Ejikele 20:5 - Bibilia Buk na Ŋun nagon koti luŋu a

⁵ nyena taki lepeŋat adi, MATAT ŊUN lo kulya adi, I lor lo wuluŋdye nan Yisaraele köju lu, nan a ’doggu könin ki i mi-lyekiŋdyö na nyakwariat ti kötumit na Yakobo, a tiŋdi mugun i dena ko se i jur lo Ejipeto; a nan iŋge ’doggu könin ki a milyekiŋdye lepeŋat adi, Nan a MATAT ŊUN losu.

Ejikele 20:5 Iomraidhean Croise

Suluet 14:22

Ama a Abarama kulyani ko mor lo Sodoma adi, Nan a ’doggu könin liŋ ki ko MATAT Ŋun Katoŋanit lo ki liŋ monye lo ki ko kak,

1 Moran 18:39

A ŋutu liŋ ko meddi kine kulya, a se ’do ’done kak rupu, a se kulyani adi, MATAT logon a Ŋuro; MATAT logon a Ŋuro ’diri.

Saumajin 103:7

Nye a kwekindya Mose kikolin kanyit, ŋutu ti Yisaraele a met konesi kanyit.

Saumajin 33:12

Jur logon Ŋun lose gwon a MATAT lo, ŋutu kanyit a kalyö-ŋök, iŋkoi, ŋutu logon nye a wulun a lomore kanyit kulo a kalyöŋök!

Yuörö 3:16

Iti tu momori temejik ti Yisaraele i pirit na geleŋ, a do kulyani ko se adi, MATAT Ŋun lo merenyejin kasu logon a Ŋun lo Abarayama, Ŋun lo Yisaka, ko a Ŋun lo Yakobo a pukökin köyö, a kulyani adi, Nan ’diri aje met ta ko ŋo nagon a konaki ta Ejipeto yu kunu,

Yuörö 3:6

Köti a nye kulyani adi, Nan lo gwon a Ŋun lo merenye ilot logon a Ŋun lo Abarayama, Ŋun lo Yisaka, ko a Ŋun lo Yakobo. A Mose muŋge komor nanyit, kogwon nye kukujönö meddya Ŋun.

Yuörö 3:8

a nan aje po kak ni i lwöggu na se ko Ŋutu ti Ejipeto, i könisi, i joŋga na se kaŋo i lu jur a joŋgi se i jur lo ’but logon a luŋalaŋ; ŋilu jur ’dokon a le ko siwatat; ŋilu jur a lo Ŋutu ti Kanana, ko a lo Ŋutu ti Kiti, ko a lo Ŋutu ti Amori, ko a lo Ŋutu ti Periji, ko a lo Ŋutu ti Kiwi, ko a lo Ŋutu ti Yebusi.

Yuörö 4:31

A kulu Ŋutu yubbe yubbö; a na yiŋge se adi MATAT aje ’yö ’yu Ŋutu ti Yisaraele ko adi nye aje met se i sasanyesi kase nu, a se dulakiŋdye kusik kase kak i twöju.

Yuörö 6:2

A Ŋun kulyani ko Mose adi, Nan a MATAT.

Yuörö 6:3

Nan köju a pukökin ko Abarayama, ko Yisaka, se ko Yakobo, adi nan a Ŋun Kabulönit, ama nan a ko tiŋdu lepeŋat i deŋdya na nan ko karin kwe ti MATAT.

Yuörö 6:8

A nan mo tolupödöi ta i ŋilu jur logon nan a ’doggu könin lio ki i milyekiŋdyo tiŋdu Abarayama, ko Yisaka, se ko Yakobo lu; a nan mo tiŋdi ta ŋilu jur a lomore losu. Nan logon a MATAT.

Yisaya 43:10

Nan MATAT lo kulya adi, Ta a katökorok ti kulya kwe, ko a kölipönök kwe logon nan a wulun, anyen ta böŋö deden ko yuyuŋ nan, ko kuruŋdyö adi nan a nye. Lele ŋun a ko gweya a kokwe köyö, kode molu lele ’bayin köyö bot.

Yeremia 33:24

Do ŋona a ko yiŋ po nagon kulo ŋutu jajam kune adi, Nan MATAT aje renya kötumitön murek nagon nan aje wulun kune le? Nyena se a ’dö ’döju ŋutu kwe a se tine yeyeju adi se köti a jur.

Ejikele 16:8

A na lwöŋöddi nan koti konut nyona nu, a nan meddi do, mete, a do gwe a nagon jujukin i yema, a nan panyakiŋdye kume lo boŋgo nio konut loki a muŋge to ’buson inot, iŋkoi, a nan iŋge milyekin do a teteŋdi tomoret ko do, a do iŋge wora a nio. ŋilo a kulyaet lio lo MATAT ŊUN.

