Ejikele 21:14 - Bibilia Buk na Ŋun nagon koti luŋu a

¹⁴ Nyenagon ŋuro lo ŋuto, keŋ keju, naŋgi konisi kulok; wiŋörö baŋdu kak daŋin murek, iŋkoi, wiŋöro daŋin musala, ŋilo a baŋdu tatuet lo ŋutu jore parik, ŋilo a baŋdu logon wiŋö i swötön kase liŋ.

Ejikele 21:14 Iomraidhean Croise

1 Moran 20:30

A pitönö kulu wöki i köji na Apek; a gorom nagon a mariŋ na köji iŋge muju ŋutu aliŋan merya murek wot buryo lo pituŋdyö kulu. A Ben-adada köti wöki wökön, a luŋöni i nene kadi na lukata i nu köji.

1 Moran 22:25

A Mikaya waddi adi, Mete, do mo memet kine kulya i ŋilu lor logon do luŋöri i kadi na lukata i ’dana nu.

2 Moran 24:1

A i perok ti Yeyoyakim, Nebukadanesar mor lo Babela poni ŋo, a Yeyoyakim gwe a ’dupiet lonyit ko kiŋajin musala; a nye kirut lopuŋge löpuggö, a renyani sara ko lepeŋ.

Yeremia 47:7

Ama baŋdu lo MATAT gwon adi lii ada? MATAT aje sarakin lepeŋ i kita, iŋkoi nye a wulökin lepeŋ i mörö ko Asekelon se ko tikön.

Ejikele 21:13

Kogwon ŋina ’bayin a möriet, a kodyo gwe ada ko do a lauŋdya ŋilo ture? Ŋilo a kulyaet lio lo MATAT ŊUN.

Ejikele 21:17

A nan mo köti naŋgi könisi kwe, a nan mo toliŋge woran nio ŋilo a kulyaet lio lo MATAT.

Ejikele 28:23

Kogwon nan mo susunyukin lepeŋ twanti iŋgo, a nan soŋdi katatuak i kikolin kanyit; iŋkoi, ŋutu logon ko baŋdujin mo mörö ko lepeŋ i swötön liŋ, a ŋutu kanyit lo tatua kilo mo ’do ’done kanyit kiden.

Ejikele 6:11

MATAT ŊUN lo kulya sona adi, Ta kötumit na Yisaraele, naŋgi ta könisi kasu, lame ta lam ko delya, luluje ta adi, Wöidiö! kogwon konesi liŋ narok na mamana na kon ta kune; kogwon ŋutu kasu mo tatua ko baŋdujin, ko dyaŋ, se ko twanti iŋgo.

Ejikele 8:12

A kirut lepeŋ pipije nan adi, Ŋuro lo ŋuto, do a met ŋo nagon temejik ti kötumit na Yisaraele kökon i mudwe kune le, adi ŋutu liŋ geleŋ geleŋ gwo ’dan kase i piritön kwakwasesi komorga ŋöjinö ti nyömuejin kase? Lepeŋat yeyeju adi nan MATAT ti met se, kode yeyeju adi nan aje kölökin jur.

Daniele 3:19

A kirut Nebukadanesar iŋge gwu-luŋgo ko woran, a komor nanyit iŋge Iöpuggö a nagusu i meddya na Sadaraka, ko Mesaka se ko Abede-nego. A lepeŋ tiŋdi saret anyen pirit namet nanama pape parik parik daŋin buryo lwölwöŋ na perok liŋ.

Lewi 26:21

Ama ko ta wörö a wok köyö, a tine yiŋga nan, a nan mo köti jakiŋdye ta kulye twana daŋin buryo lwölwöŋ toronjin kasu.

Lewi 26:24

nyena a nan köti mo wöröni kasu a wok, a nan lepeŋ mo ririŋge ta daŋin buryo kogwon toronjin kasu.

Amosa 9:2

Ma ’di nagon Lepeŋat a ’bokaddu ’börik kak i pirit na mulökö, nan mo ’du ’dumun lepeŋat nyu ko könin liŋ; ma ’di nagon Lepeŋat a kiyaddu ki i ’diko, a nan mo joŋdi lepeŋat kak nyu.

Kenet 24:10

A Balak iŋge woran parik ko Balam, a nye naŋgi könisi kanyit; a Balak kulyani ko Balam adi, Nan a luŋgu do i lömbu na merok kwe, ama mete, do aje ’boroja se kine daŋin musala.