Ejikele 22:15 - Bibilia Buk na Ŋun nagon koti luŋu a

¹⁵ Nan mo ririkörö ŋutu kulök i kiden na gweyajin ti ŋutu, a toreaddi se pajo i kiden na jurön, a nan mo tu ’baka ’yi tolutan nasu konut lukata.

Ejikele 22:15 Iomraidhean Croise

Nemaya 1:8

Boŋo yeyene yeye kulyaet logon do a sarakin koliponit ilot Mose adi, Ko ta a lauŋdya nan a nan mo toreaddi ta kaŋo i kiden na nutu ti jurön;

Yisaya 1:25

A nan mo wöriguŋdye könin liŋ konut, a nan mo namara lut kunök kaŋo, a nan mo ’dumaddi ŋo nagon a ŋolaki kata.

Yeremia 15:4

A nan mo tiŋdi tumatyanjin liŋ ti kak i rigwökö kogwon kulya kase, kogwon ŋo nagon Manase ŋuro lo Kijikia mor lo Yuda aje kon Yerusalema yu kunu.

Ejikele 20:23

Iŋkoi, a nan iŋge ’doggu könin lio ki i milyekiŋdyö na se i yöbu yu adi nan ködyö totorekin se i kiden na gweyajin ti ŋutu ti jurön,

Ejikele 20:38

A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Ejikele 22:18

Ŋuro lo ŋuto, kötumit na Yisaraele aje wora köyö gwoso pödö nagon a po ’ya ko kunie po; lepeŋat liŋ a po ’ya ko mölwö, ko bödili, ko witiöt, se ko risasi i tuka.

Ejikele 22:22

Nyena a ta mo tolusököni tolusökö gwoso na tolusökörikin pödö i tuka na, a ta mo dene den adi nan MATAT lo ’bukökiŋdyö woran nio kasu loki.

Ejikele 23:27

A nan mo to ’duddye wutön se ko toluŋ inot na jon do i jur lo Ejipeto ŋina; a konyen kulök mo tine pilakin i ŋutu ti Ejipeto, a mo tine yeye lepeŋat köti kwöŋ.

Ejikele 34:6

Köbilu kwe aje rekin, a lepeŋat wirte wirtö i loki na merya liŋ, ko i lurwat liŋ lojo. Iŋkoi, köbilu kwe aje rekin i kak ’bukuluŋ, a ŋutu gwe ’bayin lo pipija kode galaddu se.

Ejikele 36:19

A nan iŋge torekin lepeŋat i kiden na gweyajin ti ŋutu, a lepeŋat iŋge gwo-gwölöki i jurön, a nan ’duŋökiŋdye lepeŋat putet kogwon kulya ti kikolin ti gwiliŋisi kase se ko konesi kase.

Ejikele 5:10

Nyenagon i kiden na köji nasu a komonye mo nyesi ŋwajik kase, a ŋwajik mo nyesi komonye kase, a nan mo ’duŋökiŋdye ta putesi, a nan mo ratakiŋdye pitönö ti ŋutu kasu lo pituŋdyö kulo i köbu-ŋötön liŋ ti kak anyen wuwuköji.

Ejikele 5:12

A swöt geleŋ na musala na ŋutu kasu mo twatwane ko twanti iŋgo, a mo tutupöni ko dyaŋ i kiden na köji nasu, a swöt geleŋ na musala mo totokoni kak ko baŋdujin i gor i turön logon lorga köji, a nan mo ratakiŋdye swöt geleŋ na musala i köbuŋötön liŋ ti kak anyen wuwuköji, a nan mo ’dutuŋdye baŋdu kaŋo a riköddi se.

Lewi 26:33

a nan mo toreaddi ta i kiden na jurön, a nan mo ’dutuŋdye baŋdu kaŋo i riköddu na ta, a jur losu mo gwe a ruba, a köjinö kasu mo gwe a murwöki.

Jakaria 13:9

A nan mo gwurusökiŋdye ŋina tupet i kimaŋ, a mo ŋoŋoji se gwoso ŋuto lo ŋoŋoaddu korodo kaŋo i pödö, a nan mo tembi se gwoso na temari dakap na. A se mo luluŋgi karin kwe, a nan mo waddi se adi, Se a nutu kwe; a se mo kulyani adi, MATAT a ŋuri likaŋ.

Jakaria 7:14

a nan torekiŋdye se ko libibiu i kiden na juron liŋ logon se a ko nyuŋ den kulu. Nyena a lo jur logon se a kolokin lo gwe a murwo, a ŋuto gwe ’bayin lo woro kata abur, kogwon ŋilo jur lo ’but aje kona a murwo.

Malaki 3:3

a nye mo si ’dani gwoso kanamanit ko gwoso katokelanit lo podo, a nye mo toke ’yi ŋwajik ti Lewi, a mo nambi se gwoso dakap ko podo i namaddu na korodo kaŋo tojo ko se a wukiŋdya MATAT ’dokesi na rigwo.

Malaki 4:1

Nan MATAT lo kurumi lo kulya adi, Mete ta, ŋilu lor mo popo logon ’yu ’yuŋa gwoso pirit namet, logon kabulak ti kusik se ko katoronyak liŋ mo gwe gwoso kuku; a ŋilu lor lo popo lu mo ’yuraddi se kaŋo, a mo tine kolokin se nene kokorite kode kene.

Matayo 3:12

A nye gwe ko köbi setet kanyit i konin, a nye moseddi ’bolot liŋ lo gwon kanyit i pirit gwutet na ’bolot kulo, a yuŋdye ’bolot kanyit i gugu, ama a nye mo ’yuŋe pudi ko kimaŋ nagon ti bulö peŋa.

Nyökit 28:25

A MATAT mo tiŋdi ta i tela ko merok kasu i komor; a ta mo lupuŋdye kaŋo ko se ko kiko geleŋ, a mo toreajine kaŋo kase i komor i kikolin buryo; a tumatyanjin ti kak liŋ mo rigwokoni rigwökö ko kulya kasu.

Nyökit 28:64

A MATAT mo torekiŋdye ta i kiden na gweyajin liŋ ti ŋutu, suluja i na ’dutet na kak tojo ko nu; a ta mo kitakiŋdye kulye Ŋunyen nyu, logon a kaden ko a ŋurupö, logon ta kode merenyejin kasu a ko den kulu.

Nyökit 4:27

a MATAT mo torekiŋdye ta i kiden na gweyajin ti ŋutu, a ta mo kölökine ku ’dik i kiden na jurön logon MATAT mo nyömöddi ta nyu kulu.

1 Petero 4:12

Julin kwe lo nyanyara, ko söŋu ta i ŋo na pokin i temba na ta gwoso na tembi kimaŋ na, adi ŋina ŋo a ŋo sörit nagon a pokin kasu ki.