Ejikele 20:17 - Bibilia Buk na Ŋun nagon koti luŋu a

¹⁷ Ma ’di sona konyen kwe a won se, a nan gwe a ko tukar se kode to ’duddyö se asut i yöbu kata.

Ejikele 20:17 Iomraidhean Croise

Nemaya 9:19

ama do ko ’busan inot duma a ko kölökin lepeŋat i yöbu; a bilili lo luru logon a nyömöddu se i kiko lo gwe a ko wusaddu kaŋo ko lepeŋat temba i tuparan, köti a bilili lo kimaŋ logon a pararakiŋdya lepeŋat kiko logon se titiri lo gwe a ko wusaddu kaŋo ko lepeŋat i tukwaje.

Yeremia 4:27

Nan MATAT lo kulya adi, Jur ’bukuluŋ mo gwon a murwo ama nan mo ti kor lepeŋ asut.

Yeremia 5:18

Ama ma ’di i kilu perok nan mo ti tukar ta asut, ŋilo a nan MATAT lo jambu.

Ejikele 11:13

A ko gwe sona nagon nan gwon i keju nu, a Peletia ŋuro lo Benaya twane twan adi dut. A kirut nan ’dorone kak rupu, a gwine gwien ko gworo lobot adi, Pon MATAT ŊUN, do ’diri tutuŋe tutuŋ pitönö ti ŋutu ti Yisaraele asut le?

Ejikele 20:22

Ama a nan goji könin lio, a nan iŋge kita kogwon kulya ti karin kwe, anyen ködyö gwon ti körö i metet na ŋutu ti jurön logon a met nan i joŋdya na se kaŋo kulu.

Ejikele 7:2

Do ŋuro lo ŋuto, nan MATAT ŊUN lo kulya ko jur lo Yisaraele adi, Ŋina gwe a ’dutet, ’dutet ŋina popo i swötön iŋwan ti jur.

Ejikele 8:18

Nyena nan mo kikitari woran nio i lepeŋat; a nan mo tine pitökin se, a mo tine won konyen ko se kwöŋ. Ma ’di nagon se a gwikin köyö parik a nan mo tine yiŋ se kwöŋ.

Ejikele 9:10

Ama nan mo ti won konyen ko se kode pitökiŋdyö lepeŋat; ama nan mo roropakin konesi kase kase i kusik.

1 Samuele 24:10

Meddi, do aje met i lo lor MATAT aje wukiŋdya do köyö i könin i kuggi lukata yu i lo tuparan; a kulye aje takiŋdya nan adi ti nan tatuje do, ama konyen kwe wowon do. Ama a nan kulyani adi, Nan ti bulö ’bulukiŋdyö könin liŋ ko duma liŋ ki; kogwon MATAT a welakin lepeŋ a mor.