Ejikele 20:18 - Bibilia Buk na Ŋun nagon koti luŋu a

¹⁸ A nan iŋge takin ŋwajik kase i yöbu yu adi, An ta ko wörö ta i saresi lo wurö ti komunyi, kode ’debba jujuwesi kase, kode toluddya ’börik ko nyomuejin kase logon a ŋunyen kulo.

Ejikele 20:18 Iomraidhean Croise

Saumajin 106:39

Nyena a kilo ŋutu iŋge toluddya ’börik i ŋo na kon se kune, a se kondi ’börik gwoso kaluŋejin a gwe a ko twöju Ŋun.

Yeremia 11:10

Lepeŋat aje löpu­köddu bot i toronjin ti merenyejin kase logon a renya yiŋga kulyaesi kwe kulo. Lepeŋat a kepoddu kulye ŋunyen, a kitakiŋdye se; a kötumit na Yisaraele se ko na Yuda iŋge ’beleŋgu tomoret nio nagon nan se ko merenyejin kase köju a teten na.

Yeremia 2:7

Nan a joŋdya ta i jur logon a rit anyen ko nyesu ludweki kanyit seko ŋo kanyit na ’but. A nagon ta aje lupö kata nu, a ta iŋge kör kak nio, a koŋdi lomore nio a ŋo na mamana.

Yeremia 3:9

Kogwon lepeŋ lalaun toluŋ na, a lepeŋ iŋge tolut jur a biryeri mugun gwoso kalupe i twöju na ŋurupö se ko kaden.

Yeremia 32:23

a se lupöni kata a morgi nye a lose. Ama a se gwe a ko twöju gworo ilot, a tine wörö i saresi kulök; lepeŋat a ko koŋdya ma ’di nene na ŋo liŋ nagon do a sarakin lepeŋat i koŋdya kune. Nyenagon a do iŋge jakiŋdya yi kine ŋo liŋ narok.

Ejikele 18:14

A ko ŋilo katoronyanit a yupuŋdyö ŋuro logon memet toronjin liŋ nagon monye a kon kune, a kujönöni kujönö, a tine mirakiŋdya lepeŋ,

Ejikele 18:19

Ama kölumbö a ta pipije adi, Ko nyo nagon ŋuro ti poŋga kogwon toron na monye? A ko ŋuro a koŋdya po nagon a na ’but i saret ko a gwak, a iŋge tiju saresi kwe liŋ lo wuro, lepeŋ mo ’diri gwon jörun.

Ejikele 2:3

A lepeŋ kulyani ko nan adi, ŋuro lo ŋuto, nan ŋilo soŋdu do i ŋutu ti Yisaraele logon a kötumit na ŋutu karerenyak logon a renya nan. Lepeŋat se ko merenyejin kase a toroŋdya nan ma ’di tojo ko lo lor.

Ejikele 20:7

Nan a takin se adi, Ta liŋ geleŋ geleŋ, gubara ta ŋo kasu na mamana kaŋo nagon tulyöŋgu konyen kasu kine, an ta ko toluddya ta ’börik ko nyömuejin logon a ŋunyen ti Ejipeto. Nan logon a MATAT ŊUN losu.

Amosa 2:4

Nan MATAT lo kulya adi, Nan mo ti lopuk riŋet, kogwon Yuda a koŋdya aka toronjin jore; kogwon ŋutu kanyit aje renya saresi kwe ti MATAT, a se tine ’debba kukuesi kwe lo wuro, ama ŋunyen kase logon a ’buronök logon merenyejin kase koju a keporo kulu aje togiŋa se.

Kenet 14:31

A lupudiet kasu logon ta a kulyari adi mo ryaryaka kilo, nan mo tolupödöu se nyu, a se mo deŋdi lu jur logon ta a lu lu.

Konesi 7:51

Nyena ta ŋutu logon ko muruto a nawo ’duŋak, logon toilyet se ko swo kasu gwon gwoso ti ŋutu logon ti yubbö ŋun, ta ŋupi renya Mulökötyo Loke. Ta kelaji ko merenyejin kasu.

1 Petero 1:18

Kogwon ta deden adi ŋo na ’bu ’burön gwoso podo kode dakap a ko dakuŋdya ta i gwiliŋit lo ’bak ’bulit logon ta a mirun ko merenyejin kasu, ama ta a dakwe ko rima ti Kristo nagon ko ’bulit a duma parik.