Ejikele 18:4 - Bibilia Buk na Ŋun nagon koti luŋu a

⁴ Mete ta, ru na ŋutu liŋ a nio; kweja adi ru na monye se ko ru na tore a nio. Ŋuto logon a toroŋdya lo mo kakaŋu.

Ejikele 18:4 Iomraidhean Croise

2 Moran 14:6

Ama a nye gwe a ko tatu ŋwajik ti kulu katatuak; gwoso na wuröri i buk na saresi ti Mose na saŋi MATAT nu adi, A komonye kodyo tine tatua i kulya ti ŋwajik, kode a ŋwajik ködyö tine tatua i kulya ti komonye; ŋutu liŋ geleŋ geleŋ kodyö tatuani kogwon toronjin kase.

Eyobo 21:20

Ti lepeŋat mete met ko konyen kase tukara nase, ko ti se möji woran na Kabulönit lo ŋo liŋ.

Eyobo 8:4

Ko ŋwajik kulök aje toroŋdya lepeŋ, a nye aje wukiŋdya se i riŋit na lyaŋesi kase.

Yisaya 42:5

MATAT Ŋun a gweja ’dikolo ko a ririöddu lepeŋat kaŋo, lepeŋ a petaddu kak ko ŋo na pukun kanyit, a tiŋdi yukan i ŋutu lo gwon kanyit loki, se ko köbuŋöt i se logon wörö kata kulo.

Yisaya 57:16

Kogwon nan mo ti wuwugi ŋupi; a nan mo tine wowori ŋupi an ködudwölön ti ŋutu dosakiŋdya köyö i komor. kilo köbuŋötön ruesi logon nan a gwe kilo.

Yeremia 31:30

Ama ŋutu liŋ mo twatwa kogwon toronjin kase; ŋutu liŋ geleŋ geleŋ logon a nyesu ludweki ti binyo lodök kulo kala kase mo jajayi.

Ejikele 18:20

Ŋuto logon a toroŋdya lo mo kakaŋu. A ŋuro mo tine poŋga kogwon toron na monye, a monye mo tine poŋga kogwon toron na ŋuro. Ŋuto lo rigwo ropaki torigwo nanyit, a katoronyanit ropakine toron nanyit.

Ejikele 18:3

Nan MATAT ŊUN lo kulya adi, ’Diri ’diri gwoso na gwoŋdi nan na, ta mo köti ti jambu ŋilo tolupet kwöŋ i Yisaraele.

Ejikele 18:5

Ŋuto logon a lo rigwo koŋdya ŋo nagon a na ’but i saret ko a gwak.

Ejikele 3:18

Ko nan ’dek kulya ko ŋuto loron adi, lepeŋ ’diri twatwan, a do ködyö gwe a ko takin lepeŋ adi, Kunyar! kweja adi ko do a ko jambu i kunyaŋu na ŋilo ŋuto loron i kö ’yu na kiko lonyit loron anyen lwöggu ru nanyit, nyena a ŋilo ŋuto loron mo twane twan nyuŋ gwon ko toron, ama a nan mo luŋgi rima kanyit konut i könin.

Ejikele 33:8

A ko nan ’dek kulya ko ŋuto loron adi nye a loron, nye ’diri mo twatwan, ama a do ködyö gwe a ko takin lepeŋ adi, Kunyar! anyen lepeŋ löpukuŋdyö kaŋo i kikolin kanyit, ŋilo ŋuto loron mo twan nyuŋ gwon ko toron, ama a nan mo luŋgi rima kanyit konut i könin.

Jakaria 12:1

Nebi a ’do ’yu kulyaet lo MATAT i kulya ti Yisaraele adi, Nan MATAT lo gwon i riöddu na ’dikolo, a sukiŋdye pipilesi ti kak a gweuŋdye mulökötyo lo ŋuto kanyit i mugun lo, nan lo kulya adi,

Kenet 16:22

A se ’dorone kak rupu, a kulyani adi, Pon Ŋun, do a Ŋun lo ködu dwölön ti ŋo liŋ lo gwon jörun lo, ko ŋuto geleŋ a toroŋdya, a do wore woran ko momoret liŋ le?

Kenet 27:16

Ti MATAT logon a ŋun lo ködu dwölön ti ŋutu liŋ lo ti nye wuluŋdye lele ŋuto a kwe na momoret,

Roma 6:23

Kogwon toron robba ŋuto ko twan, ama Ŋun ’dogga ŋuto ’bak ropet ko ru na yeŋ nyin ko Matat likaŋ Yesu Kristo i mugun.

Galatia 3:22

Ama kulya ti Ŋun na wurö kune tuggö adi ŋo liŋ a rereka ko toron, anyen go nagon Ŋun a milyekin tiŋöju kogwon yupet na yupörikin Yesu Kristo kune böŋö tiki ŋutu logon yuyubbö kulo.

Nyökit 24:16

A komonye ködyö tine tatua i kulya ti ŋwajik, kode a ŋwajik ködyö tine tatua i kulya ti komonye; ŋutu liŋ geleŋ geleŋ ködyö tatuani kogwon toronjin kase.

Ebere 12:9

Komonye kan ti na kak köju a tojumbu yi a yi inge twö lepeŋat, ködyö bia parik yi twötwö Monye lo ködudwölön kan anyen yi gwon jörun, ti gwon sona le?