Ejikele 20:20 - Bibilia Buk na Ŋun nagon koti luŋu a

²⁰ ’debbi ta sabatajin kwe a loke anyen se böŋö gwon a kweyet i kiden nio ko ta, anyen ta böŋö deden adi nan MATAT a ŊUN losu.

Ejikele 20:20 Iomraidhean Croise

Yuörö 20:11

kogwon i perok buker MATAT a gweja ko ki ko kak, ko törön ti ’balaŋ, ko ŋo liŋ lo gwon kata yu kulo, a i lor toburyo a nye yuke yukan; nyenagon a MATAT ’boroji lor lo sabata a geluŋdye lepeŋ a loke.

Yuörö 20:8

Yeyene yeye i ’debba na lor lo sabata a loke.

Yisaya 56:2

Ŋutu a kalyöŋök logon ’depakiŋdya i kine kulya go, logon ’debba sabata, a tine toluddya lepeŋ, ko a göja könisi kase an ko koŋdya i nene toron. Iŋkoi, ŋutu gwoso kilo a kalyöŋök.

Yisaya 58:13

Ko ta a teŋgu ’börik i köŋu na sabata, a tine kinidya ’dekesi kasu i lor liŋ loke, a ta luŋgi sabata a lor lyöŋit a loke liŋ lo MATAT ko a lo bubula; a ko ta bubu ’ya ŋilu lor, a tine koŋdya kitajin kasu kode i galaddu na ’dekesi kasu, kode i jajamaju a wuya,

Yeremia 17:22

An ta ko yekuŋdya ta kunie ŋo kaŋo kasu i kadijik kode koŋdya nene kita i lor lo sabata, ama ’debbi ta lor lo sabata a loke. Nan a sarakiŋdya merenyejin kasu sona,

Yeremia 17:24

Ama nan MATAT lo kulya adi, Ko ta a yiŋ nan, a gwe a ko yekuŋdya kunie ŋo i kötumitön ti na köji i lor lo sabata, a ’debbi lor lo sabata a loke, a tine kita kata,

Yeremia 17:27

Ama ko ta ti ’bon yiŋga nan i ’debba na lor lo sabata a loke, a yeŋe yekuŋdya na kine ŋo i kotumiton ti mariŋ na Yerusalema i lor lo sabata, nyena a nan molu mokakiŋdye kimaŋ i kotumitoŋ ti mariŋ nanyit, a mo ’yuŋe kadijik ti Yerusalema ti tumatyan, a ŋina kimaŋ mo tine peŋa kwoŋ.

Ejikele 20:12

Nan köti a tikin se sabatajin kwe, anyen gwon a kweyet nio ko se, anyen se ködyö deden adi nan MATAT lo geluŋdya se a ŋutu kwe loke.

Ejikele 20:26

a nan iŋge tolut se i ’dokesi kase, anyen se ’yuŋa ŋwajik kase kayujin a rubaŋgajin, anyen nan ködyö tokujö-ŋdu se. Nan koŋdya sona anyen se ködyö deden adi nan logon a MATAT.

Ejikele 22:8

ŋutu kulök a lanu po kwe nake na rurwan, a iŋge kör sabatajin kwe.

Ejikele 44:24

A ko ŋutu gwon i rerenya ko ’börik, a lepeŋat ködyö kitani gwoso ka ’duŋök i lilija na putesi, a se ködyö ’duŋge putet gwoso i ’duŋesi kwe. A se ködyö ’debbi jujuwesi kwe se ko saresi kwe lo wurö i diŋitan kwe liŋ na wulwe, ko i tiju na sabatajin kwe a loke lo rurwan.