Ejikele 21:28 - Bibilia Buk na Ŋun nagon koti luŋu a

²⁸ Ŋuro lo ŋuto, keŋ keju, kulyani adi, MATAT ŊUN lo kulya ko ŋutu ti Amon logon a kalaak kulo adi, Baŋdu aje ’dutwe kaŋo anyen tatatuarikin, baŋdu aje poto anyen kokobbu, ko anyen meme ’yu gwoso meme’dekta na ki!

Ejikele 21:28 Iomraidhean Croise

2 Dekat 36:17

Nyena a nye jakiŋdye lepeŋat mor lo Kaledea, logon a rembu teton kase i kadi nase nake na rurwan, a ŋilu mor gwe a kowon konyen ma ’di ko teton kode kö ’disi, ma ’di ŋutu muduŋin kode logon aje doŋga parik; a Ŋun ŋutu kin­dye lepeŋat liŋ kanyit i könisi.

Yisaya 31:8

A ŋutu ti Asura mo tatuani ko baŋdujin, ama ’bayin a ti ŋutu; a baŋdujin logon ’bayin a ti ŋutu kulo mo tutuŋge lepeŋat; a se mo wöwökiörö i baŋdujin, a teton kase mo riŋakine i kita.

Yeremia 12:12

Karyakak aje po i yöbu na sese, i piriton liŋ nagon a ko ’dulan na gwon kana; a baŋdujin ti MATAT tukaŋi jur ’bukuluŋ suluja i ’dutet tojo ko nene ’dutet, a ŋo lo gwon jorun tine ryo yukan kwoŋ.

Yeremia 46:10

Lo lor a lor lo MATAT ŋun lo kurumi, ŋilo lor a lor logon nye ropakiŋdye merok kanyit. A baŋdu mo tatuje tatuja a yimönöni yimönö, a mere meran ko rima kase. Kogwon MATAT ŋun lo kurumi koŋdya rubaŋga i jur lo lobot nyona ko kare Perat.

Yeremia 46:14

Tuke ta kine kulya Ejipeto yu, laiyara ta se Migedola, ko Mempisa, ko Takapenesa, adi, Gwo ’de ta ajo, teteŋdi ta teteŋdya, kogwon merok tatatuja kasu i swö­tön liŋ.

Ejikele 17:13

A lepeŋ ’dumuŋdye lele ŋuto lo kötumit na mor lo Yuda, a teteŋdi tomoret ko lepeŋ a tiŋdi lepeŋ i nyesu na milye, i mukök nagon nye aje joŋga ŋutu temejik ti jur kaŋo nu,

Ejikele 17:15

Ama a ŋilo mor lo Yuda renyani sara ko lepeŋ, a soŋdi luyökie kanyit Ejipeto yu i mu-luŋdyö na kusanjin se ko kamörök jore. Ŋuto gwoso ŋilo ŋona jujukin te ’ya le? Ŋuto lo koŋdya ŋo gwoso kine lo ŋona bubulö kölöki ’bak konaki arabat le? Lepeŋ ŋona bubulö ’beleŋgu tomoret a tine riŋa le?

Ejikele 21:20

Gerakiŋdye kiko lo ŋutu ti baŋdujin logon tu Raba nagon a köji na ŋutu ti Amon, köti gerakiŋdye kiko lo tu Yuda tojo Yerusalema nagon a köji nago na titiyu.

Ejikele 36:15

A nan mo köti tine tin do i yiŋga na ŋutu ti jurön i ’da ’daŋu na do, a ŋutu mo köti tine tomijö do ko ’dö ’döyösi, a köti mo tine tiŋdu jur ilot i ’doro kwöŋ. Kilo a kulyaesi kwe ti MATAT ŊUN.

Osea 9:9

Lepeŋat aje köŋu ’börik parik gwoso i perok ti Gibea köju kulu. MATAT mo yeye lyaŋesi kase, a mo riŋge se i toronjin kase.