Ejikele 20:4 - Bibilia Buk na Ŋun nagon koti luŋu a

⁴ Ŋuro lo ŋuto, do ŋona ti lilija lepeŋat? Do ŋona ti ’duŋökiŋdyö lepeŋat putesi le? Ti lepeŋat dene den ŋo na mamana na kon merenyejin kase kune,

Ejikele 20:4 Iomraidhean Croise

Yisaya 5:3

Soŋinana, ta lo si ’da Yerusalema, ko ta ŋutu ti Yuda, lilije ta, boŋo, i kiden nio ko melesen nio na binyo,

Yeremia 11:14

Nyenagon do Yeremia, an do ko kwakwaddu kogwon kilo ŋutu, an do ko ’doggu gworo ilot ki i gwien ko nan kode i momo ’yu i kulya kase, kogwon nan mo ti yiŋ na luŋgi se nan i diŋit nase nagusu nu.

Yeremia 15:1

A kirut MATAT kulyani ko i nan adi, Ma ’di kodyo Mose ko Samuele a gwo ’dan koyo i komor i pija na nan, a töili lio mo tine Lopukuŋdyö i ŋutu ti Yuda. Sonye lepeŋat kaŋo köyö i komor, ko ti se iti!

Yeremia 7:16

Do Yeremia, an do ko kwakwaddu i kulya ti kilo ŋutu, ko ’doggu gworo ki i gwien kode i momo ’yu kogwon lepeŋat, an do ko piyuŋdya nan i kulya kase, kogwon nan de ti yiŋ do.

Ejikele 14:14

Nyena ma ’di kilu ŋutu musala logon a ko Noa, ko Daniele, se ko Eyobo ködyö gwolor nyu, lepeŋat ködyö lwökuŋdyö ru nase tuŋ kogwon torigwo nase. Ŋilo a kulyaet lio lo MATAT ŊUN.

Ejikele 14:20

nan MATAT ŊUN lo kulya adi, ’Diri ’diri gwoso na gwoŋdi nan na, ma ’di ko Noa, ko Daniele, se ko Eyobo ködyö gwolor nyu, lepeŋat ködyö lwökuŋdyö ru nase tuŋ kogwon torigwo nase, a se ködyö tine lwökuŋdyö ŋwajik kase lulyan kode nawate.

Ejikele 22:2

Ŋuro lo ŋuto, do ŋona gwon ajo i ’dupökiŋdyö na köji putet nagon ŋutu kanyit a katatuak? Do ’diri ’du ’dupökin lepeŋ putet a kwekiŋdye lepeŋ po kanyit liŋ na mamana na kon ŋutu kanyit kune le?

Ejikele 23:36

A MATAT kulyani ko nan adi, ŋuro lo ŋuto, do ŋona gwon ajo i ’dupökiŋdyö na Ola se ko Oliba putet le? A na ’but, kwekiŋdye se konesi kase na mamana kine.

Ejikele 23:45

A ŋutu lo rigwo mo ’duŋökiŋdye lepeŋat putet logon a putet lo ’dupöki ŋutu wate nagon a kalupejin, se ko putet lo ’dupöki ŋutu wate nagon a katatuak, kogwon se a wate nagon a kalupejin, a könisi kase ’buköddi rima.

1 Korinto 6:2

Ta a ko den adi ŋutu ti Ŋun mo lo ’duŋgö kulya ti ŋutu ti na kak le? A kirut ko ta molu lo ’duŋgö kulya ti na kak, a ta ŋona ti jukin i lilija na kulya na ’di ’dik le?