Ejikele 20:41 - Bibilia Buk na Ŋun nagon koti luŋu a

⁴¹ A i diŋit na joŋdi nan ta kaŋo i kiden na gweyajin ti ŋutu, a tutunuŋdye ta kaŋo i jurön logon ta a tore aji kata kulu nu, a nan mo wuji ta gwoso rubaŋga lo mon paleleŋ; a nan mo kweji mugun a loke kogwon kulya kasu a ŋutu ti jurön memeddya.

Ejikele 20:41 Iomraidhean Croise

Suluet 8:21

A MATAT moji möet na paleleŋ; a MATAT kulyani kanyit i tö ili adi, Nan mo ti seŋdya kak Köti kwöŋ kogwon kulya ti Ŋutu, kogwon ŋo liŋ na yeye töilyet kase ko na kakatim se kune a narok suluja i tolupudien nase; a nan mo Köti kwöŋ tine tukaŋu ŋo liŋ lo gwon jörun, gwoso na koŋdi nan nu.

2 Samuele 24:23

Sekine ŋo liŋ nagon nan Arauna a wukin do pon mor. A Arauna kulyani ko mor adi, Ti MATAT Ŋun ilot ruŋge do.

Yisaya 5:16

Ama a MATAT lo kurumi todumalakine ki i ’duggö gwogwo, a Ŋun Loke kwekiŋdye mugun a loke i löti lo rigwo.

Yeremia 23:3

a kirut nan ko mugun nio mo tutuŋdye pitönö ti teŋ na köbilu kwe i jurön liŋ logon nan köju a rikoddi se kata kulu, a nan mo nyökuŋdye se kase i ŋoro, a se mo rade radan, a mo ŋdine ŋdi.

Yeremia 30:18

Nan MATAT lo kulya adi, Mete, nan mo nyönyökökin kötu­mit na Yakobo kadijik kase, iŋkoi, nan mo wowon konyen ko piritön kase si ’daesi, a köjinö mo nyököni ’dukö kase i sudiet, iŋkoi, kadijik temejik mo nyökö ’dukö kase i piritön ti köju kunu.

Yeremia 30:3

Kogwon mete, nan MATAT lo kulya adi, Perok mo popo logon nan mo nyökuŋdye ŋutu kwe Yisaraele se ko Yuda bot i to ’dupien, a nan mo toyituŋdye se i jur logon nan köju aje tin merenyejin kase lo, a se mo ruddye lepeŋ. ŋilo a nan MATAT lo jambu.

Yeremia 32:37

Mete, nan mo pepenun lepeŋat i jurön liŋ logon nan a riköddu se kata ko ŋoma ko yulön se ko woran duma kulu; a nan mo nyökuŋdye se bot i na pirit, a nan mo tiŋdi se i gwolor ’bura ’bak nene ŋo.

Ejikele 11:17

Nyenagon kulyani adi, MATAT ŊUN lo kulya adi, Nan mo tutunun se kaŋo i gweyajin ti ŋutu, nan mo momorun se kaŋo i jurön logon se a toreki kata kulu, a nan mo tiŋdi se jur lo Yisaraele.

Ejikele 20:28

Kogwon na joŋdi nan se köju i jur logon nan a milyeju i tiŋdu na se lu, a se iŋge meddya lurwat liŋ lojo, se ko kaden liŋ logon ko koropo jore, a se wukiŋdye rubaŋgajin kase nyu, a tiŋdi ’dokesi kase nyu nagon towoŋa nan; köti a se wukiŋdye ’dokesi na mon paleleŋ a ’bukökiŋdye rubaŋgajin ’bu ’bukesi nyu.

Ejikele 28:22

Tambi ko lepeŋ adi, MATAT ŊUN lo kulya adi, Do Sidona, mete, nan a miriku ilot, a nan mo kweji minyo lio konut kiden. A ŋutu mo deŋdi adi nan logon a MATAT i diŋit nagon nan mo ’duŋökiŋdye Sidona putesi, a mo kweji kelan nio kanyit kiden nu.

Ejikele 28:25

Nan MATAT ŊUN lo kulya adi, I diŋit na pepenuŋdye nan kötumit na Yisaraele i gweyajin ti ŋutu logon lepeŋat a tore aji kata kulu nu, a nan mo kwekiŋdye kelan nio kase kiden a ŋutu ti jurön memeddya, a kirut lepeŋat mo si ’dani i jur lose logon nan köju a tikin köliŋönit lio Yakobo lu.

Ejikele 34:11

Kogwon nan MATAT ŊUN lo kulya adi, Mete, nan ko mugun nio mo kekeŋ mukök na köbilu kwe, iŋkoi, nan mo gagalara se.

Ejikele 34:19

Nyo nagon köbilu kwe nyesu ŋo nagon ta a ryoryok ko mokosi kasu, a möji pioŋ nagon ta a kökobur ko mokosi kasu?

Ejikele 37:25

A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Ejikele 38:16

A ta mo ’diku i mörö ko ŋutu kwe Yisaraele gwoso ’diko na muggö kak. Kweja adi i perok lo popo a nan mo joŋdi ta i mörö ko jur lio, anyen jurön böpö deden nan i diŋit na tokitaji nan do Goga i kweja na kelan nio kase i komor nu.

