Ejikele 18:5 - Bibilia Buk na Ŋun nagon koti luŋu a

⁵ Ŋuto logon a lo rigwo koŋdya ŋo nagon a na ’but i saret ko a gwak.

Ejikele 18:5 Iomraidhean Croise

Suluet 18:19

Kogwon nan a wulun lepeŋ, anyen nye ködyo saŋu ŋwajik kanyit ko Ŋutu ti mede nanyit lo gwon kanyit i mukök kilo, anyen se ködyo kebbu kiko liŋ lo MATAT i koŋdya na kulya na rigwo ko i ’duŋgö na kulya gwogwo; anyen nan MATAT böŋö jakiŋdya Abarayama ŋo nagon nan a milyekin lepeŋ kune.

Tolupesi 21:3

Kondya na ŋo nagon a na ’but ko ŋo nagon gwon jojo tutulyöŋ MATAT lwölwöŋ nagon do ’duŋökindyö lepeŋ rubaŋga.

Yeremia 22:15

Do yeyeju adi do a mor kogwon do lwölwöŋ kulye ŋutu i ’duggö na kadi ko kaden logon gwoso tika na le? Yeyene kulya ti munyi: lepeŋ köju nyenyesu ko mömöju, a iŋge koŋdya tojojo ko torigwo; a po liŋ gwe ’bura ko lepeŋ.

Yeremia 7:5

Kogwon ko ta ’diri a teten gwiliŋisi kasu se ko konesi kasu, a ko ta ’diri a tokonakin ko ’börik kulya na rigwo,

Ejikele 18:4

Mete ta, ru na ŋutu liŋ a nio; kweja adi ru na monye se ko ru na tore a nio. Ŋuto logon a toroŋdya lo mo kakaŋu.

Ejikele 18:6

Lepeŋ ti nyesu i piritön kwakwasesi na gwon i ko ’dulan ti merya kune, nye ti ’bilikiŋdya konyen kanyit ki i twöju na nyomuejin logon a ŋunyen ti kötumit na Yisaraele, nye ti toluddya narakwan na leŋe, kode doto ko ŋuto nagon lolo-kia.

Ejikele 33:14

Ma ’di köti ko nan a kulya ko ŋuto loron adi nye ’diri mo twatwan, ama ko nye a löpuggö i toron nanyit, a koŋdi ŋo nagon a na ’but i saret ko a gwak,

1 Yoane 2:29

Ko ta deden adi lepeŋ a lo rigwo, ta agu kodyo kukurun adi, ŋutu liŋ lo koŋdya ’bura kilo a ŋwajik ti Ŋun.

1 Yoane 2:3

I ŋina yi a den adi yi deden lepeŋ, ko ködyö yi ’de ’dep saresi kanyit.

1 Yoane 3:7

Ŋwajik kwe, ti lele ŋuto gwe ti togiŋa ta. Nye logon yeŋon koŋdya ’bura lo a lo rigwo, gwoso na gwoŋdi Kristo a lo rigwo na.

Kweyatti 22:14

Ŋutu logon a lalaju boŋgwat kase kulo a kalyöŋök, kogwon se mo ’bu ’buruki ködini toruet, a mo ruko kine i lupö köji i kötumitön.