Ejikele 20:47 - Bibilia Buk na Ŋun nagon koti luŋu a

⁴⁷ Taki rudu lo jur lo Loki adi, Yiŋge kulyaet lo MATAT, adi, Nan MATAT ŊUN lo kulya adi, Mete, nan mo mokakiŋdya kimap konut kiden, a ŋina kimaŋ mo totumbe kaden kulök liŋ lodök se ko kaden kulök liŋ loteyok; a kimaŋ na tutule mo tine pepa, a komo-ösikan ti ŋutu liŋ mo rölöni rölö suluja i swöt lo loki tojo i swöt lo lobot.

Ejikele 20:47 Iomraidhean Croise

Yisaya 13:8

a se mo kujönöni kujönö. Tömiesi ko delyaesi mo morga lepeŋat; a se mo gwe ko ŋoŋga gwoso na ŋuto na tata ’du. A se mo totoboge ko ’börik ko söŋu; a komorsikan kase gwe a nagusulak.

Yisaya 30:33

Kogwon pirit ’yuret aje tetenaki ’beron; iye nye aje tetenaki mor, dudulet nanyit a tetenaki a nagulu ko a nagalaŋ, ko kimaŋ ko kaden a temejik; a köbuŋöt lo MATAT tutulekiŋdye lepeŋ gwoso pisek na ’do ’dokon.

Yisaya 66:24

A na tiri se kaŋo nu a se mo meddi öpuö ti ŋutu logon aje renya nan kilo; kogwon kuru kase mo ti twatwa, ko kimaŋ nase mo ti peŋa, a ŋutu liŋ mo mane man kine öpuö.

Yeremia 17:27

Ama ko ta ti ’bon yiŋga nan i ’debba na lor lo sabata a loke, a yeŋe yekuŋdya na kine ŋo i kotumiton ti mariŋ na Yerusalema i lor lo sabata, nyena a nan molu mokakiŋdye kimaŋ i kotumitoŋ ti mariŋ nanyit, a mo ’yuŋe kadijik ti Yerusalema ti tumatyan, a ŋina kimaŋ mo tine peŋa kwoŋ.

Yeremia 21:12

Temba i ko ’bure ’duŋge ta putesi rigwo, lwokuŋdye ta ŋutu i konisi ti karudak logon a ryaggu se kulo. an woran nio tuleun kaŋo gwoso ŋedep lo kimaŋ kogwon konesi kasu narok, a lele ŋuto tine bulö peŋga lepeŋ.

Yeremia 21:14

Nan MATAT lo kulya adi, Nan mo ririŋ ta gwoso i konesi kasu; a nan mo mokakiŋdye kimaŋ i rudu ilot, a ŋina kimaŋ mo ’yuŋe ŋo liŋ na gwon konut i mara kune.

Ejikele 16:35

Nyena do kawute, yiŋge kulyaet lio lo MATAT.

Ejikele 17:24

A kaden liŋ ti mu ’diŋ mo dene den adi nan MATAT nyönyokun ködini lojo ki kak, a to ’duŋe ködini lorutut a lojo ki, a toliliŋge ködini lodon, a tiŋdi ködini loteyon i wilan. Nan MATAT aje jambu kine kulya, a nan mo kone kon se.

Ejikele 19:14

A kimaŋ tuleŋ kaŋo kanyit i kenia, a totumbe kenia se ko ludweki kanyit, anyen kene nago gwon ’bayin na pituŋdyö a puri lo ŋuto kasaranit. Ŋilo a köli delyaet, logon ŋutu yeŋ gwon i yo ’yu na lepeŋ.

Ejikele 21:10

lepeŋ aje juwö a tatuet, lepeŋ aje poto anyen me ’yu gwoso meme ’dekta na ki! (Kine kulya ŋona a kweniesi le? Ŋuro lio, do aje lauŋdya ture se ko kaden liŋ.)

Ejikele 21:32

Ta mo nama gwoso kaden i kimaŋ kata, a rima kasu mo ’bukökine i kiden na jur, a ta mo tine yeyeo köti asut. Ŋilo a kulyaet lio lo MATAT.

Ejikele 24:5

’dumuŋdye turu ’buti geleŋ logon nyumwe i teŋ. Sone kaden i ŋilo sape mukök; deŋi po na gwon i lukata nanyit kune, ko ’duni ’du kuyu kanyit köti i lukata nanyit.

Luka 23:31

Kogwon ko ŋutu koŋdya kine ŋo a ködini nyuŋ a lodon, a nyo mo na konani ko gwe a loteyon?

Nyökit 32:22

Kogwon kimaŋ a totule ’i ko woran nio, a nye ’yuraddi teŋ ko wi na pirit na mulökö, a nye totumbe kak ko radan nanyit, ko a ’yurakiŋdya gwo ’diesi ti merya.