Ejikele 20:13 - Bibilia Buk na Ŋun nagon koti luŋu a

¹³ A kölumbö kötumit na Yisaraele renyani nan i yöbu yu; a se gwe a ko wörö i saresi kwe lo wurö, a renyani jujuwesi kwe logon ko ŋuto a ’dep se kulo a rune ru; a se iŋge kör sabatajin kwe parik. A nan köti iŋge yeyeju ’bukökiŋdyö woran nio kase loki i yöbu yu anyen to ’duddyö se asut.

Ejikele 20:13 Iomraidhean Croise

2 Samuele 12:9

Ko nyo nagon do aje lauŋdya kulyaesi ti MATAT, i koŋdya na ŋo naron kanyit i komor? Do aje rembu Uriya ŋuto lo Kiti ko gor, a joŋgi narakwan nanyit anyen gwon a narakwan inot, a do aje tatuja lepeŋ ko gor na ŋutu ti Amon.

2 Dekat 30:7

An ta ko gwon ta gwoso merenyejin kasu kode luŋasirik kasu logon a ko twoju MATAT Ŋun lo merenyejin kase, a nye iŋge kon lepeŋat a sorit gwoso na meddi ta nu.

Nemaya 13:17

A kirut nan kekeŋdi ko woran ko ŋutu loku­kwön ti Yuda adi, Ŋina toron a nyo na kon ta i köŋu na lor lo sabata?

Yuörö 32:10

nyena soŋinana kölöki nan, anyen woran nio tulekin pape kase loki, anyen nan ködyo tototum lepeŋat a nan tetenakiŋdye do a jur duma lo Ŋutu.

Yuörö 32:8

se aje girara kaŋo ’de ’de i kiko logon nan a saŋi se lo; se aje tetenakiŋdya ’börik tagwok na ninitö, se aje kwakwaddu lepeŋ ko aje ’dupökiŋdyö lepeŋ rubaŋga kulya adi, Ta Ŋutu ti Yisaraele, makilo punyen kasu logon a joŋdya ta kaŋo i jur lo Ejipeto kulo!

Tolupesi 1:25

a ta iŋge lu jujuwesi kwe liŋ, a ta tine yiŋ kukuesi kwe asut,

Tolupesi 13:13

Ŋuto lo ’do ’doju kulyaet jakindya mugun twan, ama nye lo twötwö saresi lo mo roröpaki.

Yisaya 56:6

A köti Lwaka logon a moruŋdya ’börik köyö nii kitakiŋdya na nan, ko i nyaŋu na karin kwe ti MATAT, ko i gwon a kölipönök kwe, se liŋ geleŋ geleŋ logon ’debba sabata a tine toluddya lepeŋ, ko logon a ’depakiŋdya i tomoret nio go kulo—

Yisaya 63:10

Ama a se renyani renya a tode-lyaŋ Mulökötyo loke lonyit, nyenagon a nye löpukuŋdye a miriku lose, a nye lepeŋ iŋge mörö ko lepeŋat.

Yeremia 7:24

Ama a lepeŋat kölumbö tine ’bön tiŋdu swö kase i yiŋga, a wöröni gwoso nagon se ’de ’dekan ko tŋgolon na töilyet kase lorok, a gwe a ko möröddu ŋerot kölumbö a se kukutörö bot.

Ejikele 20:11

A nan tiŋdi se saresi kwe lo wurö, a kwekiŋdye se jujuwesi kwe logon ko ŋuto a ’dep se kulo a rune ru.

Ejikele 20:14

Ama a nan iŋge kita kogwon kulya ti karin kwe anyen ködyö gwon ti körö i metet na ŋutu ti jurön logon a met nan i joŋdya na se kaŋo kulu.

Ejikele 20:16

kogwon se a renya jujuwesi kwe a tine wörö i saresi kwe lo wurö, a koŋi sabatajin kwe, kogwon töilyet kase kepoddu nyomuejin kase logon a ŋunyen kulo.

Ejikele 20:21

Ama a ŋwajik kase renyani nan; a se gwe a ko wörö i saresi kwe lo wurö, a se gwe a ko ’debba jujuwesi kwe logon ko ŋuto a ’debba se kulo a rune ru; lepeŋat a kör sabatajin kwe. A nan köti iŋge yeyeju ’bukökiŋdyö woran nio kase loki, a yeyeji ŋoma ko se asut i yöbu yu.

Ejikele 20:24

kogwon lepeŋat a ko koŋdya ŋo na yökije nan se na, a kölumbö renyani saresi kwe lo wurö, a köŋi sabatajin kwe, a konyen kase ’depakiŋdye i nyömue-jin logon a ŋunyen ti merenyejin kase.

