Ejikele 21:7 - Bibilia Buk na Ŋun nagon koti luŋu a

⁷ A ko lepeŋat a pija do adi, Ko nyo do dede-lya? a do mo waddi lepeŋat adi, Nan delya kogwon nan a yiŋga liŋio ti kulya narok. A na ’durökiŋdye se nu, a töilyet ti ŋutu liŋ mo lwö ’yi lwö ’yu, a könisi kase liŋ mo worani a lokolokak, iŋkoi ködu dwölön kase liŋ mo ’doŋga mu ’diŋ, a kuŋwat kase liŋ worani pötö gwoso pioŋ. Mete, kine kulya popo, iŋkoi, aje ’durökin. Ŋilo a kulyaet lio lo MATAT ŊUN.

Ejikele 21:7 Iomraidhean Croise

2 Samuele 17:10

A ma ’di ködyö ŋuto wa logon töili lonyit gwoso lo kömiru lo mo roponi roŋo asut; kogwon ŋutu liŋ ti Yisaraele a den adi munyi a ŋuto wa, ŋutu lo gwon ko lepeŋ kulu a ŋutu walan köti.

2 Moran 21:12

nyenagon nan MATAT Ŋun lo Yisaraele lo kulya sona adi, Mete, nan mo jakiŋdya Yerusalema se ko Yuda kulya narok anyen swö ti ŋutu liŋ lo yiŋga kine kulya kulo mo gigiŋga adi birr.

Saumajin 58:7

Ti se ’bakani ’baka gwoso pioŋ na ’do ’dokon; ti se ryokani gwoso döru, a teteyone teteyon.

Yuörö 15:15

A kimak ti Edom söŋi soŋu; a ŋutu temejik ti Moaba iŋge moka ko kujönö a böŋdi böŋdu; a töilyet ti Ŋutu liŋ lo si ’da Kanana kulo iŋge doddya ko kujönö.

Yisaya 13:7

Nyenagon könisi ti ŋutu liŋ mo gwon a lomunyak, a töilyet ti ŋutu liŋ mo doddi doddya,

Yisaya 28:19

A i diŋitan liŋ na tulöddi ŋilo kurubat kunu a nye mö joŋgi ta; temba i ko ’bure a nye mo tulöddi tulöddu, ko tuparan ko tukwaje; a ko ta ködyö a kurun ŋilo lorge a ta ködyö söŋi söŋu parik.

Yisaya 35:3

Togo ’yi könisi lokolokak, ko togwo ’yi kuŋwat lukadaŋak.

Yisaya 7:2

A kotumit na Dawidi ko takine adi, Suria a mora ko Epuraima, a toili lio mor ko toilyet ti ŋutu kanyit boŋdi böŋdu gwoso kaden ti mu ’diŋ lo Wuko ko kobuŋot.

Yeremia 26:12

A kirut Yeremia kulyani ko kimak liŋ se ko ŋutit liŋ adi, MATAT a sunyun nan i keju na kulyaesi liŋ logon ta aje yiŋ kilo i kulya ti na kadi se ko ti na köji.

Yeremia 49:23

’Dolet i kulya ti Damaseke. Kamat ko Arpada dyadya ’yu, kogwon ŋutu kase aje yiŋga lorelo kulya narok; a lepeŋat gwe a lomunyak kogwon kujonö, a töilyet kase gwe ki gwoso tör na yaya ’yu nagon ’ti bulö gwo ’dan taliŋ adi lii.

Yeremia 50:43

Mor lo Babela aje yiŋ lore lo kilo ŋutu, a könisi kanyit gwe a lokolokak; a tömiesi morgi lepeŋ, a nye ŋoŋgi gwoso ŋuto na tata ’du.

Yeremia 8:18

Delya nio a duma parik ti bulö lik, töili lio totomi nan köyö lukata.

Delyasi 5:17

Toilyet kaŋ mimien kogwon kine kulya, a konyen kaŋ iŋge muso kogwon kine ŋo,

Ejikele 20:49

A kirut nan kulyani adi, Pon MATAT ŊUN, ŋutu liŋ jambu i kulya kwe adi nan jambu lilimön ka ’de.

Ejikele 21:15

Nan aje tiŋdu baŋdu lo kokobbu i kötumitön liŋ ti köji anyen töilyet ti ŋutu lwölwö ’yu, a lojore kase köpuköni köpukö a ’dorone ’doro, iŋkoi, ŋilo baŋdu me ’yu gwoso meme ’dekta na ki, lepeŋ aje poto a tatuet.

