Ejikele 22:11 - Bibilia Buk na Ŋun nagon koti luŋu a

¹¹ A kulye ŋutu dotoni ko wate ti kulye ŋutu, a kulye toluddye wate ti ŋwajik kase i koŋdya na towutön; kulye kata konut kiden logon yoyoja kiasirik nagon a ŋwajik kase monye anyen dodotori.

Ejikele 22:11 Iomraidhean Croise

2 Samuele 13:1

A Abisaloma ŋuro lo Dawidi gwe ko kiaser nanyit nake parik, karin kanyit a Tamara, a i mukök na diŋit a na ’dit, a Amunon ŋuro lo Dawidi nyare nyar lepeŋ.

2 Samuele 13:11

Ama a nye ko tomuŋun-dye se nyona ko lepeŋ anyen nye nyenyesu, a Amunon morgi lepeŋ, kulya adi, Po, ti nan dotoni ko do pon kiaser nio.

2 Samuele 13:14

Ama a Amunon tine ’bön yiŋga lepeŋ kogwon nye ko riŋit lwölwöŋ lepeŋ, a riŋuŋdye lepeŋ, a dotoni ko lepeŋ.

Yeremia 29:23

Ko­gwon lepeŋat aje koŋdya tu ’böpön i Yisaraele ko aje doto ko wate ti maratejin kase, ko aje jambu kulyaesi ’burönö i karin kwe, a nan gwe a ko sarakin lepeŋat. Nan logon deden kine kulya, nan bubulö tökoŋu se. Kilo a kulyaesi kwe ti MATAT.

Yeremia 9:2

Ko ködyö mor ŋgo nio kata i yöbu na sese, nagon kajölönit jojo mönuŋdyö kata, anyen nan böŋö kölökiŋdyö ŋutu kwe a iti i nene pirit! Kogwon se liŋ a kalupök, iŋkoi, se a teŋ na kadumak.

Ejikele 18:11

ama a lepeŋ nyesi i piritön kwakwasesi na gwon i ko ’dulan ti merya kune, a toluddye narakwan na leŋe,

Ejikele 18:6

Lepeŋ ti nyesu i piritön kwakwasesi na gwon i ko ’dulan ti merya kune, nye ti ’bilikiŋdya konyen kanyit ki i twöju na nyomuejin logon a ŋunyen ti kötumit na Yisaraele, nye ti toluddya narakwan na leŋe, kode doto ko ŋuto nagon lolo-kia.

Ejikele 33:26

Ta yinikiŋdyö ’börik i baŋdujin, a ta koŋdi po na mamana, a ta liŋ geleŋ geleŋ ŋuto geleŋ dotoni ko nakwan na marate lonyit; ta ŋona ’diri mo wuwu ŋilo jur a lomore losu le?

Lewi 18:15

Do ködyö ti doto ko narakwan na ŋuro ilot; kogwon nye a narakwan na ŋuro ilot, a do ködyö tine toyujö kwe nanyit.

Lewi 18:20

A do ködyö tine doto ko nakwan na marate ilot, i toluddya na mugun ko lepeŋ.

Lewi 18:6

Lele losu ködyö ti mijörö nyona ko karutyo nanyit nagon kötumit nase gwon geleŋ i doto ko lepeŋ.

Lewi 18:9

Do ködyö ti doto ko kiösur nagon a ŋuro na munyi kode a ŋuro na ŋuti, kode nye a yuŋwe i ’baŋ kode a yuŋwe i nene mede.

Lewi 20:10

A ko lele ŋuto a lubbö nakwan na leŋe, a ŋilo kalupönit se ko kalupe na ködyö tatuani tatua.

Lewi 20:12

A ko lele ŋuto a doto ko nakwan na ŋuro lonyit, a se murek liŋ ködyö tatuani tatua; se aje koŋdya ŋo nagon köŋu gwiliŋit lo ŋutu, a rima kase gwe kase i kusik.

Lewi 20:17

A ko lele ŋuto a joŋga kiaser nanyit nagon a ŋuro na monye lonyit kode a ŋuro na ŋote nanyit, a nye meddi tolimuön nanyit, a ŋuro meddi tolimuön na luŋaser, a kine kulya gwe a yu na kwe, a se ködyö ’duŋöjine kaŋo i komor na ŋutu kase; ŋilo ŋuto aje doto ko kiaser nanyit, a nye ’doggi ŋonyan nanyit.

Malaki 3:5

Nan MATAT lo kurumi lo kulya adi, Nan mo mimijoro kasu nyona i ’duŋgo na putet; a nan mo gwe ajo i tökoŋu arabat kulya ti ka ’demak, ko ti kalupok, ko ti kamilyok logon milyeju a wuya kana kilo, ko ti karudak ti ŋutu lo roröpaki kita, ko ti karudak ti karu ’be-jin, ko ti karudak ti kikijiko, ko ti se lo dukaddu ŋutu logon a lepelok kilo. Kilo a ŋutu logon ti kujono nan.

1 Korinto 6:9

Ta a ko den le adi katoronyak mo ti gwon a ŋutu ti tumatyan na Ŋun le? Ko kaka lakiŋdya ta ’börik; kweja adi kawutejin, kode kakwakwasak ti nyömuejin, kode kalupejin, kode ŋutu lyan logon dodototu ko ’börik,

Galatia 5:19

Nyenagon konesi ti mugun na na kak gwon köke makine: lubbö, tolutan, konesi ti yu na kwe na kona aka kune,

Nyökit 22:22

A ko lele ŋuto a rye i doto ko nakwan na leŋe, a se murek liŋ ködyö tatuani tatua, lu ŋuto lo doto ko nu ŋuto lu, se ko nu ŋuto; a ta ködyö lalaaddi kulya narok kaŋo i Yisaraele.

Nyökit 27:22

Nye a lömö logon a doto ko kiaser nanyit, kode a ŋuro na monye, kode a ŋuro na ŋote. A ti ŋutu liŋ ruŋge adi, Amin.

Ebere 13:4

Ti ŋutu liŋ ködyö twöni twö yemet, ko ti dotoet gwe ti toluta, kogwon Ŋun mo ’du ’duŋgö putet lo kawutejin se ko lo kaluŋök.