Ejikele 18:9 - Bibilia Buk na Ŋun nagon koti luŋu a

⁹ a wöröni i saresi kwe lo wurö, a tiji jujuwesi kwe. Ŋuto gwoso ŋilo a lo rigwo; lepeŋ ’diri mo gwon jörun. Ŋilo a kulyaet lio lo MATAT ŊUN.

Ejikele 18:9 Iomraidhean Croise

1 Moran 9:4

Ama do ko mugun, ko do ködyö wörö köyö i komor ko töili ilot liŋ ko torigwo, gwoso na wöröri Dawidi monye ilot nu, i koŋdya na ŋo liŋ nagon nan a sarakin do kine, i ’debba na saresi kwe lo wurö, ko kulya na ’duŋ nan kune,

Tolupesi 12:28

Kiko lo torigwo joŋga ŋutu i ru, ama kiko kata lo tu i twan.

Ejikele 11:12

a ta mo kirut dene den adi nan a MATAT; kogwon ta a ko wörö i saresi kwe lo wurö a gwe a ko ’depakiŋdya i jujuwesi kwe, ama kölu-mbö a ta koŋdi gwoso i jujuwesi ti ŋutu ti jurön logon kasu i mara kilo.

Ejikele 18:10

A ko lepeŋ a yupuŋdyö ŋuro lula-let logon a karyakanit ko a katatuanit, logon ti mirakiŋdya kitajin ti monye i koŋdya na nene nase,

Ejikele 18:17

a tine ’bulukiŋdyö könin lonyit i ŋo naron, a tine luŋgu woli kode ’yalet i po na kuroji kanyit kune, a tiji jujuwesi kwe, a wöröni i saresi kwe lo wuro— ŋuto gwoso ŋilo mo ti twan kogwon toronjin ti monye, lepeŋ ’diri mo gwon jorun.

Ejikele 18:19

Ama kölumbö a ta pipije adi, Ko nyo nagon ŋuro ti poŋga kogwon toron na monye? A ko ŋuro a koŋdya po nagon a na ’but i saret ko a gwak, a iŋge tiju saresi kwe liŋ lo wuro, lepeŋ mo ’diri gwon jörun.

Ejikele 20:11

A nan tiŋdi se saresi kwe lo wurö, a kwekiŋdye se jujuwesi kwe logon ko ŋuto a ’dep se kulo a rune ru.

Ejikele 20:13

A kölumbö kötumit na Yisaraele renyani nan i yöbu yu; a se gwe a ko wörö i saresi kwe lo wurö, a renyani jujuwesi kwe logon ko ŋuto a ’dep se kulo a rune ru; a se iŋge kör sabatajin kwe parik. A nan köti iŋge yeyeju ’bukökiŋdyö woran nio kase loki i yöbu yu anyen to ’duddyö se asut.

Ejikele 33:15

a ko ŋilo ŋuto a nyököro ŋo nagon nye a ’duma-ra a togwoet na, a nyököddi bot ŋo nagon nye aje ryakun kune, a wöröni i saresi logon ko ŋuto a ’dep se a rune ru, a tine koŋdya toron; lepeŋ ’diri mo ruru, a nye mo tine twan.

Ejikele 36:27

a nan mo tiŋdi mulökötyo lio kasu i mugunya, a nan mo tiŋdi ta i wörö köyö i saresi lo wurö kulo, ko i tiriku i ’debba na jujuwesi kwe.

Ejikele 37:24

A köliŋönit lio Dawidi mo lo gwe a mor lose, a se liŋ mo gwe ko kayukunit geleŋ. A se mo kebbi jujuwesi kwe, a tirikuni ’debba saresi kwe lo wurö.

Lewi 18:5

Nyenagon a ta ködyö ’debbi saresi kwe lo wurö se ko kulya na ’duŋ nan kune. ŋuto logon a koŋdya se lo mo gwon jörun kogwon se: nan logon a MATAT.

