Ejikele 20:44 - Bibilia Buk na Ŋun nagon koti luŋu a

⁴⁴ Ta kötumit na Yisaraele, ta mo deden adi nan a MATAT i diŋit nagon nan mo ti konakiŋdya ta gwoso i kikolin kasu lorok, se ko i konesi kasu narok na kon ta kine, ama kölumbö a nan mo konakiŋdye ta gwoso nagon jujukin i karin kwe. Ŋilo a kulyaet lio lo MATAT ŊUN.

Ejikele 20:44 Iomraidhean Croise

Saumajin 115:1

Pon MATAT, ko tindu yi i bula, an do ko tindu yi i bula, ama tindi karin kunök i bula, kogwon do a kanyaranit lo ’bak ’dutet, do yeŋon gwon a lo to ’diri.

Saumajin 79:9

Pon Ŋun kalwökönit likaŋ, parakindye yi anyen karin kunök bubula; lwökundye yi ko bubuddye toronjin kaŋ, kogwon karin kunök.

Ejikele 16:62

A nan mo togwi ’dikiŋdye go tomoret nio ko do, a do mo dene den adi nan logon a MATAT.

Ejikele 20:14

Ama a nan iŋge kita kogwon kulya ti karin kwe anyen ködyö gwon ti körö i metet na ŋutu ti jurön logon a met nan i joŋdya na se kaŋo kulu.

Ejikele 20:22

Ama a nan goji könin lio, a nan iŋge kita kogwon kulya ti karin kwe, anyen ködyö gwon ti körö i metet na ŋutu ti jurön logon a met nan i joŋdya na se kaŋo kulu.

Ejikele 20:38

A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Ejikele 20:45

A kulyaet lo MATAT poki köyö adi,

Ejikele 20:9

Ama a nan iŋge kita kogwon kulya ti karin kwe anyen ködyö gwon ti körö i metet na ŋutu ti jurön logon se ŋutu ti Yisaraele si ’da kase kiden kulu, logon nan a tikin mugun i dena kase i metet na joŋdi nan Yisaraele kaŋo i jur lo Ejipeto köju nu.

Ejikele 24:24

A Ejikele mo gwe a kweyet kasu; ŋo liŋ nagon nye a kon kine ta mo köti kökon se. Ko kine ŋo mo a pukun a ta mo kirut dene den adi nan logon a MATAT ŊUN.

Epeso 1:6

Lepeŋ a kondya sona anyen yi pupurja kwelen na ’busan nanyit nagon nye a ’doggi yi kana na ko Ŋuro lonyit lo nyanyara i mugun.

1 Timoteo 1:16

Ama kwe nagon Kristo Yesu a yatakiŋdye nan na, anyen tiŋdu nan a tojowet togeleŋ na ŋoŋga nanyit taliŋ nagon a duma parik. Ŋina tojowet a na ŋutu logon mo popo i mukök i yubbo na lepeŋ a wuji ru na yeŋ nyin kilo.