Ejikele 19:4 - Bibilia Buk na Ŋun nagon koti luŋu a

⁴ A jurön sirani sira kogwon kulya kanyit, a lepeŋ iŋge ’dukin kase i meyi, a se jiŋge lepeŋ ko jabadalan tojo i jur lo Ejipeto.

Ejikele 19:4 Iomraidhean Croise

2 Moran 23:31

A Yeyoakaja gwe ko kiŋajin merya murek wot musala na suluje nye gwon a kasaranit nu, a nye saŋi Yerusalema yu ko yaŋa la musala. A karin ti ŋote nanyit gwe a Kamutala ŋuro na Yeremia lo Libina.

2 Dekat 36:4

A mor lo Ejipeto tiŋdi Eleyakim luŋaser Yeyoa­kaja a mor lo Yuda ko lo Yerusalema, a löpuŋge karin kanyit a Yeyoyakim; ama a Neko joŋgi Yeyoakaja luŋaser Eleyakim tojo Ejipeto.

2 Dekat 36:6

A Nebukadanesar mor lo Babela poŋdi i moro ko lepeŋ, a rereggi lepeŋ ko toŋot, a joŋgi lepeŋ Babela.

Yeremia 22:18

Nyenaŋon nan MATAT a jambu i kulya ti Yeyoyakim ŋuro lo Yosia, mor lo Yuda, adi, ŋutu mo ti gwien lepeŋ adi, A dyoŋ luŋaser likaŋ! kode adi, A dyoŋ kiaser nikaŋ! A se mo tine gwien adi, A dyoŋ pon matat! kode adi, A dyoŋ tomoran nanyit!

Ejikele 19:3

A lepeŋ wowoji lele lo torela kanyit, a ’duŋe a titinti, a jujumbi koja lokore, a nyesi ŋutu.

Ejikele 19:5

A na meddi ŋote adi yenet nanyit aje ’baka a iŋge kakaŋu nu, a lepeŋ köti ’dumuŋdye lele lo torela kanyit a wowoji lepeŋ a kömiru titinti.