Ejikele 21:6 - Bibilia Buk na Ŋun nagon koti luŋu a

⁶ Nyenagon ŋuro lo ŋuto, delyani ko ’du ’duatu; ’duani ’dua kogwon töili a ’beleŋo ko kulya, ’duani kogwon delya na pötwör a lepeŋat memeddya.

Ejikele 21:6 Iomraidhean Croise

Yisaya 16:11

Nyenagon a töili liŋ böŋdi böŋdu gwoso julö na tom kogwon Moaba, a mugun nio liŋ köti böŋdi böŋdu kogwon Kir-kerese.

Yisaya 21:3

Nyenagon monyet kwe mimien parik; tömiesi a mok nan, gwoso tömiesi ti ŋuto nagon tata ’du; nan a ruŋaki kak an yiŋga, a nan tokujönöni tokujönö an meddya.

Yisaya 22:4

Nyenagon a nan kulyani adi, Ko diŋa ta nan, nan mo gwigwien parik; ko möŋu ta suŋga nan, kogwon kulya ti körö na ŋutu kwe lomoriot.

Yeremia 19:10

A kirut do mo gwalaggi ŋilo lupunit adi pasak i komor na ŋutu lo moraddu ko do kulo,

Yeremia 30:6

Pije ta ko meddi ta, ŋuto lalet ŋona bubulö yupuŋdyö ŋuro le? ’Bayin! A ko sona ko nyo nagon nan meddya ŋutu lyan liŋ geleŋ geleŋ morga mukökö kase gwoso ŋuto nakwan na tata ’du? Ko nyo nagon komorsikan ti ŋutu liŋ geleŋ geleŋ wora ka ’de?

Yeremia 4:19

Nan a yiŋga wogon na tore se ko siraet lo gor, a nan nininije mugun lulujö adi, Woidio, woidio! Toili lio gwogwoja a nan tine bulo gwon taliŋ.

Ejikele 21:12

Ŋuro lo ŋuto, gwine gwien ko luluje lulujö, kogwon ŋilo baŋdu mörörikin ŋutu kwe; ŋilo baŋdu mororikin ŋutu temejik liŋ ti Yisaraele; lepeŋat se ko ŋutu kwe liŋ aje wuki i baŋdu. Nyenagon naŋgi puŋdiat kulök ko delya.

Ejikele 21:5

a ŋutu liŋ mo dene den adi nan MATAT lo ’dutuŋdyö baŋdu lio kaŋo i soko ’bo, a nan mo köti tine sŋoddu lepeŋ kanyit i soko ’bo.

Ejikele 21:7

A ko lepeŋat a pija do adi, Ko nyo do dede-lya? a do mo waddi lepeŋat adi, Nan delya kogwon nan a yiŋga liŋio ti kulya narok. A na ’durökiŋdye se nu, a töilyet ti ŋutu liŋ mo lwö ’yi lwö ’yu, a könisi kase liŋ mo worani a lokolokak, iŋkoi ködu dwölön kase liŋ mo ’doŋga mu ’diŋ, a kuŋwat kase liŋ worani pötö gwoso pioŋ. Mete, kine kulya popo, iŋkoi, aje ’durökin. Ŋilo a kulyaet lio lo MATAT ŊUN.

Ejikele 32:18

Ŋuro lo ŋuto, luluje lulujö i kulya ti ŋutu ti Ejipeto logon jore parik kulo, gubara lepeŋat kak tojo i jur logon i lukak na kak, iŋkoi, gubara Ejipeto se ko ŋutu ti jurön lokukwön anyen moraddu ko ŋutu logon tu kak i dili nagon ’bak ’dutet kulo.

Ejikele 37:20

A turya lo wur do kulo mo gwe konut i könin anyen lepeŋat memet.

Ejikele 4:12

A do mo nyesi ambatajin kunök nagon pelo gwoso ambatajin ti ’bolot saora, do agu ködyö pe ’yu se ko kin ti ŋutu gwoso kaden a ŋutu me-meddya.

Ejikele 6:11

MATAT ŊUN lo kulya sona adi, Ta kötumit na Yisaraele, naŋgi ta könisi kasu, lame ta lam ko delya, luluje ta adi, Wöidiö! kogwon konesi liŋ narok na mamana na kon ta kune; kogwon ŋutu kasu mo tatua ko baŋdujin, ko dyaŋ, se ko twanti iŋgo.

Ejikele 9:4

A MATAT takiŋdye lepeŋ adi, Wöröjine i lukata na köji na Yerusalema ’bukuluŋ, wurökiŋdye gwuluet i komorsikan ti ŋutu logon ’du ’duwatu ko dedelya ti ’bön ŋo na mamana na kokona nyu kilo.

Daniele 5:6

A kirut komor na mor iŋge löpuggö ka ’de, a yeyeesi kanyit iŋge todelyaju lepeŋ, a mokosi kanyit böŋdi böŋdu, a kuŋwat kanyit togwute togwut.

Daniele 8:27

Nan Daniele, toili lio a Iwo ’yu a nan iŋge ŋilo ko kulye perok; a kirut nan ŋine ŋien a iti i kita na mor. A nan iŋge soŋu ko ŋo nagon nan a met na, ama a nan gwe a ko kurun lepeŋ kwoŋ.

Naum 2:10

Körö na po lio tukara na ŋo liŋ, ŋo liŋ a köro! Töilyet ti nutu lwölwö ’yu, a kuŋwat böboŋdi boboŋdu, a golyo ti nutu liŋ mine mien, a komorsikan kase liŋ worani ka ’de!

Abakuk 3:16

A na yiŋge nan kine ŋo liŋ nu, a mugun nio boŋdi böŋdu, a lo ’biyulan kwe böböŋdi böboŋdu i yiŋga na woŋon nanyit; a kuyu kwe gwe a lokolokak, a mokosi kwe ka ’yi ka ’yu. A nan mo mordi taliŋ lor delyaet logon mo pokin i ŋutu logon po i moro koyi.