Ejikele 2:4 - Bibilia Buk na Ŋun nagon koti luŋu a

⁴ Kilo ŋutu kusik kase a nago ko töilyet kase a iŋgo. Nan ŋilo soŋdu do ko lepeŋat yu, a do takiŋdye lepeŋat adi, Kulo a kulyaesi ti MATAT ŊUN.

Ejikele 2:4 Iomraidhean Croise

1 Moran 22:14

A Mikaya kulyani adi, ’Diri gwak gwoso na gwoŋdi MATAT na, nan de jambu kulya nagon MATAT a tukokin nan kune.

2 Dekat 30:8

Soŋi­nana an ta ko gwon ta ko muruto nawo ’duŋak gwoso ti merenyejin kasu, ama pakiŋdye ta ’borik ko MATAT, ko poŋdi ta kanyit i pirit nake na rurwan, nagon nye aje toke ’ya ŋupi na, ko kitakiŋdye ta MATAT Ŋun losu, anyen lepeŋ böŋö lopukoddu woran nanyit na pape kaŋo kasu.

2 Dekat 36:13

A lepeŋ köti renyani mor Nebukadanesar logon a tiŋdu lepeŋ i milyeju i karin ti Ŋun; a nye kolumbo wo ’duŋge murut, a togo ’yi töili lonyit, adi nye ti ’bon lopukwe ko MATAT Ŋun lo Yisaraele ni asut.

Saumajin 95:8

An ta ko togo ’yu ta töilyet kasu gwoso i Meriba yu, ko gwoso i lu lor Masa yu i yöbu na sese,

Tolupesi 21:29

Ŋuto loron gwon ko kwe a nago, ama ŋuto lo rigwo titi kikolin kanyit.

Yisaya 48:4

Kogwon nan a den adi do titiŋga, a murilö ti murut inot gwe gwosowitiöt a komor inot gwe a pago gwoso mölwö,

Yeremia 1:7

Ama a MATAT kulyani ko nan adi, An do ko luŋgu mugun a ŋuro lo ’dit; iti i ŋutu liŋ logon nan a soŋdi do kulu, a do jambi ŋo nagon nan a yökijö do i jambu kune.

Yeremia 3:3

Nyenagon a lilima iŋge togwo ’da, a kudu lo kiser gwe a ko ’don; ama do gwon ko komor na kalupe a do lauŋdye yu na kwe.

Yeremia 36:21

A mor soŋdi Yeudi i dogga na waraga na pudula na, a nye ’dumuŋdye lepeŋ ko Elisama kawurönit kadi, a Yeudi kenakiŋdye mor se ko temejik liŋ logon gwo ’dan ko mor nyona kulo.

Yeremia 5:3

Pon MATAT, do a kametanit lo kulya ’diri, ’bayin sona le? Do aje gwuddyo lepeŋat, ama lepeŋat ti ’bon tiriku; do a tutup lepeŋat, ama se lalaun tojumisi kunok. A lepeŋat koŋdi komorsikan kase a nago lwoŋgu ŋurupit, a renyani lopuggo toilyet.

Yeremia 6:15

Lepeŋat ŋona ti yu kusik i koŋdya na ŋo na mamana nu le? Kusik kase a nago, lepeŋat ti yu kusik kwöŋ. Nyena lepeŋat mo ’do ’do kak i kiden na ŋutu lo twatwa kulo, lepeŋat guba kak i diŋit nagon nan mo pöri i riŋga na se nu. Ŋilo a nan MATAT lo kulya.

Yeremia 8:12

Lepeŋat ŋona ti yu kusik i koŋdya na ŋo na mamana nu le? Kusik kase a nago, lepeŋat ti yu kusik kwöŋ. Nyena lepeŋat mo ’do ’do kak i kiden na ŋutu lo twatwa kulo, lepeŋat guba kak i diŋit nagon nan mo pöri i riŋga na se nu. Ŋilo a nan MATAT lo kulya.

Ejikele 3:11

Iti ko ŋutu kasu lo gwon i to ’dupien yu kulu, ko jambi ko lepeŋat kulo ma ’di ko se ŋona yiyiŋ kode se ti ’bön yiŋga. Taki lepeŋat adi, Kulo a kulyaesi ti MATAT Ŋun.

Ejikele 3:27

Ama ko nan a jambu ko do, a nan mo paji kutuk inot a do mo takiŋdye se adi, Kulo a kulyaesi ti MATAT ŊUN. Ko ŋuto logon yiyiŋ a ti nye yiŋge, ko logon rerenya yiŋga, a ti nye renyani; kogwon se a kötumit na karerenyak.

Ejikele 3:4

A nye takiŋdye nan adi, ŋuro lo ŋuto, iti, jamaki ŋutu ti Yisaraele kulyaesi kwe.

Ejikele 3:7

Ama kötumit na Yisaraele mo ti ’bön yiŋga do kogwon se ti ’dekan yiŋga nan; kogwon kötumit na Yisaraele liŋ gwon ko kusik a nago ko töilyet a iŋgo.

Amosa 7:15

a MATAT iŋge ’dumun nan kaŋo i yuggu na yidin, a MATAT kulyani ko nan adi ti nan iti i kikiŋdyo na ŋutu kanyit Yisaraele kulya.

Jakaria 7:12

A se togo’yi toilyet kase gwoso ŋurupit iŋgo an se ko yiŋga saresi ko kulyaesi logon nan MATAT lo kurumi aje sunyun ko Mulo-kotyo lio i nebijin ti ’beron kulu. Nyenagon a woran duma poŋdi kaŋo koyo nan MATAT lo kurumi.

Matayo 10:16

Mete ta, nan ŋilo soŋdu ta kaŋo gwoso köbilu i kiden na lujin. Nyena gwe ta a lokoŋ gwoso munuö, ko gwe ta gwoso gureki nagon ti konakiŋdya ŋutu arabat.

Nyökit 10:16

Nyenagoŋ taweŋi ta ’böriköt na muggö töilyet kasu, ko an ta ko gwon a miŋeki köti.

Nyökit 31:27

Kogwon nan a den adi ta a ŋutu karerenyak ko logon ko murutö a nawo ’duŋak; meddi ta, temba i gwolor nio ko ta i lo lor, ta aje rerenya ko MATAT, a mo kirut gwe ada i mukök na twan nio?