Amosa 5:14

Ga ’yi ta kulya na ’but ti gwon a kulya narok, anyen ta boŋo gwon jorun, nyena a MATAT ŋun lo kurumi mo gwe ko ta, gwoso na kulyari ta adi lepeŋ kata na.

Amosa 5:24

Ama ti ’duŋo na putesi gwogwo konani kona parik gwoso karya lo ’bukuŋdyo kak, ko ti loti lo rigwo konani kona parik gwoso kare lo ’do ’dokon ŋupi.

Amosa 5:4

Kogwon nan MATAT lo kulya ko kötumit na Yisaraele adi, Ga ’yi ta nan anyen ta gwon jörun;

Abakuk 2:4

Mete, ŋuto logon toili lonyit a lomunyan ti bulo gwo ’dan go, ama ŋuto lo loti lo rigwo mo gwon jörun kogwon yupet nanyit nago.

Luka 1:6

A se murek liŋ gwe rigwo ko Ŋun i komor kekebbu saresi liŋ se ko jujuwesi ti MATAT ’bak ŋoit.

Yoane 14:21

Ŋuto logon a wuju saresi kwe a ’debbi se lo, nye ŋilo lo nyanyar nan lo; a Baba mo nyaŋi ŋuto logon nyanyar nan lo, a nan köti mo nyaŋi lepeŋ a mo kwekiŋdye lepeŋ mugun nio.

Konesi 24:16

Nyena nan ŋupi mömöŋu ’bura anyen gwon ko töili lo ’but logon toyiyikiŋdyö nan adi nan a ko konakiŋdya Ŋun arabat kode ŋutu.

Roma 1:17

Kogwon Loŋe Lo ’but kweja kiko logon Ŋun tiŋdu ŋutu gwon rigwo ada kanyit i komor; ŋina ŋo suluja i yupet tojo ko ŋerot liŋ a yupet, gwoso i kulya ti Ŋun na wuwurö adi, ŋuto lögon Ŋun a tin gwon rigwo kanyit i komor kogwon yupet lo mo gwon jörun.

Roma 8:1

Nyenagon soŋinana ŋutu logongwe ko Kristo Yesu i mugun kilo tine ’duŋöki putet riŋet.

Nyökit 11:1

Nyenagoŋ ta ködyö nyanyar MATAT Ŋun losu, ko ’de ’deŋ jujuwesi kanyit, ko saresi kanyit lo wurö, ko kulya na ’duŋ lepeŋ kine, ko saresi kanyit perok liŋ.

Nyökit 4:1

Nyenagoŋ soŋinana, pon kötumit na Yisaraele, yiŋge ta saresi lo wuröki ta se ko kulya na ’duŋöki ta nagoŋ nan a todinikin ta kune, ko koŋdi ta se anyen ta böŋö gwon jörun ko lupö lukata i morga na lu jur logon MATAT ŋun lo merenyejin kasu titin ta lo.

Nyökit 5:1

A Mose luŋgi ŋutu ti Yisaraele liŋ a kulyani ko se adi, Ta kötumit na Yisaraele, yiŋge ta saresi lo wurö, se ko kulya na ’duŋö nagoŋ nan jamakin kasu i swö i lo lor kune, anyen ta ködyö jujumbu se, ko i tiju i koŋdya na se.

Nyökit 6:25

A ŋina mo gwe a puret na ’but kayaŋ koyi ködyö tiju i koŋdya na kilo saresi liŋ ko MATAT Ŋun likaŋ i komor gwoso nagoŋ nye aje saŋi yi na.

1 Yoane 2:29

Ko ta deden adi lepeŋ a lo rigwo, ta agu kodyo kukurun adi, ŋutu liŋ lo koŋdya ’bura kilo a ŋwajik ti Ŋun.

1 Yoane 3:7

Ŋwajik kwe, ti lele ŋuto gwe ti togiŋa ta. Nye logon yeŋon koŋdya ’bura lo a lo rigwo, gwoso na gwoŋdi Kristo a lo rigwo na.