Ejikele 21:6

Nyenagon ŋuro lo ŋuto, delyani ko ’du ’duatu; ’duani ’dua kogwon töili a ’beleŋo ko kulya, ’duani kogwon delya na pötwör a lepeŋat memeddya.

Ejikele 21:8

A kulyaet lo MATAT poki köyö adi,

Ejikele 22:14

Töilyet ti ŋutu kulök ŋona mo yeŋon a purwat i lor logon nan mo tu i meddya na kulya kasu lu? Könisi kase ŋona mo yeŋon a iŋgo le? Nan MATAT aje jambu, a, nan mo kone kon.

Ejikele 24:19

A ŋutu pipije nan adi, Kine ŋo na kon do kine kweja nyo kayaŋ?

Ejikele 6:2

Ŋuro lo ŋuto, komorgi merya ti Yisaraele, kikiŋdye lepeŋat ŋo narok adi,

Ejikele 7:17

Könisi kase liŋ a lokolokak, a kuŋwat kase liŋ gwe pötö.

Ejikele 7:26

Kulya narok jore mo rurutuŋdya, a liŋio lorok jore mo rurutuŋdye rurutuŋdya; a se mo ga ’yi nebi anyen metakiŋdya se kulya ti Ŋun kanyit i töili, ama a tökoŋu na saresi iŋge likin ko koanejin i töilyet, a ŋutu temejik mo gwe ’bak jujuwesi na ’but.

Daniele 5:6

A kirut komor na mor iŋge löpuggö ka ’de, a yeyeesi kanyit iŋge todelyaju lepeŋ, a mokosi kanyit böŋdi böŋdu, a kuŋwat kanyit togwute togwut.

Lewi 26:36

Ama ko gwe gwoso ŋutu kasu logon a pituŋdyö kulo, nan mo soson tomunyan kase i töilyet i jurön ti merok kase logon se si ’da kata kulu; nyena ma ’di ko a woŋon adi ’beyek a mo tiŋdi lepeŋat i wökön gwoso ŋuto lo wökön kaŋo i baŋdu, a lepeŋat mo ’do ’done kak ’bak ŋutu lo riköddu se.

Naum 2:10

Körö na po lio tukara na ŋo liŋ, ŋo liŋ a köro! Töilyet ti nutu lwölwö ’yu, a kuŋwat böboŋdi boboŋdu, a golyo ti nutu liŋ mine mien, a komorsikan kase liŋ worani ka ’de!

Luka 21:26

töilyet ti ŋutu mo rurusukö ko kujönö na möŋdi se ŋo nagon mo pokin i kak kune, kogwon riŋitön ti ki mo yeyeta.

Nyökit 20:8

A kulu yumiat ködyö pije kulu ŋutu adi, Lon ŋuto logon a kujönit, ko gwon ko rusukö na töili? Ti nye yitöni bot kanyit mede, an töilyet ti luŋasirik kanyit ko po a lomunyak gwoso lonyit.

Ebere 12:12

Nyenagon ’biliki ta könisi kasu lokolokak kilo i kita ko togole ta togo kuŋwat kasu lukadapak,

Yosua 5:1

A gwe sona i diŋit nagon moran liŋti Amori, logon gwon i nu pele na Yardene i swöt lo tokotyaŋ, se ko moran liŋti Kanana logon i kijit na tör na ’balaŋ nu ko yiŋge adi, MATAT aje towere ’yu kare Yardene ko ŋutu ti Yisaraele i komor tojo ko se aje laŋgu i nu pele, a töilyet kase lwo ’yi lwöyu, a ködu dwölön kase iŋge ’doŋga mu ’diŋ, kogwon kulya ti ŋutu ti Yisaraele.

Yosua 7:5

a ŋutu ti Ai tatujeŋutu kase gwoso merya musala wot buker, a se rikoddi lepeŋat i komor na lupet na köji tojo ko Sebarim, a tatuje se i pirit dudulet. A töilyet ti ŋutu doddi doddya ko kujönö, a poŋdi gwoso pioŋ.

1 Petero 4:7

’Dutet na ŋo liŋ gwe nyona, nyena gwe ta ajo kasu i yeyeesi. Tiji ta ’börik anyen ta kwakwaddu.