Ejikele 2:9 - Bibilia Buk na Ŋun nagon koti luŋu a

⁹ A na meddi nan nu, a nan meddi könin lo riyene kaŋo köyö ni ’debba buk na ŋudula.

Ejikele 2:9 Iomraidhean Croise

Yeremia 1:9

A kirut MATAT riuŋdye könin lonyit a taŋdi kutuk nio, a kulyani ko nan adi, Mete, nan aje tiŋdu kulyaesi kwe konut i kutuk.

Yeremia 36:2

’Dumuŋdye waraga na pudula, ko wuröki i lukata nanyit kulyaesi liŋ logon nan aje jamakin do i kulya ti Yerusalema ko Yuda, se ko jurön liŋ, suluja i lor lo jambi nan ko do lu i perok ti Yosia tojo ko lo lor.

Yeremia 36:4

A kirut Yeremia luŋgi Baruk ŋuro lo Neria, a kenakiŋdye lepeŋ kulyaesi liŋ logon MATAT a jamakin nye Yeremia kulo, a Baruk wurökiŋdye se i waraga na pudula.

Ejikele 3:1

A lepeŋ takiŋdye nan adi, ŋuro lo ŋuto, nyesi ŋo nagon a wuki do na; nyesi na buk na ŋudula, ko iti. jambi ko kötumit na Yisaraele.

Ejikele 8:3

A lepeŋ riuŋdye lele ŋo gwoso könin a morgi nan i kupir ti kwe, a mulokötyo lo po ko Ŋun ’dokoddi nan i wöli na ki ko kak, a nan meddi kulya ti ŊUN köyö i töili meta gwoso nye a joŋ nan Yerusalema. A lepeŋ togwi ’dikiŋdye nan kak i lupet na kötumit na lupörikin i ’baŋ lo lukata lo kadi na ŊUN, lo diraddu i swot lo lobot, i pirit na gwo ’di ’e nyömue yinet logon totowoŋa lo.

Daniele 10:10

Mete, a könin lonyit ’bo ’yi nan a ’bilikiŋdye nan ki rugwupo ko könisi kwe taŋdu kak, a mugun nio böŋdi böŋdu.

Daniele 5:5

’De ’de kijek a morin ti könin lo ŋuto iŋge meta i wuŋö na gorom na kadi na mor nagon a wela, komorga gwo ’diet lo lombo; a mor iŋge met ŋilu könin i wuŋö.

Jakaria 5:1

A nan koti ’bi ’yi konyen kwe ki, a nan meddi buk na ŋudula ’da ’daaddu!

Jakaria 5:3

A nye kulyani ko nan adi, ŋina a lomit nagon lorga lo jur ’buku-luŋ; kogwon ŋutu liŋ logon a koko ’ya kulo mo ’duŋoji kaŋo gwoso i wuresi ti swot geleŋ lo ŋina waraga, a ŋutu liŋ logon a milyeju a wuya kana mo ’du-ŋojine kaŋo gwoso i wuresi ti lele swot lo ŋina waraga.

Ebere 10:7

A nan kirut kulyani adi, Nan malo pon Ŋun, nan aje po i koŋdya na ŋo nagon do ’de ’deggi kune, gwoso na wurörikin kulya kwe i nene na bukön kunök nu.