Ejikele 38:23

Nyena a nan mo kweji todumalan nio se ko kelan nio, a nan mo tiŋdi mugun i dena ko ŋutu jore i komor. A kirut lepeŋat mo deŋdi adi nan logon a MATAT.

Ejikele 38:8

A i mukök na perok jore a ta mo lupuni lupu i mörö; iŋkoi, a i kiŋajin ti ’dutet a ta mo lupöni i mörö ko jur logon a nyököki i gwolor nanyit na kokwe i mukök na mörö, kweja adi ŋilo a jur logon ŋutu kanyit aje po kaŋo i jurön jore a momorakiŋdye i merya ti Yisaraele logon yeŋon a rubajin ko diŋit a najo kulo. Kilo ŋutu köju a jwe kaŋo i jurön, lepeŋat liŋ soŋinana si ’dani ’bura ’bak kujönö;

Ejikele 6:13

A kirut ta mo dene den adi nan a MATAT, na dotori öpuö ti ŋutu kasu lo tatua i kiden na nyömuejin kase logon a ŋunyen lorga piritön kase ’yuresi ti rubaŋgajin, i lurwat liŋ loki, ko i kusik ti merya liŋ, ko i mukökö ti kaden liŋ lo rurwan se ko i mukökö ti rinö lobot liŋ, kweja adi i piritön liŋ nagon se wukiŋdye nyömuejin kase liŋ rubaŋgajin lo mon paleleŋ kune.

Lewi 1:13

ama a nye lalaji monyet kanyit se ko ŋutukujin kanyit ko pioŋ. A koane ködyö wukiŋdye ŋo ’bukuluŋ, a ’yuŋe lepeŋ i pirit ’yuret na rubaŋ-gajin; ŋilo a rubaŋga lo ’yu ’yura ’buluŋ ko kimaŋ, anyen möara paleleŋ ko MATAT yu.

Lewi 1:17

a nye morgi kwenti i köpukön a kereŋdi lepeŋ ama ti gwon asut. A koane ködyö ’yuŋe lepeŋ i nu pirit ’yuret na rubaŋgajin loki, i kaden na gwon i kimaŋ loki kune; ŋilo a rubaŋga lo ’yu ’yura ’buluŋ ko kimaŋ, anyen möara paleleŋ ko MATAT yu.

Lewi 1:9

ama a nye lalaji monyet se ko ŋutukujin kanyit ko pioŋ. A koane ködyö ’yuŋe ŋo ’bukuluŋ i pirit ’yuret na rubaŋgajin loki, ŋilo a rubaŋga lo ’yu ’yura ’buluŋ ko kimaŋ, anyen möara paleleŋ ko MATAT yu.

Lewi 10:3

A kirut Mose kulyani ko Arona adi, ŋina a ŋo nagon MATAT aje kulyari adi, Nan ködyö gelwe a loke lo rurwan i se logon a ŋun köyö nyona kulo, a nan ködyo bulani bula i komor na ŋutu liŋ. A Arona yiŋani taliŋ.

Amosa 9:14

A nan mo nyokuŋdye ŋutu kwe Yisaraele kaŋo i to ’dupien, a lepeŋat mo nyoggi ’duggö köjinö nagon a murwöki a si ’dani kata; a se mo ’yuddi kaden ti binyo a möji binyo kase, a se mo kuŋi meleseno a nyesi ludweki kase.

Kenet 20:13

Kine a pioŋ ti Meriba, pirit nagoŋ ŋutu ti Yisaraele a rerenyari ko MATAT nu, a nye iŋge kweja mugun a loke kase kiden.

Luka 2:14

Ti bulet gwe ko Ŋun lo ki, ko i kak ni ti taliŋ gwe ko ŋutu logon Ŋun lyölyoŋön ko lepeŋat kulo.

2 Korinto 2:14

Ama ti Ŋun purani pura, logon ŋupi tiŋdu yi i wörö ko Kristo katelanit i mukök gwoso ŋutu kanyit lo momoka lo. Lepeŋ kitari yi anyen dena na lepeŋ ködyö reara i piritön liŋ gwoso mon na paleleŋ.

2 Korinto 2:15

Kogwon yi gwon gwoso bökur logon Kristo ’yurakin ŋun, anyen möara i ŋutu logon lwölwökö ko i ŋutu logon twatwa kilo.

Epeso 5:2

Wöröni ta i nyaŋu, gwoso nagon Kristo aje nyaŋi yi na, a wukindye mugun nanyit ko Ŋun a ’doket ko a rubaŋga lo mor paleleŋ kogwon kulya kaŋ.

Pilipoi 4:18

Nan aje wuju ŋo liŋ ko kunie köti; nan gwe ko ŋo jore kogwon Epaporodito a tikin nan ’dokesi nagon ta a sunyun kune. Kine ’dokesi gwon gwoso rubaŋga lo mon paleleŋ logon wuki Ŋun logon nye a wu ko lyöŋön lo.

1 Petero 3:15

ama twöji ta Kristo a Matat kasu i töilyet. Gwe ta ajo ŋupi i nyönyökökiŋdyö na ŋutu liŋ logon pija ta i ŋo na yen ta kine. Ama tokuruki ta se ko tokoyokan se ko twöju.