Ejikele 22:10 - Bibilia Buk na Ŋun nagon koti luŋu a

¹⁰ ŋutu kata konut kiden logon laŋgu dotoesi kase komonye; ŋutu kata konut kiden logon doto ko ŋutu nagon lolokia.

Ejikele 22:10 Iomraidhean Croise

Suluet 35:22

A ko gwe sona na si ’dari Yisaraele i lu jur yu nu, a Rubena iti i doto ko Bila kölipönit na monye; a Yisaraele iŋge yiŋ kine kulya.Nyena a ŋwajik lyan ti Yakobo gwe a puök wot murek.

Suluet 49:4

Do a ko gwi ’dikin go ama do yaara gwoso pioŋ, nyena do mo ti te ’ya kogwon do a laŋgu dotoet nio na munyi, a do iŋge tolut lepeŋ—iŋkoi, do a kiyaddu köyö i dotoet!

1 Dekat 5:1

A ŋwajik ti Rubena kayu lo Yisaraele makilo. (Rubena logon a kayu; ama to kayu nanyit a tiki ŋwajik ti Yosepa ŋuro lo Yisaraele, kogwon nye a laŋgu dotoet na monye, nyena nye ti bulö ’dinya a kayu i kena na nyakwariat kase,

Ejikele 18:6

Lepeŋ ti nyesu i piritön kwakwasesi na gwon i ko ’dulan ti merya kune, nye ti ’bilikiŋdya konyen kanyit ki i twöju na nyomuejin logon a ŋunyen ti kötumit na Yisaraele, nye ti toluddya narakwan na leŋe, kode doto ko ŋuto nagon lolo-kia.

Lewi 18:19

Do ködyö ti ŋun nyona ko nene ŋuto i doto ko lepeŋ nagon nye nyuŋ gwon a lut ko perok kanyit ti yapa.

Lewi 18:6

Lele losu ködyö ti mijörö nyona ko karutyo nanyit nagon kötumit nase gwon geleŋ i doto ko lepeŋ.

Lewi 20:11

ŋuto logon a doto ko nakwan na monye lo aje toyujö kwe na monye; a se murek liŋ ködyö tatuani tatua, a rima kase ködyö gwe kase i kusik.

Lewi 20:18

A ko lele ŋuto a doto ko nene ŋuto na gwon ko perok kanyit ti yapa, a nye toyuje kwe nanyit, ŋilo ŋuto aje ŋaju won nanyit, a ŋina ŋuto aje kwekiŋdya won na rima kanyit; a se murek liŋ ködyö riköjine kaŋo i kiden na ŋutu kase.

Amosa 2:7

Lepeŋat ryokakiŋdya kusik ti ŋutu lomerika kak i ŋutut, a dukaddi ŋutu kana i swot, a monye se ko ŋuro dotoni ko ’diet na geleŋ, a karin kwe nake iŋge lawe.

1 Korinto 5:1

’Diri ŋutu gwon i jambu adi toluŋ kata kasu kiden; ŋina toluŋ a naron ma ’di Iwolwoŋ ŋo na kon paganojin na; adi ŋuto gwon ko narakwan na monye lonyit.

Nyökit 27:20

Nye a lömö logon a doto ko nakwan na monye, kogwon nye a laŋgu dotoesi ti monye. A ti ŋutu liŋ ruŋge adi, Amin.

Nyökit 27:23

Nye a lomö logon a doto ko moken nanyit. A ti ŋutu liŋ ruŋge adi, Amin.