Ejikele 2:7 - Bibilia Buk na Ŋun nagon koti luŋu a

⁷ A do ködyö takiŋdye lepeŋat kulyaesi kwe kode se yiyiŋ kode se ti ’bön yiŋga, kogwon se a kötumit na karerenyak.

Ejikele 2:7 Iomraidhean Croise

Yuörö 6:29

a MATAT kulyani ko Mose adi, Nan logon a MATAT; nyönyököki Paro mor lo Ejipeto ŋo liŋ na sarakin nan do kine.

Yeremia 1:17

Ama do Yeremia, ŋine ki, kukunaki mugun ajo, jamaki lepeŋat ŋo liŋ nagon nan a sarakin do kine. An do ko kölökin lepeŋat i tokujöŋdu na do, an nan tokujön do kase i komor.

Yeremia 1:7

Ama a MATAT kulyani ko nan adi, An do ko luŋgu mugun a ŋuro lo ’dit; iti i ŋutu liŋ logon nan a soŋdi do kulu, a do jambi ŋo nagon nan a yökijö do i jambu kune.

Yeremia 17:20

Kulyani adi, Ta moran ti Yuda, ko ta ŋutu liŋ ti Yuda, se ko ta ŋutu liŋ lo si ’da Yerusalema loron lupöri kine kötumitön kilo, yiŋge ta kulyaet lo MATAT.

Yeremia 23:28

A ko nebi logon kata ko rudweet, ti nye tukokindye rudweet nanyit; ama ti ŋuto logon gwon ko kulyaet lio a ti nye jambi kulyaet lio ko to ’diri. Nan MATAT lo pija adi, Pudi ŋona a nyo i ’bolot?

Yeremia 26:2

Nan MATAT lo kulya adi, Gwo ’de i ’baŋ lo kadi nio na MATAT, ko jamaki ŋutu ti köjinö liŋ ti Yuda logon po i kwakwaddu i kadi nio na MATAT kulo, taki lepeŋat kulyaesi liŋ logon nan a sarakin do i jamakiŋdya na lepeŋat kulo; an do ko ’de ’ya lele kulyaet.

Yeremia 34:6

A kirut nebi Yeremia jamakiŋdye Sedekia mor lo Yuda kilo kulyaesi liŋ Yerusalema yu,

Yeremia 36:14

A kirut temejik liŋ soŋdi Yeudi ŋuro lo Netania ŋuro lo Selemia ŋuro lo Kusi i takiŋdya na Baruk adi, ’Dumuŋdye waraga na pudula nagon do aje kenakin ŋutu na, ko poŋdi. Nyena a Baruk ŋuro lo Neria ’dumuŋdye waraga na pudula na a poŋdi ko lepeŋat ni.

Yeremia 42:21

Nyena nan aje nyönyökökin ta ŋo liŋ i lo lor, ama a ta gwe a ko twöju gworo lo MATAT Ŋun losu i ŋo nagon lepeŋ a sunyun nan i jamakiŋdya na ta kune.

Yeremia 44:20

A Yeremia ko yiŋge kulyaesi ti kilo ŋutu lyan ko wate se ko kulye kulo ŋutu liŋ nu, a nye waddi pija adi,

Yeremia 6:28

Lepeŋat liŋ a karerenyak lorok, wöröji abur jamaddu ’burönö; lepeŋat a mölwö ko a witiöt, lepeŋat liŋ koŋdya kulya naŋon.

Yeremia 7:27

Nyena do mo nyönyökökiŋdyö lepe­ŋat kulo kulyaesi liŋ, ama lepeŋat mo ti yiŋ do. Do mo luluŋ lepeŋat, ama a se mo tine ruk do.

Ejikele 11:25

A nan nyönyö-kökiŋdye ŋutu lo gwon i to ’dupien kulo ŋo liŋ nagon MATAT a kwekin nan kune.

Ejikele 12:2

Ŋuro lo ŋuto, do si ’da i kiden na kötumit na ŋutu karerenyak. Lepeŋat gwon ko konyen ama se ti ’bön meddya, lepeŋat gwon ko swö ama se ti ’bön yiŋga,

Ejikele 2:5

A na jambi do sona nu, a lepeŋat mo kuruŋdye adi nebi kata kase kiden, ma ’di ko se nyanyar yiŋga kode se ti ’bön yiŋga (kogwon se a kötumit na karerenyak).

Ejikele 20:27

Nyenagon ŋuro lo ŋuto, jambi ko kötumit na Yisaraele ko taki lepeŋat adi, MATAT ŊUN lo kulo adi, I ŋina ŋo merenyejin kasu köti a lauŋdya nan, lepeŋat a kö ’yu twöju nan.

Ejikele 3:10

A lepeŋ takiŋdye nan adi, ŋuro lo ŋuto, yiŋe yiŋ kulya liŋ nagon nan jamakin do kine ko tiki se konut i töili.

Ejikele 3:17

Ŋuro lo ŋuto, nan aje kon do a katiyunit lo kötumit na Yisaraele; nyenagon ko do yiyiŋ kulya na jam nan kine, a ti do taki lepeŋat adi, MATAT lo kulya adi, Kunyar ta!

Ejikele 3:4

A nye takiŋdye nan adi, ŋuro lo ŋuto, iti, jamaki ŋutu ti Yisaraele kulyaesi kwe.

Ejikele 33:7

Nyena do ŋuro lo ŋuto, nan aje kon do a katiyunit lo kötumit na Yisaraele. Ko do yiyiŋ kulya na jam nan kine, a kirut ti do taki lepeŋat adi, MATAT lo kulya adi, Kunyar ta!

Ejikele 40:4

A ŋilo ŋuto kulyani ko nan adi, Ŋuro lo ŋuto, mete met ’bura ko yiŋe yiŋ ’bura, ko togwi ’dikiŋdye töili ilot i ŋo liŋ nagon nan de kwekwekin do kune, kogwon do a jwe ni anyen nan böŋö kwekiŋdya do se. Nyönyököki kötumit na Yisaraele ŋo liŋ nagon do de memet kune.

Amosa 3:13

MATAT ŋun logon a ŋun lo kurumi lo kulya adi, Tiŋdi ta swö kasu i yiŋga ko tokuruki ta kine kulya narok i kötumit na Yakobo,

Yona 3:2

ŋine ki, iti i köji duma nagon a Ninewe, ko tuköki ŋutu kanyit lore logon nan a takin do lo.

Matayo 28:20

todiniki ta se i debba na ŋo liŋ nagon nan aje sarakin ta kine; mete ta, nan gwon ko ta perok liŋ tojo ko ’dutet na kak.