Ejikele 20:36 - Bibilia Buk na Ŋun nagon koti luŋu a

³⁶ iŋkoi, a nan mo jambi putet ko ta gwoso na jambi nan ko merenyejin kasu i jur lo Ejipeto koju nu. Ŋilo a kulyaet lio lo MATAT ŊUN.

Ejikele 20:36 Iomraidhean Croise

Yisaya 3:14

A MATAT ’duŋge putet lo temejik se ko kimak ti ŋutu kanyit adi, Gwon a ta kilo logon a nyesu melesen na binyo, go na ryakwe i lomerika gwon kasu i kadijik.

Yeremia 2:9

Nyenagon nan MATAT lo kulyaadi, Nan mo jojoŋ ta i putet daŋ nene ma ’di nyakwariat kasu nan mo jojoŋ i putet.

Yeremia 25:31

A woŋon nanyit mo woŋoro tojo i ’dutesi ti kak, kogwon MATAT gwon ko putet ko juron, a nye mo si ’dakine i ’duŋgo na putet lo ŋutu liŋ, a nye mo tiŋdi ŋutu lorok i tatua ko baŋdu. Kilo a kulyaesi kwe ti MATAT.

Ejikele 17:20

A nan mo gubakiŋdye birya nio kanyit loki, a boyi nio mo morgi lepeŋ, a nan mo joŋgi lepeŋ Babela yu i jambu na putet, kogwon toron nagon nye a konakin nan na.

Ejikele 20:13

A kölumbö kötumit na Yisaraele renyani nan i yöbu yu; a se gwe a ko wörö i saresi kwe lo wurö, a renyani jujuwesi kwe logon ko ŋuto a ’dep se kulo a rune ru; a se iŋge kör sabatajin kwe parik. A nan köti iŋge yeyeju ’bukökiŋdyö woran nio kase loki i yöbu yu anyen to ’duddyö se asut.

Ejikele 20:21

Ama a ŋwajik kase renyani nan; a se gwe a ko wörö i saresi kwe lo wurö, a se gwe a ko ’debba jujuwesi kwe logon ko ŋuto a ’debba se kulo a rune ru; lepeŋat a kör sabatajin kwe. A nan köti iŋge yeyeju ’bukökiŋdyö woran nio kase loki, a yeyeji ŋoma ko se asut i yöbu yu.

Ejikele 20:35

A nan mo joŋgi ta i yöbu na gweyajin ti ŋutu, a nan mo jambi putet ko ta nyu a lokomor.

Ejikele 34:17

Nan MATAT ŊUN lo kulya adi, Ko gwe gwoso ta köbilu kwe, mete ta, nan mo ’duŋgö putet i kiden na köbilu ko köbilu, ko na köbilu lopijoki ko na melon lopijoki.

Amosa 3:2

Ta ka ’de logon nan aje den i kiden na juron liŋ ti kak, nyenagon nan mo ririŋ ta kogwon kulya ti toronjin kasu lio.

Nyökit 32:10

Nye a ryö lepeŋat i jur logon a yöbu na sese, i ’dar kana na wuwuŋi ’e gwuruŋin; nye a pom lepeŋat, nye a tiju lepeŋat, nye a gaju lepeŋat gwoso koŋe lonyit metet.