Ejikele 22:2 - Bibilia Buk na Ŋun nagon koti luŋu a

² Ŋuro lo ŋuto, do ŋona gwon ajo i ’dupökiŋdyö na köji putet nagon ŋutu kanyit a katatuak? Do ’diri ’du ’dupökin lepeŋ putet a kwekiŋdye lepeŋ po kanyit liŋ na mamana na kon ŋutu kanyit kune le?

Ejikele 22:2 Iomraidhean Croise

2 Moran 21:16

Köti luŋa Manase a ’buköddu rima na mamaŋa jore parik, tojo lepeŋ a tojore Yerusalema i ’dutet tojo ko nene ’dutet, kökö toron nagon nye a tiŋdi kötumit na Yuda i toroŋdya anyen se koŋdya ŋo nagon a naron ko MATAT i metet.

Yisaya 58:1

Wogoro ki parik; an do ko dara, ti gworo ilot woge gwoso tore, tukökiŋdye ŋutu kwe tukwölöŋesi kase, takiŋdye kötumit na Yakobo toronjin kase.

Yeremia 2:30

’Bulit ’bayin nagon nan gwuddyö ŋwajik kasu kak, tojumisi kwe ti yiŋa; a ta gwe gwoso kömiru nagon a kaŋ ai tatuja na nebijin kasu ko walya kasu.

Yeremia 2:34

Iŋkoi, makine rima konut i boŋgwat; kine a rima ti ŋutu lomerika logon ’bak kulya logon do a tatu kulo, do a ko ryö lepeŋat i ’beleŋgu na kadi.

Ejikele 11:6

Ta yeŋon tatuaddu ŋutu i na köji, a kikolin kanyit iŋge jore ko öpuö.

Ejikele 20:4

Ŋuro lo ŋuto, do ŋona ti lilija lepeŋat? Do ŋona ti ’duŋökiŋdyö lepeŋat putesi le? Ti lepeŋat dene den ŋo na mamana na kon merenyejin kase kune,

Ejikele 22:1

A kulyaet lo MATAT poki köyö adi,

Ejikele 22:3

Kulyani adi, MATAT Ŋun lo kulya adi, Wöidiö köji nagon ŋutu kanyit lukata a katatuak, aje jakiŋdya mugun karan! Wöidiö köji nagon ŋutu kanyit tetenakiŋdya ’börik nyömuejin logon a punyen a tolutesi kanyit!

Ejikele 24:6

Nyenagon nan MATAT ŊUN lo kulya adi, Wöidiö köji nagon a jore ko katatuak! Wöidiö köji na gwon gwoso sape logon a mölwö logon a lo ’dokwe lukata, logon lo ’dokwe nanyit a ko lala aji kaŋo! ’Dume tupesi kaŋo i lukata nanyit abur ’bak nyunyumbö.

Ejikele 24:9

Nyenagon nan MATAT ŊUN lo kulya adi, Woidio köji nagon a jore ko katatuak! Nan mo köti ’du ’du ’yu ’dome duma lo kaden anyen nanama.

Ejikele 9:9

A nye waddi adi, Toron na kötumit na Yisaraele ko na Yuda gwe a duma parik; jur aje jore ko ’buköddu na rima, a köji iŋge jore ko ’duŋgö na putesi lorok. Kogwon lepeŋat yeyeju adi nan MATAT aje kölökin jur; lepeŋat yeyeju adi nan ti met se.

Osea 4:2

tuŋ gwon a milyeju, ko ’burönö.ko torem, ko koko ’ya, se ko toluŋ; Lepeŋat koŋdya ŋo narok nagon a lwoŋgu i tatuaddu na ŋutu.

Naum 3:1

Woidio köji na rima, nagon a jore ko ’burönö ko ŋo na ririŋwe, nagon ’dutet na ŋo ryakat ’bayin!

Matayo 23:35

anyen rima liŋ ti ŋutu logon ’bak kulya, logon a tatua i na kak kulo böŋö ropaki kasu i kusik, suluja i ’bukwe na rima ti Ebele lo ’bak kulya lo tojo i ’bukwe na rima ti Takaria, ŋuro lo Barakia, logon ta aje tatukin i kiden na pirit nake na rurwan se ko na pirit ’yuret na rubaŋgajin.

Matayo 27:25

A ŋutu liŋ ruŋge adi, Ti rima kanyit gwe kayaŋ i kusik ko i ŋwajik kaŋ.

Luka 11:50

Ko ŋina kwe a ŋutu ti na toberon mo ropakine rima ti nebijin liŋ kase i kusik logon aje tatua suluja i gweya na kak kulo,

Konesi 7:52

Lele lo nebijin ŋona kata logon merenyejin kasu koju a ko sasan le? Lepeŋat a tatuja ŋutu logon tuggo adi ŋilo Lorigwo mo popo, logon ta soŋinana aje tiŋdu lepeŋ ko merok i konisi, a tatuje lepeŋ.

1 Timoteo 5:20

ŋutu logon yeŋon koŋdya arabat kilo, riripe ririŋ ko ŋutu liŋ i komor, anyen kulye boŋo kukujono.