Ejikele 20:12 - Bibilia Buk na Ŋun nagon koti luŋu a

¹² Nan köti a tikin se sabatajin kwe, anyen gwon a kweyet nio ko se, anyen se ködyö deden adi nan MATAT lo geluŋdya se a ŋutu kwe loke.

Ejikele 20:12 Iomraidhean Croise

Suluet 2:3

A Ŋun ’boroji lor toburyo a geluŋdye nye a loke, kogwon i pilu lor nye aje gwo ’dan i kitajin kanyit liŋ nagon nye Ŋun a gwe ko a kon kune.

Nemaya 9:14

a do tiŋdi lepeŋat i deŋdya na sabata ilot loke, a tiŋdi lepeŋat jujuwesi, ko saresi lo wurö, se ko saresi todinesi logon kölipönit ilot Mose a jam kulo.

Yuörö 16:29

Mete, MATAT a tiŋdu ta sabata, nyenagon temba i lor tobuker a nye tiŋdi ta ambata na tema-kiŋdya i perok murek; si ’dani ta liŋ geleŋ geleŋ kasu i piritön, ti lele ŋuto gwe ti tu kaŋo i pirit nanyit i lor toburyo.

Yuörö 35:2

Adi kita ködyo kökona ko perok buker, ama i lor toburyo lonyit ta ködyö gwon ko sabata loke logon a yukaet gwak lo MATAT; ko ŋa lo koŋdya nene kita i ŋilo lor a ti nye tatuani tatua.

Yisaya 56:2

Ŋutu a kalyöŋök logon ’depakiŋdya i kine kulya go, logon ’debba sabata, a tine toluddya lepeŋ, ko a göja könisi kase an ko koŋdya i nene toron. Iŋkoi, ŋutu gwoso kilo a kalyöŋök.

Yeremia 17:22

An ta ko yekuŋdya ta kunie ŋo kaŋo kasu i kadijik kode koŋdya nene kita i lor lo sabata, ama ’debbi ta lor lo sabata a loke. Nan a sarakiŋdya merenyejin kasu sona,

Ejikele 20:20

’debbi ta sabatajin kwe a loke anyen se böŋö gwon a kweyet i kiden nio ko ta, anyen ta böŋö deden adi nan MATAT a ŊUN losu.

Ejikele 20:26

a nan iŋge tolut se i ’dokesi kase, anyen se ’yuŋa ŋwajik kase kayujin a rubaŋgajin, anyen nan ködyö tokujö-ŋdu se. Nan koŋdya sona anyen se ködyö deden adi nan logon a MATAT.

Ejikele 37:28

A jurön mo dene den adi nan MATAT a tiŋdu ŋutu ti Yisaraele i gwon a ŋutu kwe loke lomore, kogwon pirit nio nake na rurwan gwon kase kiden ŋupi.

Ejikele 44:24

A ko ŋutu gwon i rerenya ko ’börik, a lepeŋat ködyö kitani gwoso ka ’duŋök i lilija na putesi, a se ködyö ’duŋge putet gwoso i ’duŋesi kwe. A se ködyö ’debbi jujuwesi kwe se ko saresi kwe lo wurö i diŋitan kwe liŋ na wulwe, ko i tiju na sabatajin kwe a loke lo rurwan.

Lewi 20:8

A ta ködyö ’debbi saresi kwe lo wurö a koŋdi lepeŋat; nan logon a MATAT logon a geluŋdya ta a loke.

Lewi 21:15

an nye ko toluddya ŋwajik kanyit i kiden na ŋutu kanyit; kogwon nan a MATAT logon a geluŋdya lepeŋ kaŋo a loke lo.

Lewi 21:23

ama nye ködyö ti po nyona ko boŋgo koret kode mijun nyona ko pirit ’yuret na rubaŋgajin, kogwon nye gwon ko yuyuket, an nye ko toluddya piritön kwe na rurwan; kogwon nan a MATAT logon a geluŋdya lepeŋat kaŋo a loke.

Lewi 21:8

A do ködyö geluŋdye lepeŋ kaŋo, kogwon nye lo wukiŋdya Ŋun losu kinyo; a nye ködyö gwe a loke kasu; kogwon nan MATAT logon a geluŋdya ta lo, nan a loke.

Lewi 23:24

Kulyani ko ŋutu ti Yisaraele adi, Lor geleŋ lo yapa toburyo ködyö gwon kasu a yukaet gwak; ta ködyö laŋa lepeŋ a toyeyeet kuddya toriot, anyen gwon a pepenet loke.

Lewi 23:3

Kita ködyö kona ko perok buker; ama lor toburyo a sabata yukaet gwak, a pepenet loke; a ta ködyö tine koŋdya nene kita; ŋilo a sabata lo MATAT kasu i midijik liŋ.

Lewi 23:32

A nye ködyö gwe kasu a sabata yukaet gwak, a ta ködyö tokoyoggi ’börik; i perok buŋwan ti yapa i sömukö, a ta ködyö ’debbi sabata losu suluja i sömukö tojo ko lele sömukö.

Lewi 23:39

Ama i perok puök wot mukanat ti yapa toburyo, nagon ta aje kwökwö-tuŋdyö ludweki ti kak nu, a ta ködyö ’debbi rorwe lo MATAT ko perok buryo; a lor lo kokwe ködyö gwe a yukaet gwak, a lor tobudök gwe a yukaet koti gwak.

Lewi 25:4

ama a kiŋa toburyo ködyö gwe a sabata yukaet gwak lo kak, iŋkoi a sabata lo MATAT; a ta ködyö tine weja meleseno kasu kode gŋgoŋdya kenia nagon ti radan ludweki i kaden kasu ti binyo.

Kolosai 2:16

Nyenagon ti lele ŋuto gwe ti yuyuggö ta i kulya ti kinyojin logon ta nyonyo, kode i kulya ti ŋo nagon ta mamat kune, kode i ’depa na lor lo rorwe, kode lo yapa wilo, kode lo sabata.

1 Tesalonike 5:23

Nyena ti Ŋun ko mugun nanyit logon taliŋ liŋ gwon ko lepeŋ lo, tiŋdi ta i gwon a loke liŋ. Ti nye gaji ta ’bura kasu i toilyet ko i kodudwolon ko i mugunya ’bak yuyuket i po na Matat likaŋ Yesu Kristo.

Yuda 1:1

Nan Yuda koliponit lo Yesu Kristo ko a luŋaser Yakobo, nan roman ko nutu logon a luŋu logon Ŋun Monye nyanyar kilo ko a gaju se ko Yesu Kristo i mugun.