Ejikele 21:12 - Bibilia Buk na Ŋun nagon koti luŋu a

¹² Ŋuro lo ŋuto, gwine gwien ko luluje lulujö, kogwon ŋilo baŋdu mörörikin ŋutu kwe; ŋilo baŋdu mororikin ŋutu temejik liŋ ti Yisaraele; lepeŋat se ko ŋutu kwe liŋ aje wuki i baŋdu. Nyenagon naŋgi puŋdiat kulök ko delya.

Ejikele 21:12 Iomraidhean Croise

Yisaya 13:7

Nyenagon könisi ti ŋutu liŋ mo gwon a lomunyak, a töilyet ti ŋutu liŋ mo doddi doddya,

Yeremia 25:34

Ta kayukuk, luluje ta lulujö, ko gwine ta gwien, ta komonye köbilu, gwugwuluŋge ta ’börik i kurök ti kimaŋ, kogwon perok logon tatuarikin ta ko logon toreki ’e ta kulo aje ’dur, a ta mo ’do ’done kak gwoso köbilu lopijoki lokwekwelen.

Yeremia 31:12

Lepeŋat mo popo a yoloni yolo parik i ko ’du na Siona, a se mo ’bukuŋdye i pirit na geleŋ i ŋo na ’but ti MATAT, kweja adi i ’bolot, ko i binyo, ko i welet, ko i yisi, se ko i toro ’bo; a gwiliŋit lose mo gwe a lo ’but gwoso melesen na popoka ko pioŋ, a se mo tine delya nene ŋo köti kwöŋ.

Yeremia 31:19

I mukök nagon nan aje girara kaŋo nu a nan löpuŋge töili, iŋkoi, i mukök nagon nan aje tojumuki nu a nan naŋgi puŋdiat kwe ko delya; a nan gwe ko yu na kwe a dyadyaŋgi dyadyaŋgu, iŋkoi, kwe nio yuyu kogwon ŋo na kon nan i toteton nio kune.

Ejikele 21:11

Baŋdu aje tiki anyen popoto anyen kodyö gwon ajo i moka; iŋkoi, lepeŋ aje juwö a lopi ko aje poto anyen tiki ko katatuanit i könin.

Ejikele 21:13

Kogwon ŋina ’bayin a möriet, a kodyo gwe ada ko do a lauŋdya ŋilo ture? Ŋilo a kulyaet lio lo MATAT ŊUN.

Ejikele 21:14

Nyenagon ŋuro lo ŋuto, keŋ keju, naŋgi konisi kulok; wiŋörö baŋdu kak daŋin murek, iŋkoi, wiŋöro daŋin musala, ŋilo a baŋdu tatuet lo ŋutu jore parik, ŋilo a baŋdu logon wiŋö i swötön kase liŋ.

Ejikele 21:25

Ama do duma lo Yisaraele, do a loron, do ti twoju ŊUN, diŋit inot aje po nagon riparikin do a ’dutet.

Ejikele 21:6

Nyenagon ŋuro lo ŋuto, delyani ko ’du ’duatu; ’duani ’dua kogwon töili a ’beleŋo ko kulya, ’duani kogwon delya na pötwör a lepeŋat memeddya.

Ejikele 22:6

Mete, kasarak ti Yisaraele liŋ lo gwon i lukata inot kilo a kitari riŋit nase na tumatyan i ’buköddu na rima.

Ejikele 30:2

Ŋuro lo ŋuto, keŋ keju adi, MATAT Ŋun lo kulya adi, Luluje adi, Woidio lor!

Ejikele 6:11

MATAT ŊUN lo kulya sona adi, Ta kötumit na Yisaraele, naŋgi ta könisi kasu, lame ta lam ko delya, luluje ta adi, Wöidiö! kogwon konesi liŋ narok na mamana na kon ta kune; kogwon ŋutu kasu mo tatua ko baŋdujin, ko dyaŋ, se ko twanti iŋgo.

Ejikele 7:17

Könisi kase liŋ a lokolokak, a kuŋwat kase liŋ gwe pötö.

Ejikele 9:8

A gwe sona, nagon se nyuŋ gwon i tatuja na ŋutu nu, a nan kölökine geleŋ; a nan ’dorone kak rupu, a nan gwine gwien pija adi, Pon MATAT ŊUN, do aje ’bukökiŋdyö woran inot i Yerusalema; do ’diri mo tutukar pitönö liŋ ti ŋutu ti Yisaraele le?

Yoele 1:13

Ta koanejin, doggi ta ’borik ko boŋgwat terekesi, ko jojoggi ta kidoni kasu ko delya, ta kakitak lo kita i pirit ’yuret na rubaŋgajin, luluje ta lulujö. Ta kakitak lio ti Ŋun lio, luponi ta kadi, gwe ta ko boŋgwat terekesi i tukwaje lio! Kogwon ’dokesi ti ’bolot se ko rubaŋgajin ’bu ’bukesi a ko jwe i kadi na Ŋun losu.

Yoele 2:1

Kute ta toriot Siona yu; kute ta toriot sorosi i loki na mere lio loke lo rurwan; ti ŋutu liŋ ti jur boŋdi böŋdu kogwon lor lo MATAT popo,

Mika 1:8

Kogwon ŋina kwe nan mo dedelya a gwine gwien parik, a nan mo rusuŋdye boŋgwat kaŋo a wöröni a limu kana; a nan mo woŋe gwoso gwagwe, a gwine gwoso tutwo.