Ejikele 20:39 - Bibilia Buk na Ŋun nagon koti luŋu a

³⁹ Nyena ta kötumit na Yisaraele, nan MATAT Ŋun lo kulya adi, A na ’but, ti ta liŋ geleŋ geleŋ iti i kwakwaddu na nyömuejin kasu logon a punyen, ama i mukök ta ’diri mo yiyiŋ nan, a ta mo tine köŋu karin kwe nake ko ’dokesi kasu se ko nyömuejin kasu logon a punyen kilo.

Ejikele 20:39 Iomraidhean Croise

2 Moran 3:13

A Elisa pije mor lo Yisaraele adi, Kulya kwe a nyo konut? Iti ko nebijin ti munyi ko ti ŋuti yu. Ama a mor lo Yisaraele kulyani ko lepeŋ adi, ’Bayin sona, ŋilo a MATAT lo luŋgu kilo moran musala anyen wukiŋdya se i könisi ti ŋutu ti Moaba.

Saumajin 81:12

Nyenagon a nan pakindye lepeŋat i töilyet kase logon ti ’bön sara kulo, anyen se kondya ŋo na ’deggi se kune.

Tolupesi 21:27

MATAT maman rubagga lo katoronyanit; a naron bia parik ko nye wukindya ko töili loron.

Yisaya 66:3

Ŋuto lo ’duŋgö dwöt a rubaŋga lo gwon gwoso katatuanit lo ŋuto; a ka ’duŋönit lo kilolor gwe gwoso ka ’beleŋonit lo murut na ’dioŋ; a ŋuto lo wukiŋdya ’doket na ’bolot gwe gwoso ŋuto lo wukiŋdya rima ti wuri; a katinunit lo ’doket na bökur lokwe a toyeyeet, gwe gwoso kabulanit lo nyömue. Kilo liŋ aje wuluŋdyö kikolin kase, a tulyöŋgi ködudwölön kase ko manat kase;

Ejikele 43:7

a ŋilo gworo takiŋdye nan adi, Ŋuro lo ŋuto, na a pirit na si ’daet nio na tumatyan, ko a pirit nio nagon nan gwogwo ’di ’e, nagon nan mo gwo-gwolorgi i kiden na ŋutu ti Yisaraele ŋupi na. A ma ’di lepeŋat kode moran kase mo köti tine köŋu karin kwe ko towutön nase se ko öpuö ti moran kase.

Osea 4:17

ŋutu ti Epuraima aje morakin-dya i nyömuejin logon a ŋunyen; iŋgo, ti Lepeŋat gwe ka ’de.

Amosa 6:10

A karutyo lo ŋuto lo twan logon po i nugga na lepeŋ lo mo ’dukuŋdye öpu nanyit kaŋo kadi. A nye pipije ŋuto logon si ’da i ’dutet na kadi adi, Kulye ŋutu nyuŋ kata ko do i pirit na geleŋ le? A nye waddi adi, ’Bayin. Köti adi, Yiŋani taliŋ! Ti yi gwe ti ’diŋdya karin ti MATAT.

Matayo 6:24

Lele ŋuto ’bayin logon bubulö kitakiŋdya ŋutu murek; kogwon kode nye maŋdu lele a nyaŋi lele, kode nye twöju lele a lauŋdye lele. Ta ti bulö kitakiŋdya kö Ŋun ko tukwörien.

Konesi 7:42

Ama a Ŋun lopukuŋdye kaŋo kase, a tiŋdi se i kitakiŋdya na kaset ti ki, gwoso na wurorikin i buk na nebijin nu adi, Ta kotumit na Yisaraele, ta ŋona a ’duŋökiŋdyö nan toro ’bo a wukiŋdye a rubaŋgajin i yöbu yu kiŋajin merya iŋwan le?

2 Tesalonike 2:11

Ko ŋina kwe Ŋun sunyukiŋdyö lepeŋat mumuluket nagon kikita ko riŋit a duma kase i töilyet, anyen tiŋdu se i yubbö na kulya ’burönö,

Yosua 24:15

A ko ta ti ’bön kitakiŋdya MATAT, a ta wuluŋdye ta i lo lor ko ta kitakiŋdya ŋa, kode ta ŋona kitakiŋdya ŋunyen logon merenyejin kasu a kitakin i nu pele na Kare, kode ŋunyen ti ŋutu ti Amori logon ta a si ’da kase i jur kulu. Ama ko gwe gwoso nan se ko mede nio, yi kitakiŋdya MATAT.

Ka’duŋök 10:14

iŋgo ta, gwiki ta ko ŋunyen logon ta a wulun kulu; ti lepeŋat lwöku ta i na diŋit nasu nagusu.