT lo kurumilo kulya adi, Mete, nan mo nanam lepeŋat a mo tembi se, nene ŋo köti a nyo nagon nan kökon kogwon ŋutu kwe?

Ejikele 21:31

Nan mo ’bu ’bukökin woran nio kasu loki, a nan mo kutakiŋdye woran nio na pape kasu loki, a nan mo ŋutukiŋdye ta i könisi ti ŋutu kipajin logon a diniki tukaŋu.

Naum 1:6

Ko lepeŋ a woran ŋa logon bubulo gwo ’dan? ŋa logon bubulo ŋoŋga woran nanyit na pape? Woran nanyit ’bukuŋdyo kaŋo gwoso kimaŋ. a lelya gwagwalakani gwagwalaka ka ’de ka ’de kanyit i komor.

Jepania 1:18

Ma ’di podo kase ko dakap kase mo ti bulo lwokuŋdyo se i lor lo woran nanyit na MATAT. A kimaŋ nanyit yinet mo totumbe kak ’bukuluŋ. Kogwon nye mo to ’duddyo ŋutu liŋ ti kak asut adi wulek.

Nyökit 29:20

A kirut MATAT mo tine pitökin lepeŋ, ama kölumbö a woran na MATAT se ko yulön nanyit puriörö ki ko lu ŋuto, a lömisi liŋ logon a wuröki i ŋina buk kulo mo poki kanyit loki, a MATAT mo seyaddi karin kanyit kaŋo i kak ’bukuluŋ.

Nyökit 32:22

Kogwon kimaŋ a totule ’i ko woran nio, a nye ’yuraddi teŋ ko wi na pirit na mulökö, a nye totumbe kak ko radan nanyit, ko a ’yurakiŋdya gwo ’diesi ti merya.

Nyökit 4:24

Kogwon MATAT ŋun losu a kimaŋ na tototumbo, ko a ŋun kayinönit.