Ejikele 19:8 - Bibilia Buk na Ŋun nagon koti luŋu a

⁸ A ŋutu ti jurön lo gwon i mödöria-jin i swötön liŋ kulo ŋiki i mörö ko lepeŋ, a se lorgi lepeŋ ko birya nase, a lepeŋ iŋge ’dukin kase i meyi.

Ejikele 19:8 Iomraidhean Croise

2 Moran 24:11

A Nebukadanesar mor lo Babela poni tojo ko köji, i diŋit nagon köliŋönök kanyit gwon i tumba na ŋinu köji ŋu;

Yeremia 22:19

Lepeŋ mo nuka gwoso kaine, iŋkoi, öpu nanyit mo piköji kaŋo a gubajine pajo ko kötumitön timariŋ na Yerusalema.

Delyasi 4:20

A se morgi ŋuto logon MATAT a welakin a mor lo kase i meyi, ŋilo ŋuto a ru nikaŋ. Ama yi aje yinikin ŋilo ŋuto adi lepeŋ kodyo lo muggö yi ko tolimot nanyit i kiden na juron.

Ejikele 12:13

Ama nan MATAT mo gugubakin birya kanyit loki, a ŋina birya nio mo morgi lepeŋ. A nan mo joŋgi lepeŋ tojo Babela i jur lo ŋutu ti Kaledea, ama a nye mo tine met ŋilu jur; a nye mo twaki nyu.

Ejikele 17:20

A nan mo gubakiŋdye birya nio kanyit loki, a boyi nio mo morgi lepeŋ, a nan mo joŋgi lepeŋ Babela yu i jambu na putet, kogwon toron nagon nye a konakin nan na.

Ejikele 19:4

A jurön sirani sira kogwon kulya kanyit, a lepeŋ iŋge ’dukin kase i meyi, a se jiŋge lepeŋ ko jabadalan tojo i jur lo Ejipeto.

Ejikele 19:7

A lepeŋ tuŋe kadijik kase ti tumatyanjin kak, a koŋdi köjinö kase a rubajin. A jur se ko ŋutu liŋ lo si ’da kata kulo iŋge söŋu ko kujönö parik i yiŋga na rumön nanyit.