Ejikele 20:7 - Bibilia Buk na Ŋun nagon koti luŋu a

⁷ Nan a takin se adi, Ta liŋ geleŋ geleŋ, gubara ta ŋo kasu na mamana kaŋo nagon tulyöŋgu konyen kasu kine, an ta ko toluddya ta ’börik ko nyömuejin logon a ŋunyen ti Ejipeto. Nan logon a MATAT ŊUN losu.

Ejikele 20:7 Iomraidhean Croise

2 Dekat 15:8

A Asa ko yiŋge kilo kulyaesi lo keŋ Ajaria ŋuro lo Odede kulu, a nye gwe a iŋgo a joŋgi nyomuejin manat kaŋo i jur lo Yuda liŋ se ko lo Benya­ mina, ko i köjino nagon nye a ripara i jur lo merya ti Epuraima, a nye nyoggi teteŋdya pirit ’yuret na rubaŋgajin nagon a na MATAT na gwon i komor na bara­ŋöa na kadi na MATAT.

Yuörö 16:12

Nan a yio woŋesi ti Ŋutu ti Yisaraele. Taki se adi, I sömukö ta de nyenyesu lokore, ko ’bure a ta mo yimönöni ko ambata. A ta mo dene den adi nan a MATAT Ŋun losu.

Yuörö 20:2

Nan logon a MATAT ŋun ilot logon a joŋdya do kaŋo i jur lo Ejipeto i pirit na to ’dupien.

Yuörö 20:4

Do ködyö ti tetenakiŋdya mugun nene nyömue na gigiru a gwuluet na ŋo ti ki yu, kode ŋo ti kak ni, kode ŋo ti pioŋ lukata;

Yuörö 20:5

do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase monye ko torela i kusik tojo ko nyakwariat tomusala ko toiŋwan ti Ŋutu logon maman nan kilo;

Yuörö 22:20

ŋuto logon ’duŋökiŋdyö iele ŋun rubaŋga lo lepeŋ tutukara asut, ake lepeŋ ’duŋökiŋdyö MATAT.

Yisaya 31:7

Kogwon i ŋilu lor a ta liŋ mo gubaddi nyömuejin kasu ti pödö ko nyömuejin kasu ti dakap, ŋagon ta toroŋdya i teteŋdya na se kulo.

Ejikele 14:6

Nyenagon taki ŋutu ti kötumit na Yisaraele adi, MATAT ŊUN lo kulya sona adi, Löpuŋge ta töilyet, löpukuŋdye ta kaŋo i nyömuejin kasu logon a ŋunyen kulo, löpukuŋdye ta komorsikan kasu kaŋo i ŋo kasu liŋ na mamana kine.

Ejikele 18:15

a tine nyesu i piritön kwakwasesi na gwon i ko ’dulan ti merya kune, a tine ’bilikiŋdya konyen kanyit ki i twöju na nyomuejin logon a ŋunyen ti kötumit na Yisaraele, a tine toluddya narakwan na leŋe,

Ejikele 18:31

Gubara ta lauŋdya nasu na saresi liŋ kaŋo nagon ta a toroŋdi nan kine. Galakiŋdye ta ’börik töilyet ludukö se ko yeyeesi ludu-kö! Ta kötumit na Yisaraele, ko nyo nagon ta ködyö twatwa?

Ejikele 18:6

Lepeŋ ti nyesu i piritön kwakwasesi na gwon i ko ’dulan ti merya kune, nye ti ’bilikiŋdya konyen kanyit ki i twöju na nyomuejin logon a ŋunyen ti kötumit na Yisaraele, nye ti toluddya narakwan na leŋe, kode doto ko ŋuto nagon lolo-kia.