Ejikele 20:36

iŋkoi, a nan mo jambi putet ko ta gwoso na jambi nan ko merenyejin kasu i jur lo Ejipeto koju nu. Ŋilo a kulyaet lio lo MATAT ŊUN.

Ejikele 20:8

Kölumbö a se renyani nan, a tine ’bön yiŋga nan. A lepeŋat liŋ geleŋ geleŋ gwe a ko gumba ŋo kase na mamana kaŋo nagon tulyöŋgu konyen kase kune, a gwe a ko kölökiŋdyö nyömuejin logon a ŋunyen ti Ejipeto. A nan iŋge yeyeju ’bukökiŋdyo woran nio kase loki, a yeyeji ŋoma ko se asut i jur lo Ejipeto.

Ejikele 22:8

ŋutu kulök a lanu po kwe nake na rurwan, a iŋge kör sabatajin kwe.

Ejikele 23:38

A se köti iŋge konakin nan ŋina ŋo: kweja adi se aje köŋu pirit nio nake na rurwan i lor lo geleŋ lu a köŋi sabatajin kwe.

Lewi 18:5

Nyenagon a ta ködyö ’debbi saresi kwe lo wurö se ko kulya na ’duŋ nan kune. ŋuto logon a koŋdya se lo mo gwon jörun kogwon se: nan logon a MATAT.

Lewi 26:15

a ko ta rerenya saresi kwe lo wurö a töilyet kasu maŋdi kulya na ’duŋ nan kune, a ta gwe ti koŋdya saresi kwe liŋ ama a ta ’beleŋgi tomoret nio,

Lewi 26:43

Ama a se iŋge kö ’yu lu jur, a jur mo yuke yukan i sabatajin kanyit na gwoŋdi nye a ruba ’bak lepeŋat kata nu, kogwon se a renya kulya na ’duŋ nan kune a toilyet kase maŋdi saresi kwe lo wurö.

Amosa 2:4

Nan MATAT lo kulya adi, Nan mo ti lopuk riŋet, kogwon Yuda a koŋdya aka toronjin jore; kogwon ŋutu kanyit aje renya saresi kwe ti MATAT, a se tine ’debba kukuesi kwe lo wuro, ama ŋunyen kase logon a ’buronök logon merenyejin kase koju a keporo kulu aje togiŋa se.

Kenet 14:22

kulu ŋutu liŋ logon a met minyo liŋ, ko kweyesi kwe na kon nan Ejipeto ko i yöbu yu kunu, logon a temba nan daŋin puök a gwe a ko yiŋ gworo liŋ kilo,

Kenet 14:29

öpuö kasu mo ’do ’do i ŋina yöbu; a ŋutu liŋ suluja i se logon ko kiŋajin merya murek tojo ko ŋerot logon a rerenya ko nan kilo,

Kenet 16:45

ŋiörö ta kaŋo i kiden na ŋina momoret, anyen nan tutupöddu lepeŋat ’de ’de kijek. A se ’do ’done kak rupu.

Kenet 26:25

Kine a midijik ti Yisakar gwoso i kenet nase, kweja adi a ŋutu alipan merya buker wot iŋwan ko miajin musala.

Roma 10:5

Kogwon Mose a wuŋö adi ŋuto logon jujumbu gwon rigwo ko Ŋun i komor kogwon ’debba na saresi lo, ŋilo ŋuto mo gwon jörun kogwon kilo saresi.

Nyökit 31:27

Kogwon nan a den adi ta a ŋutu karerenyak ko logon ko murutö a nawo ’duŋak; meddi ta, temba i gwolor nio ko ta i lo lor, ta aje rerenya ko MATAT, a mo kirut gwe ada i mukök na twan nio?

Nyökit 9:7

Yiyiuŋdye ta, an ta ko böŋö nu diŋit na towopi ta MATAT Ŋun losu i yöbu nu; ta gwon a kare-nyak ti MATAT suluja i lu lor lo yuöddi ta kaŋo i jur lo Ejipeto lu, tojo ko ’dur nasu i na pirit.

Nyökit 9:8

Kegga ta aje towoŋa MATAT Orebe yu, a MATAT iŋge woran ko ta i tukaŋu na ta.

1 Tesalonike 4:8

Nyena ŋuto lo renya kilo saresi lo ti renya Ŋuto, ama lepeŋ renya Ŋun logon a tiŋdu ta Mulokötyo lonyit Loke lo.

1 Samuele 8:8

Lepeŋat köti konakiŋdya do gwoso i konesi liŋ nagon se a konakin nan kune, suluja i lor lo joŋdi nan se kaŋo Ejipeto yu lu ma ’di tojo ko lo lor, se aje paju nan a kitakiŋdye kulye ŋunyen.