Ejikele 20:8 - Bibilia Buk na Ŋun nagon koti luŋu a

⁸ Kölumbö a se renyani nan, a tine ’bön yiŋga nan. A lepeŋat liŋ geleŋ geleŋ gwe a ko gumba ŋo kase na mamana kaŋo nagon tulyöŋgu konyen kase kune, a gwe a ko kölökiŋdyö nyömuejin logon a ŋunyen ti Ejipeto. A nan iŋge yeyeju ’bukökiŋdyo woran nio kase loki, a yeyeji ŋoma ko se asut i jur lo Ejipeto.

Ejikele 20:8 Iomraidhean Croise

Nemaya 9:26

Ma ’di sona lepeŋat a kalaak, se a renya do a iŋge gubara saresi kulök kase i ki ’dirinö, a tatuje nebijin kulök logon a kunyaŋu lepeŋat anyen se ködyö löpukuŋdyö bot konut ni, a se iŋge lauŋdya parik.

Saumajin 106:23

Nyenagon a Ŋun kulyani adi nye mo tatatu lepeŋat, ko ködyö Mose logon nye a wulun lo a ko rikija kiko, i nyököddu na woran nanyit bot an nye ko tatuja se.

Saumajin 69:24

’Bukökindye woran inot ko lepeŋat loki, ko ti woran inot na pape morgi lepeŋat!

Saumajin 78:17

Ama se nyuŋ puja totorondya Ŋun bia parik, a se renyani Katoŋanit lo ki liŋ i yöbu na sese.

Saumajin 78:8

Köti an se ko gwon gwoso merenyejin kase, gwoso toberon na ŋutu kabulak ti kusik ko a karenyak, iŋkoi, teberon na ŋutu logon a ko togwi ’dikindya töilyet kase gwogwo, anyen gwo ’dan go ko Ŋun.

Saumajin 81:12

Nyenagon a nan pakindye lepeŋat i töilyet kase logon ti ’bön sara kulo, anyen se kondya ŋo na ’deggi se kune.

Yuörö 32:1

A nagon Ŋutu kulo ko mete adi Mose a karakin i ŋo nanyit kak i mere nu, a se momoruŋdye ’borik ko Arona ni, a kulyani ko lepeŋ adi, Ŋine ki, tetenaki yi punyen logon nyömbu yi; kogwon ŋilo Mose lo joŋdya yi kaŋo i jur lo Ejipeto lo, yi ti den ko nyo a ŋokin ko leperi.

Yisaya 63:10

Ama a se renyani renya a tode-lyaŋ Mulökötyo loke lonyit, nyenagon a nye löpukuŋdye a miriku lose, a nye lepeŋ iŋge mörö ko lepeŋat.

Yeremia 11:8

Ama kudyakan lepeŋat a ko tiŋdu swö kase i yiŋga, ama a ŋutu liŋ geleŋ geleŋ kepoddi ’dekesi ti töilyet kase lorok iŋgo. Nyenagon nan a joŋdya kase loki kulyaesi liŋ ti na tomoret logon nan a sarakin lepeŋat i koŋdya kulo, ama a lepeŋat gwe a ko kon.

Yeremia 32:23

a se lupöni kata a morgi nye a lose. Ama a se gwe a ko twöju gworo ilot, a tine wörö i saresi kulök; lepeŋat a ko koŋdya ma ’di nene na ŋo liŋ nagon do a sarakin lepeŋat i koŋdya kune. Nyenagon a do iŋge jakiŋdya yi kine ŋo liŋ narok.

Yeremia 7:24

Ama a lepeŋat kölumbö tine ’bön tiŋdu swö kase i yiŋga, a wöröni gwoso nagon se ’de ’dekan ko tŋgolon na töilyet kase lorok, a gwe a ko möröddu ŋerot kölumbö a se kukutörö bot.

Ejikele 20:13

A kölumbö kötumit na Yisaraele renyani nan i yöbu yu; a se gwe a ko wörö i saresi kwe lo wurö, a renyani jujuwesi kwe logon ko ŋuto a ’dep se kulo a rune ru; a se iŋge kör sabatajin kwe parik. A nan köti iŋge yeyeju ’bukökiŋdyö woran nio kase loki i yöbu yu anyen to ’duddyö se asut.

Ejikele 20:16

kogwon se a renya jujuwesi kwe a tine wörö i saresi kwe lo wurö, a koŋi sabatajin kwe, kogwon töilyet kase kepoddu nyomuejin kase logon a ŋunyen kulo.

Ejikele 20:21

Ama a ŋwajik kase renyani nan; a se gwe a ko wörö i saresi kwe lo wurö, a se gwe a ko ’debba jujuwesi kwe logon ko ŋuto a ’debba se kulo a rune ru; lepeŋat a kör sabatajin kwe. A nan köti iŋge yeyeju ’bukökiŋdyö woran nio kase loki, a yeyeji ŋoma ko se asut i yöbu yu.

Ejikele 20:7

Nan a takin se adi, Ta liŋ geleŋ geleŋ, gubara ta ŋo kasu na mamana kaŋo nagon tulyöŋgu konyen kasu kine, an ta ko toluddya ta ’börik ko nyömuejin logon a ŋunyen ti Ejipeto. Nan logon a MATAT ŊUN losu.

Ejikele 22:22

Nyena a ta mo tolusököni tolusökö gwoso na tolusökörikin pödö i tuka na, a ta mo dene den adi nan MATAT lo ’bukökiŋdyö woran nio kasu loki.

Ejikele 23:3

A lepeŋat iŋge biryeri ’börik a kawutejin i jur lo Ejipeto i diŋit nagon se nyuŋ gwon a kö ’disi nu, a kidoni kase iŋge mumusuka nyu, a kinasi kase logon nyuŋ susuja kulo iŋge nonotatu.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Ejikele 7:8

Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Osea 9:10

Nan Ŋun a ryö Yisaraele i yöbu gwoso ludweki ti binyo, nan a met komunyi ko lyoŋön gwoso ŋutu lo meddya ludweki ti ki ’bi lo suluja radan i diŋit nanyit na kokwe; ama a se iti Bala-peor yu, a geladdi ’börik i ŋo nagon a yu na kwe, a Lepeŋat worani a ŋo na mamana gwoso ŋo nagon se nyanyar na.

Lewi 18:3

Ta ködyö ti koŋdya gwoso na koŋdi ŋutu ti jur lo Ejipeto na si ’dari ta nyu nu, a ta ködyö tine kon gwoso na koŋdi ŋutu ti jur lo Kanana na yeyekuŋdye nan ta kata nu. A ta tine kebbu saresi kase.

Nyökit 9:24

Ta aje renya MATAT suluja i lu lor lo deŋdi han ta lu.

Nyökit 9:7

Yiyiuŋdye ta, an ta ko böŋö nu diŋit na towopi ta MATAT Ŋun losu i yöbu nu; ta gwon a kare-nyak ti MATAT suluja i lu lor lo yuöddi ta kaŋo i jur lo Ejipeto lu, tojo ko ’dur nasu i na pirit.