Ejikele 19:1 - Bibilia Buk na Ŋun nagon koti luŋu a

¹ Nyenagon do Ejikele, yo ’yi köli delyaet kogwon temejik ti Yisaraele,

Ejikele 19:1 Iomraidhean Croise

2 Moran 23:34

A Paro Neko tiŋdi Eleyakim ŋuro lo Yosia a mor i ruddya na monye lonyit, a löpuŋge karin kanyit a Yeyoya-kim. Ama a nye joŋgi Yeyoakaja kaŋo; a Yeyoakaja ’dure Ejipeto, a twane twan nyu.

2 Moran 24:12

a Yeyoyakin mor lo Yuda pakiŋdye mugun ko mor lo Babela, se ko ŋote nanyit, ko köliŋönök kanyit, ko kimak kanyit, ko dumalak ti kadi nanyit. A mor lo Babela joŋgi lepeŋ a lo rereka i kiŋa tobudök na gwoŋdi lepeŋ a kasaranit nu,

2 Moran 24:6

A Yeyoyakim nukakine ko merenyejin kanyit i merete, a Yeyoyakin ŋuro lonyit lo ruddye tumatyan nanyit.

2 Dekat 35:25

A Yeremia köti iŋge yolo köli lo twan na Yosia, a kayolok lulyan ko nawate liŋ ’di ’diŋdye Yosia i kolisi ti twan tojo ko lo lor. A lepeŋat ’debbi kilo kolisi ti twan a keri i Yisaraele; mete, kine a wuröki i buk na delyaesi.

2 Dekat 36:10

A nye koŋdi ŋo nagon a naron ko MATAT i metet. A gwe sona i suluet na kiŋa, a mor Nebukadanesar soŋdi ŋutu i joŋdya na lepeŋ Babela ni, se ko tito nakwekwelen ti kadi na MATAT, a tiŋdi Sedekia luŋaser Yeyoyakin a mor lo Yuda ko lo Yerusalema.

2 Dekat 36:3

A mor lo Ejipeto ’dumuŋdye lepeŋ kaŋo i tomoran nanyit Yerusalema yu, a ri ’dikiŋdye ŋilu jur i robba na podo nagon temuŋdya a talentajin mia geleŋ ko talenta geleŋ na dakap.

2 Dekat 36:6

A Nebukadanesar mor lo Babela poŋdi i moro ko lepeŋ, a rereggi lepeŋ ko toŋot, a joŋgi lepeŋ Babela.

Yeremia 22:28

ŋilo ŋuto Konia ŋona a sape lo gwalaka ko a titoni nagon ŋuto ’bayin lo yeyeju le? Ko nyo nagon lepeŋ se ko ŋwajik kanyit gubaji kaŋo a iŋge wisaji i jur logon se ti den lu?

Yeremia 22:30

MATAT lo kulya adi, Wuröki karin ti ŋilo ŋuto kak adi nye ’bak ŋwajik, lepeŋ a ŋuto logon kulya kanyit ti puputuru ŋerot ’bura i perok kanyit; kogwon lele nyakwari lonyit mo ’bayin logon kulya kanyit gwon ’bura, i tiŋdu na lepeŋ i si ’daet na tumat­yan na Dawidi anyen saŋu i Yuda köti.

Yeremia 24:1

A gwe sona, i mukök nagon Nebukadaresar mor lo Babela aje joŋga Yekonia ŋuro lo Yeyoyakim mor lo Yuda, mora ko ŋutu temejik ti miri na Yuda, ko bodwat, se ko tomonok kanitök kaŋo i Yerusalema, a joŋgi se Babela i to ’dupien nu, a MATAT kwekiŋdye nan kine kulya köyö i töili. A nan meddi kupöjin murek ti ki ’biet a tiki i komor na kadi na MATAT.

Yeremia 24:8

Ama nan MATAT lo kulya adi, Nan mo kokonakin Sedekia mor lo Yuda, ko ŋutu temejik ti miri nanyit, ko pitönö ti ŋutu ti Yerusalema logon a pitöki i lo jur kulo, se ko ŋutu lo wökön i jur lo Ejipeto anyen si ’da yu kulo, gwoso kilo ki ’biet lorok logon a lorok parik ti bulö nyei kulo.

