Ejikele 2:3 - Bibilia Buk na Ŋun nagon koti luŋu a

³ A lepeŋ kulyani ko nan adi, ŋuro lo ŋuto, nan ŋilo soŋdu do i ŋutu ti Yisaraele logon a kötumit na ŋutu karerenyak logon a renya nan. Lepeŋat se ko merenyejin kase a toroŋdya nan ma ’di tojo ko lo lor.

Ejikele 2:3 Iomraidhean Croise

2 Moran 17:14

Ama a se tine yiŋga, nagon a se kölumbö gwe a riör, gwoso na gwoŋdi merenyejin kase nu, logon köju a ko yubbö ŋun lose kulu.

2 Moran 17:15

A se lauŋdye saresi kanyit lo wurö ko tomoret nanyit nagon nye a teten ko merenyejin kase, ko kunyaresi nagon nye a kunyaŋi se kunu. A se kepoddi nyömuejin nagon a wuya kana a se köti worani a wuya, a se kepoddi jurön logon gwon kase i mara, logon MATAT köju a sarakin se adi se ködyö ti mira-kiŋdya lepeŋat kulu.

Ejira 9:7

Suluja i perok ti merenyejin kaŋ tojo ko lo lor yi gwon i koŋdya na lyapesi Jore; nyena kogwon toronjin kaŋ yi ko moran kaŋ, se ko koanejin kaŋ a paki i könisi ti moran ti Jurön anyen tatatua, anyen momoka a ’dupi, anyen toro ’bo kaŋ ryaryaka, anyen wuju yu na kwe gwoso i lo lor na.

Nemaya 9:26

Ma ’di sona lepeŋat a kalaak, se a renya do a iŋge gubara saresi kulök kase i ki ’dirinö, a tatuje nebijin kulök logon a kunyaŋu lepeŋat anyen se ködyö löpukuŋdyö bot konut ni, a se iŋge lauŋdya parik.

Saumajin 106:28

Se a morakindya i kwakwaddu na Bala Peor yu, a nyesi rubaŋgajin lo wuki ŋutu lo twatwa kulo;

Yisaya 30:1

MATAT lo kulya adi, Wöidiö, ŋwajik korenyak! Ta teteŋdya yeyeet nasu nagon ti gwon a nioi; ta teteŋdya tomoret nasu nagon ti gwon a na Mulökötyo liŋ, anyen ta ködyö ’yalakiŋdya toron i toron;

Yeremia 1:7

Ama a MATAT kulyani ko nan adi, An do ko luŋgu mugun a ŋuro lo ’dit; iti i ŋutu liŋ logon nan a soŋdi do kulu, a do jambi ŋo nagon nan a yökijö do i jambu kune.

Yeremia 3:25

Ti yi pere ta kak ko yu na kusik.

Yeremia 36:2

’Dumuŋdye waraga na pudula, ko wuröki i lukata nanyit kulyaesi liŋ logon nan aje jamakin do i kulya ti Yerusalema ko Yuda, se ko jurön liŋ, suluja i lor lo jambi nan ko do lu i perok ti Yosia tojo ko lo lor.

Yeremia 44:20

A Yeremia ko yiŋge kulyaesi ti kilo ŋutu lyan ko wate se ko kulye kulo ŋutu liŋ nu, a nye waddi pija adi,

Yeremia 44:21

Ta yeyeju adi MATAT ŋona a böpö bökurön logon ta ko merenyejin kasu, ko moran kasu, ko temejik kasu, se ko ŋutu ti jur aje ’yur i köjinö ti Yuda, ko i kikolin ti Yerusalema kulo le? Kine kulya ŋona a ko lupö kanyit i töili i tomijö na lepeŋ le?

Yeremia 7:2

Iti, gwo ’de i kötumit na kadi nio na MATAT, ko laije lo kulyaet adi, Ta ŋutu liŋ ti Yuda logon lupöri kine kötumitön i kwakwaddu na MATAT kilo, yiŋge ta kulyaet lo MATAT.

Ejikele 17:12

Pine kötumit na karerenyak adi, Ta ŋona a ko den ko kine kulya kweja nyo? Taki lepeŋat adi, Mete ta, mor lo Babela a po Yerusalema, a joŋgi mor se ko ŋutu temejik kanyit yu Babela.

Ejikele 24:3

Tamakiŋdye kötumit na karerenyak lilim adi, Nan MATAT ŊUN lo kulya adi, ’Dukukiŋdye sape logon a mölwö i kimaŋ, köti ’buköki pioŋ i lukata nanyit;

Ejikele 40:4

A ŋilo ŋuto kulyani ko nan adi, Ŋuro lo ŋuto, mete met ’bura ko yiŋe yiŋ ’bura, ko togwi ’dikiŋdye töili ilot i ŋo liŋ nagon nan de kwekwekin do kune, kogwon do a jwe ni anyen nan böŋö kwekiŋdya do se. Nyönyököki kötumit na Yisaraele ŋo liŋ nagon do de memet kune.

Amosa 7:15

a MATAT iŋge ’dumun nan kaŋo i yuggu na yidin, a MATAT kulyani ko nan adi ti nan iti i kikiŋdyo na ŋutu kanyit Yisaraele kulya.

Malaki 3:7

Suluja i perok ti merenyejin kasu, ta aje girara kaŋo i saresi kwe lo wuro, a ta gwe a ko ’dep se. Nan MATAT lo kurumi lo kulya adi, Yitwene ta koyö ni, a nan koti yitöni kasu ŋini. Ama a ta pipije adi, Yi yito ada?

Kenet 20:10

A Mose ko Arona pepenakiŋdye ŋina momoret i pirit na geleŋ i komor na lurutat, a nye kulyani ko se adi, Yiŋge ta böŋö ta karerenyak; ti yi tomoraki ta pioŋ i lo lurutat le?

Konesi 7:51

Nyena ta ŋutu logon ko muruto a nawo ’duŋak, logon toilyet se ko swo kasu gwon gwoso ti ŋutu logon ti yubbö ŋun, ta ŋupi renya Mulökötyo Loke. Ta kelaji ko merenyejin kasu.

Roma 10:15

A ŋutu tokuöddi ada ko se a ko sonyo? Sekine kulya nagon a wurö kune adi, Mokosi ti ŋutu lo joŋdya lore lo ’but kulo kwekwelen adi rio!

Nyökit 9:24

Ta aje renya MATAT suluja i lu lor lo deŋdi han ta lu.

Nyökit 9:27

Yiyiuŋdye kölipör nök kulök logon a ko Abarayama, ko Yisaka, ko Yakobo; an do ko yeyeju towo ’duŋan na kulo ŋutu, kode tukwö-löŋ nase, ko toron nase,