Ejikele 2:6 - Bibilia Buk na Ŋun nagon koti luŋu a

⁶ Ama do ŋuro lo ŋuto, an do ko kujönö lepeŋat, an do kujönö jamiat kase, ma ’di ködyö joju do gwoso kikwa ko kalelerök, kode koja do gwoso kitoni ko do a si ’daki kase loki; an do ko kujönö jamiat kase kode delya komorsikan kase najögitök, kogwon se a kötumit na karerenyak.

Ejikele 2:6 Iomraidhean Croise

2 Moran 1:15

A malaikatat lo MATAT kulyani ko Eliya adi, Dudula-ra kak se ko lepeŋ; an do ko kujönö lepeŋ. A Eliya kirut ŋine ŋien a dudulara kak se ko lepeŋ tojo ko mor yu,

Yisaya 51:12

Nan ko mugun nio a nye lo suŋga ta; ko nyo nagon ta kujönö ŋutu kana logon mo twatwa le, logon a gweya gwoso döru,

Yisaya 51:7

Ta ŋutu logon deden löti lo rigwo, ta ŋutu logon saret liŋ gwon kasu i töilyet kulo, yiŋge ta nan; ko kujönö ta ’dö ’döju na ŋutu, köti ko delya ta laesi kase.

Yisaya 9:18

Kogwon kulya narok tutule gwoso kimaŋ, a tutuŋge kikwa se ko kalelero; a ’yuŋe rudu logon a ’dija, a nye puriörö ki gwogwo a köpuröt.

Yeremia 1:17

Ama do Yeremia, ŋine ki, kukunaki mugun ajo, jamaki lepeŋat ŋo liŋ nagon nan a sarakin do kine. An do ko kölökin lepeŋat i tokujöŋdu na do, an nan tokujön do kase i komor.

Yeremia 1:8

An do ko kujönö lepeŋat kwöŋ, kogwon nan gwon ko do i lwöggu na do. Kilo a kulyaesi kwe ti MATAT.

Yeremia 18:18

A kirut lepeŋat kulyani adi, Po ta, ti yi mwönyi ta ko Yeremia, kogwon koanejin ŋupi kata loron tokurukiŋdyö yi saresi, ŋutu lokoŋ ŋupi kata i jujuja na yi, köti nebijin ŋupi kata i tuggö na kulyaet lo MATAT. Po ta, ti yi momorone ta lepeŋ, ko ti yi gwe ti yiŋga kulyaesi kanyit asut.

Yeremia 6:28

Lepeŋat liŋ a karerenyak lorok, wöröji abur jamaddu ’burönö; lepeŋat a mölwö ko a witiöt, lepeŋat liŋ koŋdya kulya naŋon.

Ejikele 24:3

Tamakiŋdye kötumit na karerenyak lilim adi, Nan MATAT ŊUN lo kulya adi, ’Dukukiŋdye sape logon a mölwö i kimaŋ, köti ’buköki pioŋ i lukata nanyit;

Ejikele 28:24

A kikwa mo gwe ’bayin i söju na kötumit na Yisaraele, kode kalelerök i söggu na se, kweja adi kilo a maratejin kase lo ’dö ’döju se. A kirut lepeŋat mo dene den adi nan logon a MATAT ŊUN.

Mika 3:8

Ama ko gwe gwoso nan, nan a jore ko riŋit, nan a jore ko Mulökötyo lo MATAT, nan a jore ko ’duŋgo gwogwo ko topurwan anyen tukökiŋdyö Yakobo logon a Yisaraele lyaŋesi se ko toronjin kanyit.

Mika 7:4

Ma ’di ŋuto logon a lo ’but kase kiden lo gwon gwoso kikwa, a ŋuto lo yiyiniki kase kiden lo gwe gwoso mariŋ nagon a kikwa. Lor aje po logon katiyuk kasu nebijin aje tuk kulya kanyit lo ŋilo a lor lo riparikin ta, a kilo ŋutu mo dyadyaŋgi dyadyaŋgu.

Matayo 10:28

Köti ko kujönö ta ŋutu logon tatuja kune mugunya ama ti bulö tatuja kodudwölön; kolumbö kujönöni ta ŋun logon bubulö tukaŋu ko ködudwö ko mugun i Geena.

Luka 10:19

Mete ta, nan aje tikin ta kido anyen ryoggi munuö ko kitoni, ko anyen te ’ya riŋit ’bukuluŋ na miriku, a nene ŋo gwe ’bayin na böŋöddu ta.

Luka 11:12

Kode ko nye a piyuŋdya katulukuti a nye mo tiŋdi lepeŋ kito le?

Luka 12:4

Ta logon a julin kwe, nan takiŋdya ta adi, An ta ko ktijönö ta ŋutu logon tatuja kune mugunya, ama i mukök a tine bulö koŋdya nene ŋo köti.

Konesi 4:13

Nyena a se ko meddi topurwan nase Petero ko Yoane, ko a den adi lepeŋat a ŋutu logon a ko todinö ko ti den kulya nu, a se iŋge söŋu; a kirut se iŋge kurun adi lepeŋat köju gwon ko Yesu i pirit na geleŋ.

Konesi 4:19

A Petero se ko Yoane kölumbö waddi lepeŋat adi, Ta ko mugunya kasu lilije ta ko po a nyo nagon a na ’but ko Ŋun i metet: adi i yiŋga na ta kode i yiŋga na Ŋun?

Konesi 4:29

Nyenagon pon Matat, mete met tokujöŋdu nase na yi, ko tiki yi köliŋönök kulök i jambu na kulyaet ilot ko topurwan a duma.

Epeso 6:19

Koti momo ’yi ta i kulya kwe, anyen Ŋun böŋö tiŋdu nan i jambu na kulyaesi lotolokok, anyen nan gwon ko topurwan i tiŋdu na Iwono ti Loŋe Lo ’but i dena.

Pilipoi 1:28

a merok kasu tine tokujoŋdu ta i nene ŋo. A ŋina kwekiŋdye lepeŋat adi se mo tutukara, a ta mo lwököni lwökö ŋina lwökit Ŋun lo tiŋdu.

2 Timoteo 1:7

Kogwon Ŋun a ko tiŋdu yi toilyet kujönöesi, ama kölumbö lepeŋ tiŋdu yi toilyet logon ko riŋit, ko a ti nyaŋu, ko a ti teŋgu na mugun.

Ebere 11:27

Ko ŋina yupet, a Mose kö ’yi Ejipeto, a tine kujönö woran na mor; a lepeŋ iŋge ŋoŋaddu tojo ko ’dutet gwoso ŋuto logon a meddya Ŋun logon ti bulö meta lo.

1 Petero 3:14

Ama ko ta ködyö noŋga kogwon ta koŋdya kulya na ’but, a ta ködyö gwe a kalyöpök. Ko kujönö ta se, an ta ko delya ta,

Kweyatti 9:10

A lepeŋat gwe ko kotesi gwoso ti kitoni, a köji ko kotesi kase, a se gwe ko riŋit kase i kotesi nagon tomije ŋutu i yapala mukanat.