Ejikele 20:21 - Bibilia Buk na Ŋun nagon koti luŋu a

²¹ Ama a ŋwajik kase renyani nan; a se gwe a ko wörö i saresi kwe lo wurö, a se gwe a ko ’debba jujuwesi kwe logon ko ŋuto a ’debba se kulo a rune ru; lepeŋat a kör sabatajin kwe. A nan köti iŋge yeyeju ’bukökiŋdyö woran nio kase loki, a yeyeji ŋoma ko se asut i yöbu yu.

Ejikele 20:21 Iomraidhean Croise

2 Dekat 34:21

Iti ta i pija na MATAT i kulya kwe se ko ti ŋutu logon a pituŋdyö i Yisaraele ko Yuda kulo, i kulya ti kulyaesi ti buk nagon aje rye ŋina. Woran na MATAT gwe a duma kayaŋ, a iŋge yukokin kayaŋ loki, kogwon merenyejin kaŋ köju a ko ’debba kulyaet lo MATAT anyen koŋdya gwoso i ŋo liŋ nagon a wuröki i ŋina buk kune.

2 Dekat 34:25

Kogwon se aje ko ’yu nan ko aje ’yurakiŋdya kulye ŋunyen bökur, anyen se towoŋa nan ko kitajin liŋ ti könisi kase, nyenagon woran nio mo yuyukokin i ŋina pirit, a mo tine peŋa.

Saumajin 78:10

A se gwe a ko ’deŋ tomoret na Ŋun, ama a se renyani kebbu saret lonyit.

Yeremia 32:23

a se lupöni kata a morgi nye a lose. Ama a se gwe a ko twöju gworo ilot, a tine wörö i saresi kulök; lepeŋat a ko koŋdya ma ’di nene na ŋo liŋ nagon do a sarakin lepeŋat i koŋdya kune. Nyenagon a do iŋge jakiŋdya yi kine ŋo liŋ narok.

Delyasi 4:11

MATAT aje woran a tömönik, nye aje koluŋdyo woran nanyit abur; a nye mokakiŋdye kimaŋ Siona a totumbe pipilesi kanyit.

Ejikele 13:15

Nan mo tutuŋokin woran nio i ŋina gorom ko i ŋutu lo we ’ya lepeŋ ko buya kulo; a nan mo takiŋdye ta adi, Gorom nagon a mariŋ se ko ŋutu lo we ’ya lepeŋ ko buya kulo gwe ’bayin.

Ejikele 20:11

A nan tiŋdi se saresi kwe lo wurö, a kwekiŋdye se jujuwesi kwe logon ko ŋuto a ’dep se kulo a rune ru.

Ejikele 20:13

A kölumbö kötumit na Yisaraele renyani nan i yöbu yu; a se gwe a ko wörö i saresi kwe lo wurö, a renyani jujuwesi kwe logon ko ŋuto a ’dep se kulo a rune ru; a se iŋge kör sabatajin kwe parik. A nan köti iŋge yeyeju ’bukökiŋdyö woran nio kase loki i yöbu yu anyen to ’duddyö se asut.

Ejikele 20:36

iŋkoi, a nan mo jambi putet ko ta gwoso na jambi nan ko merenyejin kasu i jur lo Ejipeto koju nu. Ŋilo a kulyaet lio lo MATAT ŊUN.

Ejikele 20:8

Kölumbö a se renyani nan, a tine ’bön yiŋga nan. A lepeŋat liŋ geleŋ geleŋ gwe a ko gumba ŋo kase na mamana kaŋo nagon tulyöŋgu konyen kase kune, a gwe a ko kölökiŋdyö nyömuejin logon a ŋunyen ti Ejipeto. A nan iŋge yeyeju ’bukökiŋdyo woran nio kase loki, a yeyeji ŋoma ko se asut i jur lo Ejipeto.

Ejikele 21:31

Nan mo ’bu ’bukökin woran nio kasu loki, a nan mo kutakiŋdye woran nio na pape kasu loki, a nan mo ŋutukiŋdye ta i könisi ti ŋutu kipajin logon a diniki tukaŋu.

Ejikele 22:8

ŋutu kulök a lanu po kwe nake na rurwan, a iŋge kör sabatajin kwe.

Ejikele 7:8

Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Daniele 11:36

A mor molu koŋdi gwoso nye ’de ’dekan; a bu ’ye mugun a toduma ’yi mugun lwölwöŋ ŋunyen liŋ, a mo jambi ŋo nagon lömörikin Ŋun lo totoŋun ŋunyen liŋ. A lepeŋ mo pupu-turu ŋerot tojo ko diŋit nagon woran na Ŋun aje temakiŋdya anyen kokona; kogwon ŋo nagon aje tetena kune molu kokona.

Kenet 21:5

A ŋutu jambi arabat i kulya ti Ŋun ko Mose adi, Nyö ta a joŋdya yi kaŋo i Ejipeto anyen ko twatwa i yöbu? Kogwon kinyo ko pioŋ ’bayin, a kamulak kaŋ tine ’dekan ŋilo kinyo logon ’bak ’bulit.

Matayo 19:17

a Yesu waddi pija lepeŋ adi, Nyo do pija nan i kulya ti ŋo na ’but? Lele geleŋ kata logon a lo ’but. Nyena ko do ’de ’dekan lupö i ru, ’depe ’dep saresi.

Konesi 13:18

a lepeŋ iŋge ŋoŋga kulya kase i yobu ko kiŋajin gwoso merya iŋwan.

Nyökit 31:27

Kogwon nan a den adi ta a ŋutu karerenyak ko logon ko murutö a nawo ’duŋak; meddi ta, temba i gwolor nio ko ta i lo lor, ta aje rerenya ko MATAT, a mo kirut gwe ada i mukök na twan nio?

Kweyatti 16:1

A kirut nan yiŋge gworo lobot lo kuun kaŋo i kadi na Ŋun lukata, takiŋdye malaikajin buryo adi, Iti ta, ’buköki ta woran na Ŋun nagwon i diköriöt buryo kine i na kak.