Ejikele 18:28 - Bibilia Buk na Ŋun nagon koti luŋu a

²⁸ Lepeŋ ’diri ruru a tine twan, kogwon lepeŋ a yeyeju a iŋge löpukuŋdyö kapo i toronjin liŋ nagon nye köju a kon kune.

Ejikele 18:28 Iomraidhean Croise

Saumajin 119:1

Ŋutu logon gwiliŋisi kase ’bak yuyukesi logon wörö i saresi ti MATAT kulo a kalyöŋök.

Saumajin 119:59

Nan a yeyeju kikolin kwe, a nan Wöripundye mokosi kwe i kebbu na todinesi kunök.

Saumajin 119:6

Nyenagon ko nan a diŋa saresi kulök liŋ go, a yu na kwe tine mok nan.

Ejikele 12:3

kogwon se a kötumit na ŋutu karerenyak. Nyenagon ŋuro lo ŋuto, toŋi tito kunök anyen do wökön i jur lo pajo, toŋi se i diŋit na tuparan a lepeŋat memeddya, a kirut do iti tu. Ko lepeŋat a met do i wuddya konut i pirit a iti i jur lo pajo, kode se ŋona mo kukurun adi se a kötumit na ŋutu karerenyak.

Ejikele 18:14

A ko ŋilo katoronyanit a yupuŋdyö ŋuro logon memet toronjin liŋ nagon monye a kon kune, a kujönöni kujönö, a tine mirakiŋdya lepeŋ,

Ejikele 18:21

Ama ko ŋuto loron a löpukuŋdyö kapo i toronjin kanyit liŋ nagon nye kökon kune, a ’debbi saresi kwe liŋ lo wuro, a koŋdi po na ’but i saret ko a gwak, ŋilo ŋuto ’diri gwon jorun, lepeŋ ti twan.

Ejikele 18:27

Köti ko ŋuto loron a löpukuŋdyö kapo ’i po narok liŋ nagon nye kökon kune, a koŋdi po nagon a na ’but i saresi ko a gwak, lepeŋ ’diri lwölwök ru nanyit.

Ejikele 18:29

Kölumbö kötumit na Yisaraele kulya adi, Kiko lo MATAT ti gwon jojo. Ta kötumit na Yisaraele, ’diri kikolin kwe ti gwon jojo le? Ama kikolin kasu logon ’bayin jojo.

Ejikele 18:31

Gubara ta lauŋdya nasu na saresi liŋ kaŋo nagon ta a toroŋdi nan kine. Galakiŋdye ta ’börik töilyet ludukö se ko yeyeesi ludu-kö! Ta kötumit na Yisaraele, ko nyo nagon ta ködyö twatwa?

Ejikele 33:12

Do ŋuro lo ŋuto, jambi ko ŋutu kasu adi, Löti lo ’but lo ŋuto lo rigwo ti bulö lwöggu lepeŋ i diŋit na toroŋdi nye nu; a toron na ŋuto loron mo tine to ’doro ’yu lepeŋ i diŋit na löpukuŋdye nye kaŋo kanyit i toronjin nu. A ko ŋuto lo rigwo a toroŋdya, a löti lonyit lo rigwo tine bulö lwöggu ru nanyit.

Nyökit 32:29

Ko se ködyö a lokoŋ a se ködyö kuru kurun ŋina ŋo, a se ködyö timuŋdye ’dutet nase!

Tito 2:14

Lepeŋ a tiŋdu mugun a rubaŋga kogwon kulya kaŋ, anyen dakuŋdya yi i toronjin liŋ, i toke ’ya na yi a ŋutu kanyit lomore, anyen yi gwon ko pusök i koŋdya na ŋo na ’but.