Ejikele 21:25 - Bibilia Buk na Ŋun nagon koti luŋu a

²⁵ Ama do duma lo Yisaraele, do a loron, do ti twoju ŊUN, diŋit inot aje po nagon riparikin do a ’dutet.

Ejikele 21:25 Iomraidhean Croise

2 Dekat 36:13

A lepeŋ köti renyani mor Nebukadanesar logon a tiŋdu lepeŋ i milyeju i karin ti Ŋun; a nye kolumbo wo ’duŋge murut, a togo ’yi töili lonyit, adi nye ti ’bon lopukwe ko MATAT Ŋun lo Yisaraele ni asut.

Saumajin 37:13

MATAT a kweni ’e lepeŋ, kogwon nye aje met lor lonyit i ŋo.

Saumajin 48:13

Meddi ta ’bura mariŋan kanyit, wöŋi ta kadijik kanyit ti tomoran; anyen ta mo jamakindya nyakwa-riat kasu adi,

Saumajin 7:9

A ti tukwölöŋ na ŋutu lorok ’bakani ’baka, ama togwo ’yi ŋutu lo rigwo, kogwon do Ŋun lo rigwo tetemba yeyeesi na gwon ko ŋutu i töilyet kune.

Yeremia 24:8

Ama nan MATAT lo kulya adi, Nan mo kokonakin Sedekia mor lo Yuda, ko ŋutu temejik ti miri nanyit, ko pitönö ti ŋutu ti Yerusalema logon a pitöki i lo jur kulo, se ko ŋutu lo wökön i jur lo Ejipeto anyen si ’da yu kulo, gwoso kilo ki ’biet lorok logon a lorok parik ti bulö nyei kulo.

Yeremia 49:1

’Dolet i kulya ti ŋutu ti Amon. MATAT lo pija adi, Yisaraele ŋona ’bak ŋwajik lulyan le? Lepeŋ ŋona ’bak ŋuro lo ruddya ŋo kanyit le? Ko nyo nagon Milikom aje ruddya Gada? Ko nyo nagon ŋutu ti Amon si ’da i köjinö ti Gada?

Yeremia 49:2

Nyenagon nan MATAT lo kulyaadi, Mete, perok kilo popo logon nan mo tiŋdu ŋutu ti Raba i jur lo Amoni yiŋ na merok i sira na poŋdi se i mörö nu, a köji na Raba mo konani a murwö ko a sudi, a turön kanyit mo ’yurani ’yura ko kimaŋ, a kirut ŋutu ti Yisaraele mo riköddi ŋutu logon a morga köjinö kase kilo; a mo ruddye se. Ŋilo a nan MATAT lo jambu.

Yeremia 51:13

Do köji nagon gwon nyona ko karya jore, ko a kwörinit duma na, ’dutet inot aje po, nekenet na töili ilot aje giŋdya.

Yeremia 52:2

A nye koŋdi ŋo nagon a naron ko MATAT i metet, gwoso i ŋo liŋ na kon Yeyoyakim köju kunu.

Ejikele 17:19

Nyenagon nan MATAT ŊUN lo kulya adi, ’Diri ’diri gwoso na gwoŋdi nan na, nan mo roropakin milye lio logon nye a lanu lo kanyit i kwe, iŋkoi, tomoret nio nagon nye a ’beleŋ na.

Ejikele 21:12

Ŋuro lo ŋuto, gwine gwien ko luluje lulujö, kogwon ŋilo baŋdu mörörikin ŋutu kwe; ŋilo baŋdu mororikin ŋutu temejik liŋ ti Yisaraele; lepeŋat se ko ŋutu kwe liŋ aje wuki i baŋdu. Nyenagon naŋgi puŋdiat kulök ko delya.

Ejikele 21:24

Nyenagon nan MATAT ŊUN lo kulya adi, Kogwon ta aje tiŋdu toronjin kasu i yeyeo, köti kogwon rerenyesi kasu gwe köke, a toronjin kasu metani i konesi kasu liŋ, nyena kogwon kulya kasu aje yeyeo, merok mo momokara ta.

Ejikele 21:29

Ŋo na met ta kasu i töilyet kine a köŋurot kana, waŋdu nasu a ’burönö kana, nagon adi ti ta totoggi ŋutu i murutö ko baŋdujin, kilo ŋutu a lorok ti twöju ŊUN, diŋit nase aje po nagon riparikin se a ’dutet.

Ejikele 25:5

A nan mo koŋdi Raba a pirit yukit na kamilojin, kweja adi nan mo kökon jur lo ŋutu ti Amon a goro lo yidin, a ta mo dene den adi nan logon a MATAT.

Ejikele 30:3

Kogwon ŋilu lor gwe nyona, iŋkoi, lor lio lo MATAT gwe nyona ko po, ŋilu lor mo gwon a ’dikolo, a mo gwe a lor tukaret lo juron.

Ejikele 35:5

Ta aje wowoja tomirikulan na yeyeŋon, a na gwoŋdi se i diŋit nagusu nu, kweja adi i diŋit na riparikin se i ’dutet nu, a ta iŋge pakiŋdya ŋutu ti Yisaraele i tatua ko baŋdujin;

Ejikele 7:2

Do ŋuro lo ŋuto, nan MATAT ŊUN lo kulya ko jur lo Yisaraele adi, Ŋina gwe a ’dutet, ’dutet ŋina popo i swötön iŋwan ti jur.

Ejikele 7:3

’Dutet ŋina popo kasu ki soŋinana, a nan mo kölöddi woran nio kasu loki, a nan mo ’duŋökiŋdye ta putesi gwoso i konesi kasu, a nan mo ropakiŋdye ta konesi kasu liŋ na mamana kine.

Ejikele 7:6

’Dutet ŋina popo, iŋkoi, ŋina popo, lepeŋ aje pokin arabat kasu loki, mete ta, lepeŋ ŋina popo.

Amosa 1:14

Nyena a nan mo mokakiŋdye kimaŋ i gorom nagon a mariŋ na Raba, a mo ’yuŋe kadijik kanyit ti tumatyan. A i ŋilu lor a ŋutu mo sirani sira i pirit moriet, a kobuŋot wome ko libibiu wukun-dye wukuŋdyo.