Ejikele 18:25 - Bibilia Buk na Ŋun nagon koti luŋu a

²⁵ Ama kölumbö a ta kulyani adi, Kiko lo MATAT ti gwon jojo. Nyena ta kötumit na Yisaraele, yiŋge ta; ’Diri kiko lio lo MATAT ti gwon jojo le? Ama kikolin kasu logon ’bayin jojo.

Ejikele 18:25 Iomraidhean Croise

Suluet 18:25

Ti do gwe pajo i koŋdya na ŋo gwoso ŋina i tatuja na Ŋutu lo rigwo ko lorok i pirit na geleŋ, anyen kulya ti Ŋutu lo rigwo ko lorok gwon jojo! Ti do gwe pajo i ŋo gwoso ŋina! Ka ’duŋönit lo kak liŋ ŋona ti ’duŋgö gwogwo le?

Eyobo 15:13

anyen do ŋisa ko Ŋun, anyen kilo kulyaesi ko rurutuŋdye kaŋo konut i kutuk na?

Eyobo 32:2

A kirut Eliyu ŋuro lo Barakele, lo po Buja, ko a lo kötumit na Ram lo, poki i woran. Lepeŋ woran kogwon Eyobo koŋdya mugun a lo rigwo lwöŋgu Ŋun;

Eyobo 35:2

Do kulya adi do a lo ’but ko Ŋun i komor,

Eyobo 40:8

Do yöŋö tiŋdu putet liŋ i gwon a ŋo kana? Do ’dek ’duŋökiŋdyö nan arabat anyen do kurwe a loke?

Saumajin 145:17

MATAT a lo rigwo i konesi kanyit liŋ, ko a kanyaranit i kitajin kanyit liŋ.

Saumajin 50:21

Kine kulya do a kon, a nan yiŋani taliŋ; do yeyeju adi nan jojo gwoso do liŋ. Ama soŋinana nan ririŋ do, a nan petakindye kulya na kon do kine konut i komor.

Saumajin 50:6

A ’dikolo tuŋge adi Ŋun a lo rigwo, kogwon lepeŋ a ka ’duŋönit lo ŋutet.

Tolupesi 19:3

Ŋuto öŋu kiko lonyit ko tu ’bögön, a töili lonyit mandi MATAT.

Yeremia 12:1

Pon MATAT, do a lo rigwo i diŋit nagon nan a wiwinya ko do nu, ama nan nyuŋ ’dek pipija kulya kwe konut i komor. Ko nyo nagon kulya ti ŋutu lorok tu ’bura? Iŋkoi, ko nyo nagon ŋutu kamumu­lukak si ’da ’bura?

Ejikele 18:26

A ko ŋuto lo rigwo a löpukuŋdyö kapo i torigwo nanyit a iŋge toroŋdya, lepeŋ twatwan kogwon ŋina toron; lepeŋ twan kogwon toron nagon nye kökon na.

Ejikele 18:29

Kölumbö kötumit na Yisaraele kulya adi, Kiko lo MATAT ti gwon jojo. Ta kötumit na Yisaraele, ’diri kikolin kwe ti gwon jojo le? Ama kikolin kasu logon ’bayin jojo.

Ejikele 33:17

Ama ŋutu ti jur losu kulya adi Kiko lo MATAT ti gwon jojo; ama kölumbö kikolin kase logon ’bayin jojo

Ejikele 33:20

Ama ta kulya adi, Kiko lo MATAT ti gwon jojo. Ta kötumit na Yisaraele, nan mo ’du ’dupökin ta liŋ geleŋ geleŋ putesi gwoso i kikolin kasu.

Jepania 3:5

Ama MATAT lo gwon kanyit kiden lo a lo rigwo, lepeŋ ti koŋdya ŋina naron; temba i ko ’bure lepeŋ kweja ’duŋgo nanyit na rigwo, lepeŋ ti jaran temba i waran na kak. Ama kakonak ti kulya narok ti yu kusik.

Malaki 2:17

Ta aje tudaraju MATAT ko kulyaesi kasu. A ta pipije adi, Yi tudaraju lepeŋ ada? Ta a tudaraju lepeŋ kogwon ta a kulya adi, ŋutu liŋ lo koŋdya arabat kilo a lo ’but ko MATAT i komor, a nye lyoni lyoŋon ko lepeŋat. Koti kogwon ta a pija adi, Liya ŋun lo ’duŋgo putesi gwogwo?

Roma 10:3

Kogwon se ti den kiko logon Ŋun tiŋdu ŋutu i gwon rigwo kanyit i komor lo, a se gwe a ko tokoyokuŋdya ’börik kak ko lepeŋ i komor i kiko logon nye teteŋdi ŋutu i gwon rigwo lo, ama a se möŋi teteŋdya kiko lose anyen se gwon rigwo.

Roma 3:20

Kogwon ŋuto ’bayin logon a tetenaki a lo rigwo ko ŋun i komor kogwon ’debba na Saresi, kilo Saesi tuŋ tiŋdu ŋuto i deŋdya adi nye a katoronyanit.

Roma 3:5

Ama ko toron nikaŋ kwekiŋdya adi Ŋun ’duŋgö putet rigwo, a yi kulyani ada? Yi kulya adi Ŋun ti ’duŋgo putet gwogwo kogwon a riŋga yi na le? (Nan ŋilo jambu gwoso nagon ŋuto jajambi na.)

Roma 9:20

Ama do ŋuto kana, do a ŋa anyen ŋetakiŋdya Ŋun kulya? Sape ŋona bubulö pija kagweyanit lonyit le adi, Ko nyo nagon do gweja nan sona?

Nyökit 32:4

ŋilo Lurutat, kita nanyit a nake; kogwon kikolin kanyit liŋ a lo rigwo. Nye a Ŋun lo yiyiniki ko ’bak toron, nye a lo rigwo ko yeŋ gwogwo.