Ejikele 19:14 - Bibilia Buk na Ŋun nagon koti luŋu a

¹⁴ A kimaŋ tuleŋ kaŋo kanyit i kenia, a totumbe kenia se ko ludweki kanyit, anyen kene nago gwon ’bayin na pituŋdyö a puri lo ŋuto kasaranit. Ŋilo a köli delyaet, logon ŋutu yeŋ gwon i yo ’yu na lepeŋ.

Ejikele 19:14 Iomraidhean Croise

Suluet 49:10

Ture lo tumatyan ti wuddya ko Yuda i könin, iŋkoi, kasaranit mo ti jaran pukun i kiden na mokosi kanyit, tojo ŋilo ŋuto a po logon kine go a kanyit lo; a gweyajin ti Ŋutu mo twöji lepeŋ.

2 Moran 24:20

A kine kulya iŋge ŋokin Yerusalema se ko Yuda kogwon se a towoŋa MATAT tojo ko nye a riköddu se kaŋo kanyit i komor.

2 Dekat 36:13

A lepeŋ köti renyani mor Nebukadanesar logon a tiŋdu lepeŋ i milyeju i karin ti Ŋun; a nye kolumbo wo ’duŋge murut, a togo ’yi töili lonyit, adi nye ti ’bon lopukwe ko MATAT Ŋun lo Yisaraele ni asut.

Nemaya 9:37

Lo jur likaŋ raradan ludweki kanyit jore a ti moran logon do a tiŋdu kayaŋ ŋerot kogwon toronjin kaŋ; lepeŋat kulo tutumatyan kayaŋ i mugunya, ko i toro ’bo kaŋ gwoso i ’dekesi kase, a yi kulo goŋgi ŋoŋga parik.

Saumajin 110:2

MATAT Siona yu tindu do ture ilot lo tumatyan, kulya adi, Tumatyane ko merok kulök!

Saumajin 79:7

Kogwon se aje tukaŋu kötumit na Yakobo, a se kölökindye piritön si ’daesi kase a murwöki.

Yeremia 38:23

Iŋkoi, wate kunök liŋ se ko ŋwajik kulök mo jopa anyen tiki ŋutu ti Kaledea, a do ko mugun inot mo tine rwöddu kase i könisi, ama a mor lo Babela mo moke mok do, a na köji mo ’yurani ’yura ko kimaŋ.

Yeremia 52:3

A kine kulya ’diri iŋge pokin Yerusalema se ko Yuda kogwon se a towoŋa MATAT tojo nye a riköddu se kaŋo kanyit i komor. A Sedekia renyani sara ko mor lo Babela.

Delyasi 4:20

A se morgi ŋuto logon MATAT a welakin a mor lo kase i meyi, ŋilo ŋuto a ru nikaŋ. Ama yi aje yinikin ŋilo ŋuto adi lepeŋ kodyo lo muggö yi ko tolimot nanyit i kiden na juron.

Ejikele 15:4

A ko lepeŋ a gubaki i kimaŋ anyen nanama; a ko ’dutesi kanyit liŋ murek aje tumön, a kiden nanyit iŋge ’yura, nye ŋona jujukin kitarikin nene kita le?

Ejikele 17:10

A ko lepeŋ a nyökö ’yutuki i nene pirit, lepeŋ ŋona mo ’du ’duŋö a lo ’but le? Lepeŋ mo ti lilikara asut i dili na ’yutuki ’e nye nu ko köbuŋöt lo wukuŋdyö i swöt lo ’yure a tolilik lepeŋ?

Ejikele 19:1

Nyenagon do Ejikele, yo ’yi köli delyaet kogwon temejik ti Yisaraele,

Ejikele 19:11

A kenia kanyit iŋge wora a nago nagon jujukin gwon a puriet ti ŋutu kasarak. A ŋilo ködini iŋge ’duröddu ki a lojo i kiden na kaden ti rudu logon a ’dija, lepeŋ memeta pajo i tojolan nanyit ko kenia kanyit jore.

Ejikele 20:47

Taki rudu lo jur lo Loki adi, Yiŋge kulyaet lo MATAT, adi, Nan MATAT ŊUN lo kulya adi, Mete, nan mo mokakiŋdya kimap konut kiden, a ŋina kimaŋ mo totumbe kaden kulök liŋ lodök se ko kaden kulök liŋ loteyok; a kimaŋ na tutule mo tine pepa, a komo-ösikan ti ŋutu liŋ mo rölöni rölö suluja i swöt lo loki tojo i swöt lo lobot.

Ejikele 20:48

A ŋutu liŋ mo meddi adi ŋilo a nan MATAT lo mokakiŋdya ŋina kimaŋ i ’yuŋa na ŋilo rudu; a ŋina kimaŋ mo tine pepa kwoŋ.

Ejikele 26:17

A lepeŋat mo yo ’yi köli delyaet kogwon kulya kunök adi, Wöidiö do köji na kukwön, do aje likin i kiden na tör duma na ’balaŋ! Do köju a wa i tör kata, a do se ko ŋutu kulök köju iŋge tokujöŋdu ŋutu lo si ’da i tör nyona kulo.

Osea 10:3

Nyena a se molu kulyani adi, Yi ’bak mor kogwon yi ti kujönö MATAT; mor ŋona mo konakin yi nyo?

Osea 3:4

Kogwon ŋutu ti Yisaraele mo sisi ’da ko perok Jore ’bak mor, kode kimak, ’bak rubaŋgajin kode ŋurupit lo togwi ’diki ki i kwakwa-sa, ’bak eŋoda kode nyomuejin ti mede.

Amosa 9:11

A i ŋilu lor a nan mo ’bilikiŋdye tumatyan na Dawidi ki nagon gwoso morogo nagon a ’doro kak na, a nyöggi teteŋdya piriton kanyit na tutulujo, a ’bilikiŋdye murwo nanyit ki a nyöggi ’duggö nye gwoso na ’beron koju nu,

Luka 19:41

A nagon Yesu gwe nyona ko ’dur nu, a nye meddi köji a nye gwine lepeŋ ko ŋolitan,

Yoane 19:15

A se woŋoro ki adi, Tatune lepeŋ, tatune lepeŋ, ti lepeŋ ’bikikine i ködini na görö! A Pilato pije se adi, Ti nan ’bikikiŋdye mor losu i ködini na görö le? A koanejin temejik waddi adi, Yi ’bak lele mor ama ka ’de Kaisar.

Ka’duŋök 9:15

A purudi kulyani ko kaden kulo adi, Ko ta ködyö ’börökiŋdya nan a mor losu ko töilyet loke, nyena poŋdi ta i ’dana köyö i tölimöt; ama ko ’bayin sona a ti kimaŋ tuleŋ koŋe köyö anyen totumbö kaden ti Libanon logon gwoso tika.