Ejikele 2:8 - Bibilia Buk na Ŋun nagon koti luŋu a

⁸ Ama do ŋuro lo ŋuto, yiŋge kulya nagon nan jamakin do kine; an do ko gwon a karerenyanit gwoso ŋinu kötumit na karerenyak; ŋaji kutuk inot, nyesi po nagon nan titikin do na.

Ejikele 2:8 Iomraidhean Croise

Saumajin 105:28

A nye sondi mudwe i tomuseju na kak; a se renyani kulyaesi kanyit.

Yisaya 50:5

MATAT Ŋun aje ŋaju swö kwe, a nan tine renya, nan tine wöriŋöddu bot.

Yisaya 8:11

Kogwon MATAT a kulya ko nan sona, na morgi nye nan ko könin lonyit iŋgo nu, a nye jujuje nan adi an nan ko wörö i kiko lo kilo ŋutu, adi,

Yeremia 13:2

Nyena a nan gwöruŋdye boŋgo gwoso nagon MATAT a kulyari na, a nan dukukiŋdye lepeŋ koyo i mukok.

Yeremia 15:16

Nan a ryö kulyaesi kulök a naniŋge nyö se, a kulyaesi kulök worani köyö a nyola a tulyöŋgi töili lio, kogwon nan luŋu ko karin kunök pon MATAT ŋun lo kurumi.

Ejikele 12:2

Ŋuro lo ŋuto, do si ’da i kiden na kötumit na ŋutu karerenyak. Lepeŋat gwon ko konyen ama se ti ’bön meddya, lepeŋat gwon ko swö ama se ti ’bön yiŋga,

Ejikele 12:7

A nan iŋge koŋdya gwoso na saraki ’e nan na. A nan yekuŋdye tito kwe kaŋo i diŋit na tuparan a tora gwoso tito ti ŋuto logon wökön i lele jur. A i diŋit na koriri i ’doro na kolor a nan tu ’ye gorom ko könin lio. A i sömukö a nan iti kaŋo ’doggu tito kwe köyö i kwe a lepeŋat memeddya.

Ejikele 3:10

A lepeŋ takiŋdye nan adi, ŋuro lo ŋuto, yiŋe yiŋ kulya liŋ nagon nan jamakin do kine ko tiki se konut i töili.

Ejikele 33:7

Nyena do ŋuro lo ŋuto, nan aje kon do a katiyunit lo kötumit na Yisaraele. Ko do yiyiŋ kulya na jam nan kine, a kirut ti do taki lepeŋat adi, MATAT lo kulya adi, Kunyar ta!

Ejikele 40:4

A ŋilo ŋuto kulyani ko nan adi, Ŋuro lo ŋuto, mete met ’bura ko yiŋe yiŋ ’bura, ko togwi ’dikiŋdye töili ilot i ŋo liŋ nagon nan de kwekwekin do kune, kogwon do a jwe ni anyen nan böŋö kwekiŋdya do se. Nyönyököki kötumit na Yisaraele ŋo liŋ nagon do de memet kune.

Lewi 10:3

A kirut Mose kulyani ko Arona adi, ŋina a ŋo nagon MATAT aje kulyari adi, Nan ködyö gelwe a loke lo rurwan i se logon a ŋun köyö nyona kulo, a nan ködyo bulani bula i komor na ŋutu liŋ. A Arona yiŋani taliŋ.

Yona 1:3

Ama a Yona ŋine ki yopo wökön Tarasisa i lwöggu na mugun kogwon kulya ti MATAT. A nye lulurara kak tojo Yaŋo, a nye ryeji ki ’bo logon tu Tarasisa; a nye robbi ki ’bo, a kije lukata, a moraddi ko ŋutu lo gwon i ki ’bo kulo anyen tu tojo Tarasisa, i lwöggu na mugun kogwon kulya ti MATAT.

Kenet 20:24

Arona mo nukaki ko merenyejin kanyit i merete, a nye mo tine lupö i lu jur logon nan a tin ŋutu ti Yisaraele lu, kogwon ta a renya saret liŋ i pioŋ ti Meriba.

1 Petero 5:3

Ko tutumatyan ta ko ŋutu logon a wulöki ta anyen ta titi kilo, ama gwe ta a miresi ti teŋ na yidin.

Kweyatti 10:9

Nyena a nan iti ko pilu malaikatat yu, a pipije lepeŋ anyen tiŋdu nan ŋinu waraga na ’dit na pudula nu. A lepeŋ takiŋdye nan adi, Joŋgi, ko nyöni nyö lepeŋ. Lepeŋ de gwon pötwör konut i pele, ama nye de gwon paleleŋ gwoso siwatat konut i kutuk.