Ejikele 20:1 - Bibilia Buk na Ŋun nagon koti luŋu a

¹ A i kiŋa toburyo i perok puök ti yapa tomukanat, a kulye temejik ti Yisaraele iŋge po köyö ni i piyuŋdya na MATAT, a si ’dakine köyö i komor.

Ejikele 20:1 Iomraidhean Croise

2 Moran 3:13

A Elisa pije mor lo Yisaraele adi, Kulya kwe a nyo konut? Iti ko nebijin ti munyi ko ti ŋuti yu. Ama a mor lo Yisaraele kulyani ko lepeŋ adi, ’Bayin sona, ŋilo a MATAT lo luŋgu kilo moran musala anyen wukiŋdya se i könisi ti ŋutu ti Moaba.

2 Moran 6:32

A Elisa gwe i si ’da kanyit kadi se ko ŋutu temejik. A mor aje soŋdu ŋuto kanyit ŋerot; ama i ŋerot nagon luyökie a ko nyuŋ ’dur nu, a Elisa kulyani ko ŋutu temejik kulo adi, Ta a met ŋilo katatuanit a sunyuŋdyo ŋuto i Joŋga na kwe nio? Mete ta, ko luyökie a ŋo, kiŋdi ta kotumit, a ta morgi kotumit go anyen teŋgu lepeŋ i lupe lukata. Iŋkoi woŋon na mokosi ti duma lonyit kipuŋdyo lepeŋ.

Yisaya 29:13

A MATAT kulyani adi, Kilo ŋutu a mijun köyö nyona ko kutusen kase kana, a bu ’ye nan ko ŋedep kwe kana, ama töilyet kase gwon pajo köyö, a kujönö nase na nan gwe a saret lo ŋutu lo todiniki se kana;

Yisaya 58:2

Ma ’dikodyöse ga ’yu nan temba i lor, a se lyögi lyöŋön i deŋdya na kikolin kwe, gwoso nagon se a jur logon koŋdya torigwo, ko logon a ko kö ’yu saresi kwe ti Ŋun lose; a se piyuŋdye saresi lo rigwo köyö, a lepeŋat nyare nyar mijun köyö nyona nan Ŋun.

Yeremia 21:2

piki yi MATAT, kogwon Nebukadaresar mor lo Babela momoro koyi; kode MATAT ŋona mo kokonakin yi go sorosi anyen garakiŋdya yi gwoso i konesi kanyit liŋ sorosi, a mo tiŋdi lepeŋ i mijoro kaŋo kayaŋ.

Yeremia 37:17

A mor Sedekia sonyoddi ŋuto i joŋdya na Yeremia, a mor pije lepeŋ a lwön kanyit kadi adi, Lele kulyaet ŋona kata lo po ko MATAT yu le? A Yeremia waddi adi, Kata koi. A nye takiŋdye lepeŋ adi, Do mo wuwuki i könisi ti mor lo Babela.

Ejikele 1:2

(A ŋilu köju gwe a kiŋa tomukanat na gwoŋdi mor Yeyoyakin i to ’dupien nu,) a i perok mukanat ti yapa i ŋilu kiŋa

Ejikele 20:2

A kulyaet lo MATAT poki köyö adi,

Ejikele 24:1

A kulyaet lo MATAT köti poki köyö i kiŋa tobuŋwan, i perok puök ti yapa topuök, adi,

Ejikele 26:1

A ko gwe sona i kiŋa topuök wot geleŋ i lor geleŋ lo yaŋa, a kulyaet lo MATAT poki köyö adi,

Ejikele 29:1

A i perok puök wot murek ti yapa topuök, i kiŋa topuök, a kulyaet lo MATAT poki köyö adi,

Ejikele 29:17

A gwe sona i lor geleŋ lo yaŋa togeleŋ, i kiŋa tomerya murek wot buryo, a kulyaet lo MATAT poki köyö adi,

Ejikele 30:20

A i perok buryo ti yapa togeleŋ, i kiŋa topuök wot geleŋ, a kulyaet lo MATAT poki köyö adi,

Ejikele 31:1

A i lor geleŋ lo yapa tomusala, i kiŋa topuök wot geleŋ, a kulyaet lo MATAT poki köyö adi,

Ejikele 32:1

A i lor geleŋ lo yapa topuök wot murek, i kiŋa topuök wot murek, a kulyaet lo MATAT poki köyö adi,

Ejikele 40:1

A i mukök na kiŋajin puök wot iŋwan gwak nagon köji aje körö, a yi iŋge si ’da i to ’dupien ko kiŋajin merya murek wot mukanat nu, a riŋit na MATAT poki köyö i mugun i suluet na kiŋa i perok puök ti yapa.

Ejikele 8:1

A ko gwe sona i kiŋa tobuker, i perok mukanat ti yapa tobuker, na si ’dari nan köyö midi se ko temejik ti Yuda i pirit na geleŋ nu, a riŋit na MATAT ŊUN poki köyö i mugun.

Ejikele 8:11

A ŋutu temejik merya buryo ti kötumit na Yisaraele gwo ’de i komor na kine ŋo, a Yajania ŋuro lo Sapana gwo ’de kase kiden. Ŋutu liŋ geleŋ geleŋ ’debba ta ’doka kase i könisi, a köpuröt lo bökur lo mon paleleŋ gwululuöddi ki i kine ta ’doka.

Matayo 22:16

A se soŋdi ŋutu kase kajujumuk ko lepeŋ. yu i pirit na geleŋ ko ŋutu lo juŋdyö Erode kulo, a kulyani adi, Katodinönit, yi a den adi do a ŋuto lo to ’diri, a todiŋdye kiko lo Ŋun ko to ’diri, a tine kujönö lele ŋuto, kogwon do ti yeyeju todumalan na ŋutu.

Luka 10:39

a nye gwe ko kiaser na luŋu a Maria, nagon a si ’da ko Yesu i mokosi i yiŋga na kulyaesi logon lepeŋ jajam kulo.

Luka 2:46

A gwe sona, i mukök na perok musala a se ryeji lepeŋ i kadi na ŋun, si ’da i kiden na bodwat lo todiŋdyö saresi, i yiŋga na se ko i pipija na lepeŋat.

Luka 8:35

A nutu inge po i meddya na no nagon aje pokin kine, a se poŋdi ko Yesu ni, a se ryeji nuto logon muloko lorok aje po kano ko lepeŋ i mugun lo, si ’da ko Yesu i mokosi, a töjupu a yeyeesi kanyit gwe a na ’but; a se inge kujönö.

Konesi 22:3

Lepeŋ lo todinikiŋdyö nan saresi ti merenyejin kaŋ go, a nan gwe ko pusök i kitakiŋdya na Ŋun gwoso na gwoŋdi ta liŋ i lo lor na.