Ejikele 19:11 - Bibilia Buk na Ŋun nagon koti luŋu a

¹¹ A kenia kanyit iŋge wora a nago nagon jujukin gwon a puriet ti ŋutu kasarak. A ŋilo ködini iŋge ’duröddu ki a lojo i kiden na kaden ti rudu logon a ’dija, lepeŋ memeta pajo i tojolan nanyit ko kenia kanyit jore.

Ejikele 19:11 Iomraidhean Croise

Suluet 49:10

Ture lo tumatyan ti wuddya ko Yuda i könin, iŋkoi, kasaranit mo ti jaran pukun i kiden na mokosi kanyit, tojo ŋilo ŋuto a po logon kine go a kanyit lo; a gweyajin ti Ŋutu mo twöji lepeŋ.

1 Moran 5:1

A Kiram mor lo Turo ko yiŋge adi ŋutu aje welakiŋdya Solomona a mor i pirit na monye lonyit nu, a lepeŋ soŋdi kölipönök kanyit ko Solomona yu, kogwon Kiram ’beron nyanyar Dawidi.

Ejira 4:20

A moran logon ko riŋitön aje saŋu Yerusalema, logon a kasarak ti modoria ’bukuluŋ na gwon i nu pele na kare Perat, a kilo moran iŋge ropaki usur, ko ’buggo na murut, ko dakesi ti kak.

Ejira 5:11

A lepeŋat rukokiŋdyeyi adi, Yiakoli pönök ti ŋun lo ki ko kak. Yi kulo nyoggu ’duggo kadi na ’duko kiŋajin jore a laŋgu nagon mor duma lo Yisaraele köju a ’duggo ko a tutuŋgo lepeŋ nu.

Saumajin 110:2

MATAT Siona yu tindu do ture ilot lo tumatyan, kulya adi, Tumatyane ko merok kulök!

Saumajin 80:15

Yeyeji ŋina kene nagon könin ilot lutaten a ’yut na, ŋina kene nagon do a tindu i ’duŋö a duma na!

Saumajin 80:17

Ti könin ilot gaji yi logon a ŋutu ti könin ilot lutaten, iŋkoi, yi ŋutu logon do aje tindu i ’duŋö a duma kulo!

Yisaya 11:1

A kene mo wilu i kumut na Yisai, a kene mo ŋunu kaŋo i kokori kanyit.

Ejikele 19:12

Ama a lepeŋ iŋge gwunye kaŋo ko woran, a gubakine kak i kujöŋ, a köbuŋöt lo ’yure toliliŋge lepeŋ, a ludweki kanyit ’do ’done kak, a kenia kanyit nago kune iŋge teteyon, a kimaŋ totumbe se.

Ejikele 19:14

A kimaŋ tuleŋ kaŋo kanyit i kenia, a totumbe kenia se ko ludweki kanyit, anyen kene nago gwon ’bayin na pituŋdyö a puri lo ŋuto kasaranit. Ŋilo a köli delyaet, logon ŋutu yeŋ gwon i yo ’yu na lepeŋ.

Ejikele 21:10

lepeŋ aje juwö a tatuet, lepeŋ aje poto anyen me ’yu gwoso meme ’dekta na ki! (Kine kulya ŋona a kweniesi le? Ŋuro lio, do aje lauŋdya ture se ko kaden liŋ.)

Ejikele 21:13

Kogwon ŋina ’bayin a möriet, a kodyo gwe ada ko do a lauŋdya ŋilo ture? Ŋilo a kulyaet lio lo MATAT ŊUN.

Ejikele 31:3

Mete Asura. Lepeŋ a ködini logon gwoso tika Libanon yu, logon kenia kanyit a na ’but a muŋge rudu ko tölimöt nanyit, a gwe a lojo, a kwe nanyit tulöddi kaŋo i kiden na kaden ti rudu.

Daniele 4:11

ŋilo ködini a ’duŋö, a iŋge wora a iŋgo, ko kwe nanyit ’bo ’yu ’diko, a metani meta i ’dutesi ti kak ’bukuluŋ.

Lewi 23:40

A i lor lo kokwe a ta ködyö ’dumuŋdye ludweki ti kaden lo ’but ko kenia ti tömur, ko kenia ti kaden logon ko koropo jore, ko ti kaden ’biyo logon nyona ko loro kulo; a ta ködyö lyölyöŋine ko MATAT ŋun losu i komor ko perok buryo.

Kenet 24:17

Nan ’do ’yu adi, Nan memet lepeŋ, ama ’bayin soŋinana; nan didir nye, ama ’bayin nyona; a kaseroköti mo puku kaŋo i kötumit na Yakobo, iŋkoi ture lo tumatyan mo pupukun kaŋo i ŋutu ti Yisaraele; a nye mo gwuddye temeneŋan ti Moaba, a mo ’bitökiŋdye ŋutu liŋ logon a kaŋisak kak.