Ejikele 20:19

Nan MATAT a ŊUN losu, wöröni ta i saresi kwe lo wurö, ’debbi ta jujuwesi kwe ’bura;

Ejikele 20:8

Kölumbö a se renyani nan, a tine ’bön yiŋga nan. A lepeŋat liŋ geleŋ geleŋ gwe a ko gumba ŋo kase na mamana kaŋo nagon tulyöŋgu konyen kase kune, a gwe a ko kölökiŋdyö nyömuejin logon a ŋunyen ti Ejipeto. A nan iŋge yeyeju ’bukökiŋdyo woran nio kase loki, a yeyeji ŋoma ko se asut i jur lo Ejipeto.

Ejikele 23:3

A lepeŋat iŋge biryeri ’börik a kawutejin i jur lo Ejipeto i diŋit nagon se nyuŋ gwon a kö ’disi nu, a kidoni kase iŋge mumusuka nyu, a kinasi kase logon nyuŋ susuja kulo iŋge nonotatu.

Ejikele 23:7

A Ola iŋge biryeri mugun a kawute ko ŋutu liŋ ti Asura logon a togeleŋ i kwelen, a lepeŋ iŋge toluddya mugun ko nyomuejin liŋ logon a ŋunyen ti kilu ŋutu liŋ logon nye nyanyar ko pusök kulo.

Ejikele 23:8

A lepeŋ gwe a ko kölökin wutön nagon nye köju a kon ’beron i perok lo gwoŋdi nye Ejipeto yu kulu; kogwon ŋutu lyan a dotori lepeŋ i tukö ’disen nanyit, a iŋge mumusuk kido nanyit nagon nye nyuŋ gwon a kö ’disityo nu, a tulyöŋgi lepeŋ ko towutön nase.

Ejikele 34:24

A nan MATAT mo gwe a ŊUN lose, a koliŋonit lio Dawidi mo gwe a kasaranit kase kiden. Nan MATAT aje jambu.

Ejikele 6:9

A kirut ŋutu kasu logon a pesaddu i tatua kulo mo yeyene yeye nan i kiden na ŋutu ti jurön logon se a joŋa kata i to ’dupien kulu, adi, nan a tomie kogwon se gwon ko töilyet ti towutön a löpuköddi kaŋo köyö, a konyen kase ti towutön iŋge kepoddu nyömuejin logon a ŋunyen kana. A kirut se mo maŋdi ’börik ko ŋo liŋ narok nagon se a kon i konesi kase liŋ na mamana kine.

Lewi 11:44

Kogwon nan a MATAT ŋun losu; nyenagon geluŋdye ta ’börik, ko gwe ta a loke, kogwon nan a loke. A ta ködyö tine toluddya ’börik ko lele ŋo lo koko ’yokta logon gwögwoŋtu i kak ni.

Lewi 17:7

Nyena a se molu köti tine ’duŋökiŋdyö rubaŋgajin kase a ti lopijoki mulökö logon se a biryeni ’börik gwoso ŋutu kalupök kulo. A ŋilo gwe kase ŋupi a saret lo wurö temba i nyakwariat kase liŋ.

Lewi 18:2

Kulyani ko ŋutu ti Yisaraele adi, Nan a MATAT ŋun losu.

Lewi 18:3

Ta ködyö ti koŋdya gwoso na koŋdi ŋutu ti jur lo Ejipeto na si ’dari ta nyu nu, a ta ködyö tine kon gwoso na koŋdi ŋutu ti jur lo Kanana na yeyekuŋdye nan ta kata nu. A ta tine kebbu saresi kase.

Lewi 20:7

Nyenagon geluŋdye ta ’börik, ko gwe ta a loke; kogwon nan a MATAT ŋun losu.

Yosua 24:14

Nyenagon so pinana kuŋge ta MATAT, ko kitakiŋdye ta lepeŋ i tugwakan ko i to ’diri; ko paji ta ŋunyen logon merenyejin kasu aje kitakiŋdya lepeŋat i nu pele na lu Kare ko i Ejipeto kulu, ko kitakiŋdye ta MATAT.