Ejikele 22:14 - Bibilia Buk na Ŋun nagon koti luŋu a

¹⁴ Töilyet ti ŋutu kulök ŋona mo yeŋon a purwat i lor logon nan mo tu i meddya na kulya kasu lu? Könisi kase ŋona mo yeŋon a iŋgo le? Nan MATAT aje jambu, a, nan mo kone kon.

Ejikele 22:14 Iomraidhean Croise

Eyobo 40:9

Do kata ko könin gwoso liŋ lo Ŋun? Do ŋona rurumön ko gworo gwoso liŋ le?

Yisaya 28:22

Soŋinana an ta ko gwon a ka ’döyök, an rerekesi kasu ko toraki go; kogwon nan a yiŋ ko MATAT Ŋun lo kurumi kulya ti tukaret nagon a saraki i kak ’bukuluŋ.

Yisaya 31:3

Ŋutu ti Ejipeto gwon a ŋutu kana ti gwon a Ŋun; a kusanjin kase gwe a lokorio ti — gwon a ködudwölön. A ko MATAT a riörö könin lonyit kaŋo, a kaparak mo köpuköni köpukö, a se lo paparaki kulo mo ’dorone ’doro, a se liŋ mo twatwane twatwa i pirit na geleŋ.

Yisaya 45:9

Wöidiö, ŋuto lo pepeddya Kagweyanit lonyit, lepeŋ tuŋ a lipo i kiden na ŋo lo gweya ko lipo! Lipo bubulö pija kagweyanit lonyit adi, Do gweja nyo? Sape bubulö jambu adi, Könisi kulök a ko den kita?

Yeremia 13:21

Do mo kulya ada i diŋit nagon MATAT a tiŋdu julin kulok i gwon a temejik kulok nu? Kogwon do ko mugun aje todinikin lepeŋat i tojulin ko do. Tömiesi mo momok do gwoso na morgi ŋuto na tata ’du na, ti gwon sona le?

Ejikele 17:24

A kaden liŋ ti mu ’diŋ mo dene den adi nan MATAT nyönyokun ködini lojo ki kak, a to ’duŋe ködini lorutut a lojo ki, a toliliŋge ködini lodon, a tiŋdi ködini loteyon i wilan. Nan MATAT aje jambu kine kulya, a nan mo kone kon se.

Ejikele 21:7

A ko lepeŋat a pija do adi, Ko nyo do dede-lya? a do mo waddi lepeŋat adi, Nan delya kogwon nan a yiŋga liŋio ti kulya narok. A na ’durökiŋdye se nu, a töilyet ti ŋutu liŋ mo lwö ’yi lwö ’yu, a könisi kase liŋ mo worani a lokolokak, iŋkoi ködu dwölön kase liŋ mo ’doŋga mu ’diŋ, a kuŋwat kase liŋ worani pötö gwoso pioŋ. Mete, kine kulya popo, iŋkoi, aje ’durökin. Ŋilo a kulyaet lio lo MATAT ŊUN.

Ejikele 23:34

a do mo möji ko ŋilo kopo, a titiyaddi nyot kanyit, a nyaka ’yi ŋilo kopo a na ’di ’dik na ’di ’dik, a ’du ’dupuje kinasi kulök. Kogwon kine a po nagon nan MATAT Ŋun aje jambu.

Ejikele 24:14

Nan MATAT aje jambu, kine ŋo mo kokona, ’diri nan mo kökon se; a nan mo tine kukutörö bot, a nan mo tine pitökiŋdyö kode löpuggö i ŋo nagon nan mo kökon na. Nan mo ’du ’duŋökin do putet gwoso i kikolin kulök ko i konesi kunök. Kilo a kulyaesi kwe ti MATAT ŊUN.

Ejikele 28:9

Ko kulu ŋutu a po i tatuja na do, do ’diri mo nyuŋ kukulya kase i komor adi do a ŋun le? Ama kölumbö do a ŋuto ’bayin a ŋun i könisi ti ŋutu lo tatuja do kulo.

Ejikele 36:36

A kirut ŋutu ti jurön logon mo kölöki kasu nyona kulo mo deŋdi adi nan MATAT aje nyöggu ’duggö piritön nagon a kökörötu, ko aje nyöggu ’yuddu meleseno nagon a murwöki. Nan MATAT aje jambu kine kulya, a nan mo kone kon se.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Ejikele 6:10

A se mo dene den adi nan a MATAT; nan ’bayin a ’burönit i jambu adi nan mo kokonakin se kine ŋo narok.

Ejikele 7:17

Könisi kase liŋ a lokolokak, a kuŋwat kase liŋ gwe pötö.

Yoele 2:11

A MATAT maraŋgi ko gworo lonyit i ŋerot na ŋutu kanyit kamorok, kogwon teŋ nanyit na kamorok a duma parik, lepeŋ gwon ko riŋit a duma i koŋdya na kulya kanyit. Kogwon lor lo MATAT a duma ko kukujonorikin parik, ŋa logon jojo ŋoŋga ŋilu lor?

Malaki 3:2

Ama ŋa logon jojo ŋoŋga i lor lo poŋdi nye lu? ŋa logon jojo gwo ’dan na pukuŋdye nye nu? Kogwon nye gwon gwoso kimaŋ na bodo kanamanit ko gwoso sabun tokwekweyet lo boŋgwat;

Marako 13:31

Ki ko kak mo ’du ’duddyö, ama kulyaesi kwe mo ti ’duddyö kwöŋ.

1 Korinto 10:22

yi ŋona ’de ’dekan tiŋdu Matat i yulön? Yi ŋona kata ko riŋit a duma lwölwöŋ nanyit le?

Ebere 10:31

Nyena a ŋo sörit nagon totokujöŋdu parik i ’doro ko Ŋun lo gwon jörun i konisi i riŋa.

1 Samuele 15:29

Nyena köti ŋun logon ŋutu ti Yisaraele bubu lo ti jambu ’burönö kode lölöpuggö, kogwon nye ’bayin a ŋuto anyen lölöpuggö.