Yeremia 9:1

Ko ködyö kwe nio gwon a kidi lo pioŋ, a ko ködyö konyen kwe lelek a ŋolitananyen nan ködyö böŋö gwigwien ko tuparan ko tukwaje kogwon ŋutu kwe lo tatua kulo!

Yeremia 9:10

Nan pokin i gwien ko i lulujö i kulya ti merya, a nan delyani delya i kulya ti piritön yukisi na gwon mu ’diŋ kunu, kogwon se aje körö, a ŋutu gwe ’bayin lo lwöŋöddi nyin, a woŋon na toro ’bo tine yiŋa; kweja adi ko kwen ko kijakwa aje wökön, a gwe ’bayin kwöŋ.

Delyasi 4:20

A se morgi ŋuto logon MATAT a welakin a mor lo kase i meyi, ŋilo ŋuto a ru nikaŋ. Ama yi aje yinikin ŋilo ŋuto adi lepeŋ kodyo lo muggö yi ko tolimot nanyit i kiden na juron.

Delyasi 5:12

A kasarak iŋge leleyo i konisi kase, a ŋutu temejik tine bula.

Ejikele 19:14

A kimaŋ tuleŋ kaŋo kanyit i kenia, a totumbe kenia se ko ludweki kanyit, anyen kene nago gwon ’bayin na pituŋdyö a puri lo ŋuto kasaranit. Ŋilo a köli delyaet, logon ŋutu yeŋ gwon i yo ’yu na lepeŋ.

Ejikele 19:2

taki lepeŋat adi, Ŋote nasu köju a kömiru nakwan i kiden na kömiruöt! Lepeŋ piriki i kiden na kömiruöt lo ’di ’dik a tunöggi torela kanyit.

Ejikele 2:10

A lepeŋ iŋge petakin köyö i komor; a ŋina waraga iŋge wurö swötön liŋ, a kulya na wuröki kata kune gwe a luluesi, ko delyaesi, se ko durweesi.

Ejikele 26:17

A lepeŋat mo yo ’yi köli delyaet kogwon kulya kunök adi, Wöidiö do köji na kukwön, do aje likin i kiden na tör duma na ’balaŋ! Do köju a wa i tör kata, a do se ko ŋutu kulök köju iŋge tokujöŋdu ŋutu lo si ’da i tör nyona kulo.

Ejikele 27:2

Do ŋuro lo ŋuto, yo ’yi köli delyaet i kulya ti Turo.

Ejikele 27:32

A na luluje se nu, a se yoloni köli lo twan i kulya kunök, a delyani adi, Woidio do Turo nagon a toyipa asut i kiden na tör duma na ’balaŋ!

Ejikele 28:12

Ŋuro lo ŋuto, yo ’yi köli delyaet i kulya ti mor lo Turo, yuluki lepeŋ adi, MATAT ŊUN lo jambu adi, Do köju a lo ’but lo totopuŋdya i ŋo liŋ, do a jore ko koŋon, do a lokwekwelen bia parik.

Ejikele 32:16

Ŋilo a köli delyaet logon ŋutu wate ti jurön mo yoyo. Lepeŋat mo yo ’yu ŋilo köli delyaet i kulya ti Ejipeto se ko ŋutu kanyit logon jore parik kulo. Kilo a kulyaesi kwe ti MATAT ŊUN.

Ejikele 32:18

Ŋuro lo ŋuto, luluje lulujö i kulya ti ŋutu ti Ejipeto logon jore parik kulo, gubara lepeŋat kak tojo i jur logon i lukak na kak, iŋkoi, gubara Ejipeto se ko ŋutu ti jurön lokukwön anyen moraddu ko ŋutu logon tu kak i dili nagon ’bak ’dutet kulo.

Ejikele 32:2

ŋuro lo ŋuto, yo ’yi köli delyaet i kulya ti Paro mor lo Ejipeto, yuluki lepeŋ adi, Wöidiö do kömiru titinti i kiden na jurön! Do gwe gwoso kinyoŋ lo gwon i Supiri, a do buŋe pioŋ ko kume ilot, a do köbuŋe pioŋ ko mokosi kulök, a kököröji pioŋ ti kinasi ti Supiri.

Amosa 5:1

Ta kötumit na Yisaraele, yiŋge ta kulyaesi logon nan a delyari ta kulo adi.