Ejikele 20:15

A nan köti köju iŋge ’doggu könin ki i milyekiŋdyö na se i yöbu yu adi, nan ködyö ti joŋga se i jur logon nan a tikin se lu, ŋilu a jur lo ’dokon a le ko a siwatat, ko a jur lokwekwelen lwölwöŋ jurön liŋ,

Ejikele 20:23

Iŋkoi, a nan iŋge ’doggu könin lio ki i milyekiŋdyö na se i yöbu yu adi nan ködyö totorekin se i kiden na gweyajin ti ŋutu ti jurön,

Ejikele 34:24

A nan MATAT mo gwe a ŊUN lose, a koliŋonit lio Dawidi mo gwe a kasaranit kase kiden. Nan MATAT aje jambu.

Ejikele 35:11

Nyenagon nan MATAT ŊUN lo kulya adi, ’Diri ’diri gwoso na gwoŋdi nan na, nan mo roropakin ta woran nasu ko be ’ya nasu nagon ta aje kwekiŋdya adi ta a maŋdu lepeŋat; a nan mo tiŋdi mugun i dena kasu kiden i diŋit na ’duŋökiŋdye nan ta putet nu.

Ejikele 47:14

Kak nagon nan aje milyeju i tiŋdu na merenyejin kasu nu ta ködyö kokorakiŋdya ’börik jojo; iŋkoi, ŋina kak ’dukin kasu a lomoriot i guba na guralan.

Daniele 12:7

A ŋilo ŋuto logon jupu boŋgo naparere lo gwo ’dan kare lo, ’doggi könin lonyit lo lutaten ko lo kadoŋe ki; a nan yiŋge lepeŋ i milyeju ’diŋdya nye lo gwon jörun ŋupi ŋupi lo, adi temet nase mo gwe a diŋit, ko diŋitan murek, ko swöt na diŋit. A kirut kine po liŋ mo konani kona i diŋit nagon riŋit na ŋutu loke mo tetela nu.

Lewi 18:2

Kulyani ko ŋutu ti Yisaraele adi, Nan a MATAT ŋun losu.

Marako 13:20

a ko ködyö MATAT a ko nyökun perok kak, a ŋuto ködyö gwe ’bayin lo lwölwökö; ama a nye iŋge nyökun perok kak kogwon kulya ti ŋutu lo wulwe logon nye aje nyumun kulo.

Nyökit 14:2

Kogwon ta logon a gweya na ŋutu logon a loke lo rurwan ko MATAT Ŋun losu, a MATAT aje wuluŋdyö ta i gwon a ŋutu kanyit lomoriot i kiden na gweyajin ti ŋutu liŋ logon gwon i na kak kulo.

Nyökit 32:40

Kogwon nan a sijoro könin liŋ ki, adi, ’Diri, ’diri gwoso na gwoŋdi nan ŋupi na,

Nyökit 4:34

Kode lele ŋun ’beron a möŋu tu i riŋaddu na lele jur a lonyit i kiden na jur lele ko möriesi, ko kwe-yesi, ko tusörösi, ko ŋor, ko könin iŋgo lo riöji, se ko tokujönöesi temejik, gwoso i ŋo liŋ nagoŋ MATAT ŋun losu aje konakin ta Ejipeto kasu i metet nu le?

Nyökit 4:37

Köti kogwon nye nyanyar merenyejin kasu, a nye wuluŋdye nyakwariat kase logon kase i mukök, a toyuöddi ta kaŋo i Ejipeto ko mugun nanyit, ko riŋit nanyit duma,

Nyökit 7:6

Kogwon ta a gweya na ŋutu logon a gelwe a loke ti MATAT Ŋun losu, a MATAT Ŋun losu aje wuluŋdyö ta i kiden na gweyajin liŋ ti ŋutu logon gwon i na kak kulo anyen gwon a ŋutu kanyit lomoriot.

Nyökit 7:7

A MATAT nyaŋi ta, ko a wulun ta ti gwon kogwon tojore nasu lwölwöŋ na nene gweya na ŋutu, (kogwon ta ku ’dik lwo lwöŋ gweyajin liŋ ti ŋutu;)

Kweyatti 10:5

A malaikatat logon nan a met gwo ’dan i tör ko i kak lo, ’doggi könin lonyit lutaten ki,

Kweyatti 10:6

a lepeŋ milyeji milyeju ’diŋdya karin ti nye lo gwon jörun ŋupi ŋupi lo, logon a gweja ko ki ko kak, ko tör na ’balaŋ, se ko ŋo liŋ lo gwon i lukata nase kulo adi, Diŋit mo ti karakin köti,